Hedgehog And Tiger [Myanmar Translation]

|27|

[Unicode]

နွေဦးလေ့လာရေးခရီးတုန်းက ပုံတွေကို ဝမ်ဘင်းဘင်းက အတန်းGroupChatထဲပို့ပေးလာတယ်။
ရေကန်ပုံကိုကြည့်နေရင်း ဟယ်ရှင်းချွမ်က
"အရမ်းလှတာပဲ"

ယန်ထန်ကတော့ ဟယ်ရှင်းချွမ်ပေါင်ပေါ်ခေါင်းအုံးထားပြီး၊ ဂိမ်းဆော့နေခဲ့တာ။
"နောက်တစ်ခါကျရင် ပင်လယ်ဘက်ခေါ်သွားပေးမယ်"

အခွင့်အရေးက မကြာမီမှာပဲရောက်ရှိလာခဲ့တယ်။

ဝမ်ဘင်းဘင်းရဲ့ဝမ်းကွဲတစ်ယောက်က ပင်လယ်ဘက်မှာ၊ ရေလွှာလျှောစီးဘုတ်ပြားအရောင်းဆိုင်ဖွင့်ထားတာ။
နွေရာသီအားလပ်ရက်မှာ ခရီးထွက််မှာဖြစ်တာကြောင့်၊ ကြည့်ပေးမဲ့သူမရှိတဲ့ဆိုင်အတွက် ဝမ်ဘင်းဘင်းကိုအကူအညီတောင်းလာတယ်။

ပျော်စရာခရီးတစ်ခုဖြစ်လောက်မယ်၊ အားလုံးအတူသွားရရင်ပိုကောင်းမှာပေါ့!

"...ဒီလိုဆိုဘယ်လိုလဲ? ထန်ကောနဲ့ အတန်းခေါင်းဆောင်ကိုပါ ခေါ်ရအောင်!"
ရှုပမ်းက အကြံပေးတယ်။

"နွေရာသီအတွက် ငါ့မှာအချိန်ပိုင်းအလုပ်ရှိသေးတယ်"

ယန်ထန်က ခဏတွေးတောလိုက်ပြီးမှ
"တစ်ပတ်ခွင့်ယူလိုက် တစ်ပတ်ပဲကစားရအောင်၊ ပြီးရင်ပြန်လာမယ်လေ"

တုံ့ဆိုင်းနေသေးတဲ့ဟယ်ရှင်းချွမ်ကြောင့် ယန်ထန်ကထပ်ဖြည့်ပြောလာတယ်။
"ရှင်းလျန်လည်း နွေရာသီစခန်းချသွားမှာလေ၊ မင်းပဲနေခဲ့မလို့လား?"

ထိုအခါမှပဲ ဟယ်ရှင်းချွမ်ကခေါင်းညိတ်ပြတယ်။

စာမေးပွဲနောက်ဆုံးနေ့မှာ၊ ယန်ထန်နဲ့ဟယ်ရှင်းချွမ်ဟာ ကျောင်းနဲ့နီးတဲ့ ရှော့ပင်းမောလ်တစ်ခုဆီဦးတည်လာခဲ့တယ်။
သိပ်မကြီးပေမဲ့ ပစ္စည်းစုံလင်တယ်။

ရေကူးဝတ်စုံဆိုင်ထဲဝင်လိုက်ပြီး၊ ဟယ်ရှင်းချွမ်အတွက်ရေကူးဝတ်စုံကို ယန်ထန်ကကူရွေးပေးတယ်။

"ရေကူးတတ်တယ်မလား?"

"ကူးတတ်တယ်၊ သိပ်တော့မကျွမ်းဘူး"

အင်းပေါ့...အဲ့လိုမဟုတ်ရင် ရေကန်ထဲဘယ်ရေနစ်ပါ့မလဲ။

ယန်ထန်က ဒီကိစ္စကိုပြန်ပြောမနေတော့ဘူး။
ပစ္စည်းတွေအများကြီးဝယ်ပြီးချိန်မှာ၊ ဟယ်ရှင်းချွမ်က အပြေးငွေသွားရှင်းတယ်။