Unicode
အူးယမ်က ခဏလောက်တော့ လန့်သွားတယ်။ ပြီးတော့ ကိုယ့်ကိုယ်ကို လှောင်သလို ရယ်လိုက်ရင်း "ဒါဆို အဲ့လူက မင်းပေါ့, ငါထင်ထားပြီးသားပါ..." သူက စကားခဏလောက်ရပ်လိုက်ပြီး ဘာပြောရမှန်းမသိတော့သလိုဖြစ်နေတယ်။ သူ့ရဲ့မျက်မှန်တွေကိုသာ ချွတ်လိုက်ပြီး ပြန်မတပ်ခင်အထိ သူ့ရဲ့ခေါင်းကို အကြာကြီးငုံ့ကာ အဲ့တာတွေကို သုတ်နေခဲ့တယ်။ ပြီးမှ အသံတိုးတိုးလေးနဲ့ "ဒါပေမယ့် ဟုတ်ပါတယ်လေ, မင်းကလွဲပြီး ဘယ်သူက သိမှာလဲ"
ရှောင်ရွှမ်းက တိတ်ဆိတ်စွာနဲ့ သက်ပြင်းချလိုက်ရင်း ဒီလိုမျိုးပဲ ဝန်ခံလိုက်တာက သူ့ကို ရိုးသားပွင့်လင်းပြီး ကလေးဆန်သွားစေရုံပဲလို့တွေးလိုက်တယ်။
ဒီလိုမဟုတ်ဘဲ ဒီကိစ္စဟာ သူငယ်ချင်းတွေကြားထဲမှာ ဟာသတစ်ခုဖြစ်ပြီးတော့ တစ်ယောက်တည်းသိတာမဟုတ်ဘူးဆိုတာကိုသာ အူးယမ်ကို သူသိစေလို့ကတော့ ဘာတွေဖြစ်လာမလဲဆိုတာက သိဖို့တကယ်ခက်တယ်။
"ဆရာ, ကျွန်တော် တစ်ခဏလောက် အရမ်းရှက်သွားခဲ့လို့ ဒီလိုတိုက်တွန်းမိတာပါ, ကျွန်တော် ဆရာ့ရဲ့ခံစားချက်တွေကို ထည့်မတွေးခဲ့မိဘူး, ကျွန်တော် မှားသွားပါတယ်" သူက တကယ်ကို ရိုးသားတဲ့ပုံစံနဲ့ ပြီးပြည့်စုံတဲ့အမှားမျိုးဖြစ်အောင် လုပ်လိုက်တယ်။
အူးယမ်က ရုပ်သေးရုပ်လို ငြိမ်သက်စွာ ခဏလောက်ရပ်နေခဲ့ပြီးနောက် မမျှော်လင့်စွာပဲ ဒေါသတော့ထွက်မလာခဲ့ဘူး။ သူဟာ သည်းခံရင်းနဲ့သာ ပြုံးပြလာခဲ့ပြီး "မေ့လိုက်တော့, မင်းက ကလေးပဲရှိသေးတာပဲ...မင်း နားမလည်ပါဘူး"
"ဘာလို့ မပြန်သေးတာလဲ?" အူးယမ်ရဲ့ပုံစံက စိတ်အေးသွားပုံရပြီး သူ့ကို ခက်ခက်ခဲခဲပြုံးပြလာခဲ့တယ် "ရိုးရိုးသားသားပြောရမယ်ဆို ငါ မင်းကို အပြစ်မတင်ပါဘူး, မင်းက အရမ်းငယ်သေးတယ်, မင်း အဲ့အခြေအနေကို ကြောက်နေခဲ့မှာပဲလေ"
ရှောင်ရွှမ်းက သူ့ကို ပြန်ပြီးခွင့်လွှတ်မယ်လို့ မတွေးထားခဲ့တဲ့အတွက် တစ်ခဏလောက် ဘာမှပြန်မပြောနိူင်ဘဲ "အာ" လို့သာ ပြန်တုံ့ပြန်နိူင်ခဲ့တယ်။
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...