Unicode+Zawgyi
❣️ဦး ဖန် တီး သော အ ချစ် သ င်္ကေ တ❣️
💫Season 2💫
💫Part (30)💫
~❣️~❣️~❣️~❣️~❣️~❣️~❣️~❣️~❣️~❣️~❣️~❣️~
"ဘေဘီ..."
ရာရာအိမ်ပြန်ရောက်တော့ ရေချိုးခန်းထောင့်မှာ ထိုင်နေတာ ဘယ်လောက်ထိကြာသွားသည်မသိ။ ဦးသူ့ပြန်လာမှ ရာရာ့ကိုတွေ့သွားသည်။ ရာရာလည်း ဦးသူ့ခေါ်သံကြားမှ သတိဝင်လာသည်။
"ဦးသူ့..."
"ဒီမှာဘာထိုင်လုပ်နေတာလဲ အောက်ကကြွေပြားကအေးတာနဲ့ အအေးပတ်ရင် ဘယ်လိုလုပ်မလဲ"
သူ့ကပြောလဲပြော ရာရာ့ကိုယ်လေးကိုပွေ့ချီက အပြင်ဘက်ကိုခေါ်လာပြီး ကုတင်ပေါ်မှာ အသာအယာချပေးသည်။
"ဘာလို့ မျက်နှာက ငိုမဲ့မဲ့ဖြစ်နေရတာလဲ ကလေးတွေ စကားနားမထောင်လို့လား "
ရာရာမျက်နှာမကောင်းတာကို တန်းပြီးသိတဲ့ဦးသူ့ကြောင့် ရာရာမျက်ရည်ကြည်တွေချက်ချင်းပင်ဝေ့တက်လာပြီး ဦးသူ့ရင်ခွင်ထဲတိုးဝင်လိုက်သည်။
"ဟင့်အင်း မဟုတ်ပါဘူး မှိုင်းနဲ့နေ့က လိမ္မာပါတယ် ရာရာစိတ်မကောင်းလို့ပါ "
"ဘာဖြစ်တာလဲ ဝိုင်တစ်ခုခုဖြစ်လို့လား "
"ဟင့်အင်း..."
သူ့ခါးကိုတင်းတင်းဖက်ထားပြီး ရင်ခွင်ထဲမှာ ငြိမ်သက်နေသည့် ရာရာ့နဖူးကို တစ်ချက်နမ်းလိုက်ရင်း ကျောပြင်လေးကို ဖွဖွပွတ်သပ်ပေးနေမိသည်။
"ကိုယ့်ကို ပြောပြလို့ရတယ် ဘေဘီဘယ်သူ့ကိုစိတ်ပူနေတာလဲ မဟုတ်မှ သူငယ်ချင်းကို သတိရနေတာလား "
"ဘာလို့ ရာရာ့ကိုမမေးတာလဲ "
"အင်းးး မင်းက အမြဲတမ်းအဲ့လိုပဲလေ တစ်စုံတစ်ယောက်အတွက် စိတ်ပူရင် ဒါမှမဟုတ် သတိရရင် ငေးငေးငိုင်ငိုင်နဲ့ တစ်ယောက်တည်း ထိုင်နေတတ်တာလေ ကိုယ်ကမင်းယောက်ျားပါကွာ အရာအားလုံးကို မသိပေမဲ့ ကိုယ်မိန်းမစိတ်မကောင်းဖြစ်နေတာကိုတော့သိတယ် "
ရာရာ့ကိုတစ်ကယ်ချစ်ပေးတဲ့ဦးသူ့ကို ပိုမိုချစ်သွားရရင်း တင်းနေအောင်ဖက်လိုက်မိပြန်သည်။
YOU ARE READING
ဦးဖန်တီးသောအချစ်သင်္ကေတ/ဦးဖန္တီးေသာအခ်စ္သေကၤတ (Season 2)[Completed]
Romance(၅)နှစ်ကြာပြီးနောက်ပိုင်း သူနဲ့ရာရာတို့ကြား အနှောင့်အယှက်တွေပေါ်လာခဲ့ပါတယ်။ "ကိုယ်မင်းကို ခဏခဏပြောဖူးတယ် ကိုယ့်ကိုယုံကြည်ပေးပါလို့လေ ဒါပေမဲ့ မင်းအမြဲတမ်းလုပ်ချင်ရာလုပ်တယ် နောက်တစ်ခါ ထပ်ပြောပါရစေ ကိုယ့်ကိုယုံပါ တခြားဘယ်သူ့ကိုမှ မကြည့်ဘဲ ကိုယ့်ကိုကြည...