وروت نهي ما حدث في مهمتها الاخيرة رغم انبهار اخويها بما فعلت كانت ترتسم علي قسمات وجه ماجد علامات الغضب عندما علم بضرب نائل لها وما كان ينتويه لها و جلسو جميعا يتناولون طعام الغداء
نهي... انا الحمد لله شبعت اقوم ارتاح بقي لاني هاموت وانام.... ماجد..... طيب نامي انا قاعد مع اخواتك شويه وماشي.... نهي... تمام سلام . وذهبت لحجرتها وبعد دقائق كانت تغط في نوم عميق ودخل حجرتها ماجد ونظر اليها راي انثي جميله تتوسط فراشها بشعر اسود ناعم طويل وكانت ترتدي منامه بيضاء قصيرة تظهر جمال سيقانها فابتلع لعابه وخرج سريعا . وقال... لا انا امشي احسن عشان انا مش ضامن نفسي وممكن اتهور
وذهب لبيته ومر يومان كانت نهي وصديقتيها منهكون بتحضيرات الزفاف وما يحتاجون اليه وجاء يوم الزفاف صباحا قامت الام لتنادي فلذات اكبادها
فوزيه.. قوم يا محمود انت واخوك اصحو يلا ورانا حاجات كتير النهاردة بطلو كسل انا هاروح اصحي اختكو تكونو صحيتو والفطار جاهز برة
محمود بتكاسل.. حاضر يا ماما صحينا اهو وجايين وراكي صباحك زبادي يا عسل
فوزيه.... زيادي واد انت متاكد انك كلية شرطة انت واخوك
محمد..... اكيد يا لوزة مقشره كليه شرطه اومال كليه السن لأ كليه طب لأ لأ تبقي معديه لأ لأ
فوزيه... بس بس انا اروح للي نايمه ولا كانه يوم فرحها.... وذهبت لغرفة ابنتها واخذت تطرق ثم دخلت فلم تجد ابنتها ونادت علي ابناءها
فوزيه.... يا اولاد اختكو مش في البيت يالهوي لاتكون راحت شغلها النهاردة دي لو... ولم تكمل لدخول نهي المنزل وعلي قسمات وجهها حزن
فوزيه بجديه... كنتي فين يا نهي انتي ناسيه النهاردة ايه ده فرحك يا بنتي ازي تخضيني عليكي كدة
نهي.. كنت بزور بابا وبفضفض معاه بقالي كتير ماروحتش اتكلم معاه معلش يا ماما كان لازم اعمل كدة النهاردة عايزة احس انه معايا النهاردة.... حزنت الام ولكن الاخوان قررا تغيير اجواء الحزن
محمود... نعم يا ست نهي انتي ليه قلبتي علي ست مصريه اوي كدة اي فرحة تقلبها نكد بقولك ايه انا عايزك تعزمي كل البنات اللي عرفتيهم طول حياتك حتي لو كانو معاكي في حضانه المستشفي يوم ولادتك عايزينها طريه ونطلع انا واخوكي بحتتين حلويات من فرح الصقر اهو نبقي خدنا منك مصلحة قبل دخولك القفص
نهي.... انتو ازي هاتبقو ظباط بطريقتكو دي وبعدين مش انا اللي اعمل كدة انا عزمت زميلات ليا اه بس زي حلاتي مخابرات وعمليات خاصه يعني كل واحد يتلم ويبعد عنهم احسن التقي حد فيكو بعاهه.... نظرو الاخوان لبعض وقالو
محمد.... انا قولت من الاول والله فرح ناشف ومش هانطلع باي مصلحه يلا يا ختي روحي الله يسامحك
ومر الزفاف بجميع من فيه بفرح وسعاده داخل القلوب والعيون وانتهي حيث ذهب الجميع الي منازلهم وذهب العروسان الي يخت في البحر
ماجد.... ايه رايك يا قلبي في المفاجئه دي قولت لازم يكون شهر العسل في اول هدية مني ليكي
نهي.... يا حبيبي انت جيبت يخت بس ده كتير اوي
ماجد..... لو اديكي حياتي كلها مش كتير عليكي ولا انتي مفكرة اني هافلس لو جيبت لحبيبتي يخت ده اقل من قيمتك عندي بصي يا ستي اول ما شوفته كان يوم تخرجك وحلفت يكون بتاعك انتي لاقيته بتاع راجل اعمال محترم روحتله واتفقت معاه علي سعر حلو واشتريته وكتبته باسمك كنت باجي اقعد هنا بالساعات اتخيل ايامنا فيه ازي لحد ما حلمي اتحقق وبقيتي ملكي وبين ايديا وبعدين هانتكلم كتير ليه ورانا حاجات اهم
