Banana Crescencio (ViPe Series #2)

Chapter Nine

Banana

"Oh, fuck!"

Pambihira nga naman, oo!

Kapapasok ko pa lang ng bahay ni Alicia ay isang tennis ball na agad ang bumungad sa akin. Kung sino ba naman ang naglalaro ng tennis sa loob ng pamamahay na ito ay p'wede ko na sigurong ilibing ng buhay.

Ang lakas ng trip e!

Kunot noo akong tumigil sa paglalakad at humawak sa cheekbone ko dahil saktong-sakto talaga ang tama ng bola dito.

Ang bumungad pa talaga sa akin ay ang isang masamang tigin pa na galing kay Patrice na may hawak na raketa at panibagong bola ng tennis ball. Damang-dama ko ang lakas ng p'wersa na akala mo punong-puno ng galit na tumama sa mukha ko ang bolang iyon.

Masasapak ko ang isang ito e.

"Tangina, Patrice. Alam kong hindi kita sinipot pero hindi mo dapat binabangasan ang kagandahan ko!" Inis na turan ko dito. Napansin ko ang iba na tahimik lang nanonood. Samantalang nagbabasa naman si Alicia sa sulok. "Huwag ka dito maglaro dahil 'di mo naman babayaran kung may mababasag ka." Dagdag ko pang saad.

Ano na lang bang sasabihin ng anak ko pag nakita niya ang bangas sa kagandang ng mukha ko? Baka magkaroon ako ng pasa at isipin niyang nakipagbasag ulo ako kaya ako umalis sa lunch kanina.

Kung hindi lang talaga ako tinawagan ni Elliot e baka nag e-enjoy pa ako kasama sila Ashlyn ngayon.

Ngunit iba ang sitwasyon ngayon.

Tungkol ito kay Alex na hindi ko naman dapat p'wedeng balewalain.

May tiwala ako sa kaniya pero sa takbo ng isip niya sa mga ganitong pagkakataon ay hindi ko alam.

"Oo, galit ako. Pero hindi ko naman sinasadya 'yon! Kung sasadyain ko ay dapat mas malala pa diyan dahil sa kasalanan mo sa akin!" Tamo ang isang 'to. Sino ba naman kasing matino ang maglalaro ng tennis sa loob ng bahay? Pambihira talaga, oo. "Tsaka nagbabayad ako pag may nasisira ako 'no!"

"Proud ka pa atang may nasisira ka." Tiim bagang na lumapit ako sa kanila habang hinihimas ang cheekbone na medyo mahapdi na talaga.

Baka bigla naman ata akong pumangit nito dahil sa kaniya.

Ang ganda-ganda ng mukha ko tapos mababangasan lang ng bola? Paano na lang pag nag mukha akong pangit sa mata ng irog ko? Baka naman ayawan ako lalo no'n? Ngayon pa lang na ang ganda ko e ayaw na sa akin paano na lang pag wala na ang ganda ko?

Edi kinamuhian na ako? Aba'y hindi ata p'wede 'yon sa akin.

"Hindi gano'n! Tsaka anong ginagawa mo rito? 'Di ka nagsabing pupunta ka." Ni wala nga akong ka-ideya na narito pala sila sa bahay ni Alicia na hanggang ngayon ay tahimik pa rin. Hindi nga sila nagsabi na magkakasama pala sila. "Stock of cigarettes?"

"Sa susunod na. Mga bwisit kayo e. Magkakasama naman pala kayo ngayon. Nasaan ang mga cellphone niyo? Putang ina niyo naman e." Napatingin sila sa akin lahat at kunot noo lang pero hindi ako kinibo. Bwisit talaga. "Titingin lang kayo?"

"Ganda ng ayos mo pre a? Nagpunta ka dito ng nakapulang dress at makeup. Nakaheels ka pa niyan, girl. Kaso bagay mo pala pag may pasa sa cheekbone." Napamura ako agad sa narinig. Mabilis na nahawakan ang pisngi at napangiwi.

Wala tuloy akong nagawa kung hindi tumingin sa salamin na nakasabit lang sa dingding. Oo nga, mabilis na pumula ang cheekbone ko.

May pasa na nga ito.

Maliit ito pero halata ang pagkaroon ng kulay.

"Bwisit talaga, Pat. Ano na lang sasabihin ng mag ina ko kung makikita ang pasa ko?! Hindi ko iniwan ang magandang tanghalian ko kasama ang mag ina ko para lang magkaroon ng pasa mula sa iyo!"