Hedgehog And Tiger [Myanmar Translation]

|22|

[Unicode]

များပြားလှတဲ့ ကျောင်းပျက်ရက်တွေကြားမှာ၊ ဟယ်ရှင်းချွမ်အဆင့်တွေဟာ လျင်မြန်စွာပဲထိုးကျသွားခဲ့တယ်။
အဆင့်၁ကနေ အဆင့်၂၅အထိတောင်ကျသွားခဲ့တာ။

ဆရာ၊ဆရာမတွေအကုန်လုံးနီးပါးက သူ့ကိုခေါ်စကားပြောတယ်။

ဟယ်ရှင်းချွမ်က အောင်မြင်မှုကြောင့် မာနမကြီးတတ်သလို၊ ကျရှုံးမှုကြောင့်လည်း စိတ်မပျက်တတ်တဲ့လူစားမျိုး။
အဆူခံရပေမဲ့ ကိုယ့်ပုံမှန်အရှိန်လေးနဲ့ပဲစာပြန်လုပ်တယ်၊ ဆရာ ဆရာမတွေစကားကို နားထဲတောင်ထည့်ပုံမပေါ်ပေ။

သုံးကြိမ်မြောက်လပတ်စာမေးပွဲမှာ အဆင့်၁နေရာဆီပြန်ရောက်သွားခဲ့တယ်၊ အဆင့်၂ထက် အမှတ်ပေါင်း၄၀လောက်ပိုများပြီးပေါ့။

ယန်ထန်ကိုအိမ်မှာတွေ့မြင်နေရတာနဲ့ ဟယ်ရှင်းချွမ်အသားကျနေခဲ့ပြီ။
အပြင်ကကြည့်ရင် ကျားနဲ့တူပေမဲ့၊ အကျင့်စရိုက်က တကယ့်ကြောင်အစစ်ပဲ။

"ထန်ကော ဆိုဖာပေါ်မအိပ်နဲ့၊ အအေးမိလိမ့်မယ်"

ယန်ထန်က အအေးကြိုက်တယ်၊ လေအေးပေးစက်က အမြဲလိုလို၁၆ဒီဂရီမှာရှိနေတတ်တယ်။

ဟယ်ရှင်းချွမ်နှိုးတာခံလိုက်ရချိန်မှာ၊ ယန်ထန်က မျက်မှောင်တွေကြုတ်ပြီးထလာတယ်။
တက်လာတဲ့ဒေါသတွေပျောက်ကွယ်သွားစေရန် ခဏစောင့်လိုက်ပြီးမှ
"ဘယ်အချိန်ရှိပြီလဲ?"

"ရှစ်နာရီခွဲသွားပြီ၊ ညစာမစားရသေးဘူးမလား ဘာလုပ်ပေးရမလဲ?"

"အဆင်ပြေတာသာလုပ်"

ယန်ထန်က ပြန်အိပ်ပျော်သွားတယ်။
ဟယ်ရှင်းချွမ်ဟာ နားရွက်ဖျားလေးတွေကိုထိတွေ့နေမိပြီး၊ လူငယ်ကတော့ ခေါင်းလေးစောင်းရင်း ပိုမိုအိပ်မောကျသွားခဲ့တယ်။

အိပ်ပျော်နေတဲ့ ကျားလေး။

ညစာစားပြီးချိန်မှာ၊ ယန်ထန်ကရေချိုးခန်းထဲဝင်သွားခဲ့တယ်။
ရေမိုးချိုးပြီးတော့ ညအိပ်ဝတ်စုံမပါလာတာကိုတွေ့သွားတယ်။
အဲ့တော့ တာဝါတစ်ထည်ကိုသာပတ်လိုက်ပြီး အပြင်ထွက်လာခဲ့တယ်။

အပြင်ထွက်ထွက်ချင်းမှာပဲ ဟယ်ရှင်းချွမ်နဲ့တန်းတိုးလေတယ်။