نهي بتوتر. .. عندك حق عندنا حاجات اهم انا فعلا جعانه جدا يلا ناكل.... فهم ماجد توتر نهي ولم يزيد عليهاماجد.. يلا نتعشي يا روحي وبعدين نشوف ورانا ايه ده في حتة مفاجأة بس استني مش هاتدخلي كده
نهي... كدة ازي ي ولم تكمل وقام ماجد بحملها
ماجد.. برضه حلمت اشيلك زي اي عريس بيعشق عروسته ايه يا روحي الفراوله اللي ظهرت علي وشك دي في حد يتكسف في ليله زي دي
نهي بكسوف..... علي فكرة انت بتوترني بس مقدرش اقول اني مش فرحانه اوي بكل اللي بتعمله عشاني
ماجد..... لسه كتير اوي انا معملتش لسه.. واقترب منها وهو ينظر في عينيا ليسحرو سويا بنظرات العشق وقام بتقبيلها بكل حب وورومانسيه واحاطها بذراعيه وقبل كل انش في وجهها وخذ يلمس جسدها وانهارت حصونها واستسلمت له وبعد وقت ليس بقليل.... مبروك يا قلبي خلاص بقيتي مراتي قولا وفعلا
نهي وهي تخبئ وجهها داخل صدره... الله يبارك فيك يا قلبي
ماجد ممسكا وجهها ليراها... مالك يا حبيبتي انتي تعبانه في حاجة وجعاكي
نهي بخجل.... لا ابدا بس مكسوفه وفرحانه اني بقيت مراتك
ماجد.... حيث كدة لازم افرحك تاني واعيد معاكي نفس الكلام اللي قلته من شويه
(نسيبهم في حالهم بقي) وبعد مرور عشر ايام عاد الزوجان الي منزلهم
(١٨)
ماجد.... حمدلله على السلامه يا روحي انتي.
نهي.. الله يسلمك يا قلبي انا هادخل اخد شاور واغير عشان اكلم ماما واخواتي واكلم مامتك اطمنهم علينا
ماجد... ماشي يا روحي..... وذهبت نهي وعندما كانت تقوم باتصالتها جاء من خلفها ماجد بخفه ليمزح معاها ولكن سمع ما اغضبه واانتظر حتي انهت مكالمتها وتكلم
ايه اللي سمعته ده انتي بتبلغي اللواء انك راجعه شغل من بكرة لا وايه كمان نفسك مفتوحة علي مهمه جديدة وكيس الجوافه اللي انتي متجوزاه مالوش راي يا هانم ولا وحشك نهي صقر المخابرات اللي ماحدش بيقدر عليها
نهي.... انت بتتكلم كدة ازي ماهو اكيد كل واحد فينا هايرجع شغله مش هانفضل علي طول اجازة وبعدين ايه وحشني صقر المخابرات ماجد حاسب علي كلامك انت متجوزني وعارف اهمية شغلي عندي ياريت تبطل اسلوبك ده..... ماجد.... ابطل ايه انتي عايزه ترجعي شغلك وتروحي مهمات وترجعي متصابه ولا حتي ممكن ماترجعيش تاني وتموتي وتقولي شغلي انا مش هاقبل بشغلك ده سيبيه واشتغلي اي حاجة تانية اشتغلي محاميه اهو بعيد عن الخطر ده
نهي متمالكة نفسها.... انت مشكلتك في الخطر والمهمات ولا شغلي كله.... ماجد.... انا مش عايز افقدك انتي ماتعرفيش انا بحس بايه لما اعرف انك اتصابتي ولا لما شوفتك مضروبه من الكلب الصهيوني كنت بموت من جوايا عشان اللي حصلك حسيت ان لو جرالك حاجة انا هاموت نهي انا مش بحبك بس انا بتنفسك انتي قلبي اللي بينبض انتي روحي وحياتي كلها
نهي..... ماتقلقش يا روحي هابعد عن المهمات واحتمال يبقي شغلي تعليمي لان اللواء زين كلمني امسك تدريبات طلبة كليه الشرطه ايه رايك بقي شغل بمواعيد زي الموظفين بس ياريت ماتزعلش مني بقي لان مش هاقدر اسيب شغلي لاني بحبه مش عايزة احس اني اتنازلت عن حلمي... واقتربت منه لتقبله بكل رقه وحب وتجاوب معها واصبحت قبلات وذهبا سويا في بحور عشقهم وصباحا في اليوم التالي في معسكر تدريبات كليه الشرطه
محمد لاخيه.... يابختك يا نهي انتي اتجوزتي وبتعسلي واحنا هانتنفخ هنا قولي يا حوده هو انا سمعت صح القائد بيقول في ظابط جديد هايدربنا الكل بيقول عليه ما بيرحمش هو انا سمعت غلط ولا دي حقيقه منيله.
