Unicode
အူးယမ်က ပြုတ်ကျမှာစိုးတဲ့အတွက် သူ့ရဲ့လည်ပင်းကိုသာ တင်းကြပ်စွာဖက်ထားရတယ်။ ရှောင်ရွှမ်းက ဘေးတိုက်ထိုင်လိုက်ပြီး ခြေထောက်ပေါ်မှာ သူ့ကိုတင်ထားကာ အချိန်အတော်ကြာ စွဲမြဲစွာနမ်းနေတော့တယ်။ ဒါက သူ့ရဲ့လက်မောင်းအားတွေကို ဖြေလျော့ပြီး ပြုံးမပြခင်အချိန်အထိပါပဲ။
အူးယမ်က သူ့ကိုရပ်တန့်ဖို့ ဘာမှမလုပ်နိူင်ဘူးဖြစ်ပြီး ရုံးခန်းတံခါးပိတ်ထားတာကို မြင်တဲ့အခါမှ ဘယ်သူမှမတွေ့နိူင်တာဖြစ်တဲ့အတွက် ဖြည်းဖြည်းချင်းသက်တောင့်သက်သာဖြစ်လာခဲ့တယ်။ ပြီးတော့ သူ့ရဲ့ရှေ့က ရှောင်ရွှမ်းရဲ့ ရှုပ်ပွနေတဲ့အနက်ရောင်ဆံပင်တွေကို အသာအယာပုတ်လိုက်ပြီး ပြောတယ် "ဒီည ငါ့အိမ်ကို လာချင်လား? ငါ မင်းအတွက် ညအိပ်ဝတ်စုံအသစ်ဝယ်ထားတယ်"
သူ့ရဲ့နူးညံ့တဲ့ဆံပင်တွေဆီက လက်ဖက်စိမ်းအနံ့ဟာ လူကို အရမ်းသက်တောင့်သက်သာဖြစ်သွားစေတယ်။ အဝတ်တွေအများကြီးကို ဝယ်ပေးပြီးတဲ့နောက် ရိုးသားစွာပြောရမယ်ဆိုရင်တော့ သူက ရှောင်ရွှမ်းကို ယူနီဖောင်းနဲ့မြင်ရတာကိုသာ သဘောအကျဆုံးဖြစ်နေတုန်းပါပဲ။ နောက်ထပ်နည်းနည်းအရွယ်ရောက်လာတဲ့အခါမှာ ရှောင်ရွှမ်းက suit ကို ဝတ်ပြီး ဘယ်လိုပုံစံဖြစ်နေမလဲဆိုတာကို မြင်ရဖို့အတွက်လည်း သူ့ကိုယ်သူမထိန်းထားနိူင်တော့ဘူး။
ရှောင်ရွှမ်းက ချစ်စရာကောင်းတယ်ဆိုပေမယ့်လည်း သူ့မှာ အရှိန်အဝါတစ်ခုက ရှိနေပြီးသားဖြစ်တဲ့အတွက် နောက်လာမယ့်နှစ်နှစ်လောက်မှာ သူဘယ်လောက်ထိကြည့်ကောင်းနေမယ်ဆိုတာကို တွေးကြည့်ဖို့က မခက်ခဲနေဘူးဖြစ်တယ်။
"အင်း, လာမှာပေါ့" ရှောင်ရွှမ်းက သူ့ကို သွားခွင့်မပေးနိူင်သလို ဖက်ထားရင်း သူ့နှုတ်ခမ်းတွေဆီကို ဖိကပ်လာခဲ့တယ်။
အူးယမ်က ရုတ်တရက်သတိရသွားပြီး "ဟုတ်သားပဲ, မင်း ငါဝယ်ပေးတဲ့အဝတ်တွေကို သဘောမကျဘူးလား?"
"ကျွန်တော် သဘောကျပါတယ်" ရှောင်ရွှမ်းက တောက်ပစွာပြုံးရင်း ချက်ချင်းတုံ့ပြန်လာတယ်။
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