محمود... لا يا خويا حقيقة منيله وبستين نيله قوم نقرا الفاتحه علي روحنا... ولم يكملو حتي ظهرت اختهم امامهم وذهلو من المفاجئه
نهي... صباح الخير يا رجاله التدريب ان شاء الله هايكون معايا معاكو الرائد نهي عبد المجيد اتمني تكون فترة تدريبنا كويسه ومثمره اولا التدريب معايا هايكون في الالعاب القتاليه والفروسيه والرمايه
جانبا من بعض الطلبه
طالب ١. بقي المزه دي تعرف الحاجات دي منين دي اخرها تبرد ضوافرها ولا تعمل شعرها
طالب٢.. عندك حق يا زميلي دي ملكه جمال ازي تدربنا ياريت تديني تدريب خصوصي لوحدي اصلي بتكسف ادرب لوحدي واهو نطري القعده علي بعض.. وكان محمود سمع حديثهم وكان علي وشك الانقضاض عليهم قاطعه تدخل نهي
نهي... اخر حاجه احب اضيفها اني مش هتهاون في التقصير واني بعرف كل كلمه بتتقال حتي لو مسمعتهاش بودني.. واشارت للطالبين.. انت يا طالب واللي علي يمينك اتفضلو تعالو هنا اول درس دلوقتي في الالعاب القتاليه لو هاجمنا تشكيل عصابي ازي اتغلب عليه واشل حركته من غير ما يحصلي اي أصابه.. وامرتهم بالهجوم عليهاولكن بمهارة وخفه وقوه اصابتهم واوقعتهم ولم يقدرو عليا ومالت علي الطالب الثاني شوفت احنا بنطريها علي بعض ازي اوعي تفتكر اني بفوت حرف ودي اول دروس تاخدوها عند الرائد نهي لازم الالتزام والاحترام... ثم ارتفع صوتها وقالت تمام يا رجاله اظن دي حركات بسيطه لازم نعرفها.. وكان اخويها فخورين بها ومر عامان وتخرج الاخوان وكانت بطلتنا حياتها لا تتغير كثيرا وكانت في رتابه من التدريس للتدريب لمنزلها وكانت في حيرة من امرها انها اصبحت مستبعده من حياة الخطر ولم تشك في الامر ظنا منها انه تكليفا من الوزارة ولكن يوما قامت بزيارة اللواء زين لكي تري ان كان تكليفها انتهي ام لا وفوجئت بما سمعت
ماجد.. متشكر جدا يا سيادة اللواء علي الجميل اللي بجد مش عارف ازي اردهولك لولاك كانت نهي من مهمه للتانيه وماكنتش قدرت اعيش معاها لحظة من غير قلق
اللواء زين.. َلا جميل ولا حاجه صدقني انا اخدت طلبك بعين الاعتبار والمحبه لان بعتبر نهي بنتي وبصراحه من اخر مهمه نهي تعتبر هربت من الموت وانا حبيت اديها اجازة طويله رغم اني محتاجها جدا لان في مهمات ماحدش يقدر عليها غيرها وكمان.. وقاطعهم دخول نهي
وكمان ايه يا سيادة اللواء يا قدوتي وابويا التاني ازي حضرتك تبعدني عن شغلي وتتفق مع جوزي طب بلغني صدقني انا صدمتي كبيرة انا اسفه ياريت تقبل استقالتي واتفضل سلاحي
اللواء زين... نهي اقفي انضباط يا حضرة الظابط واعرفي بتتكلمي مع مين وبعدين انا مش هاقبل استقالتك وهاديكي اجازة اسبوع تهدي ولازم تفكري كويس اتفضلي.. ونظرت لزوجها وذهبت بعد تاديه التحيه العسكريه للواء وذهب خلفها ماجد للتحدث معها حتي وصلو لبيتهم
ماجد بعصبيه.. في ايه مالك متنرفزه ليه فيها ايه لما اخاف علي مراتي وابقي مطمن عليها ولا انا ماليش حقي اعيش في امان
