Flying Gulls Never Land [ဘာသာပြန်]

53 - THE MARTYR [NSFW⚠️]

SCROLL DOWN FOR ZAWGYI

UNICODE

CH53 - THE MARTYR

THIS CHAPTER IS NSFW

ဘာတွေ ဖြစ်ပျက်ခဲ့လေသနည်း ?

ရုတ်တရက်ဆန်စွာ ဖြစ်ပွားသွားသောအခြေအနေ၌ လုဖုန်း ဘာပြောရမှန်းမသိ ၊ အတန်ငယ် အားကိုးရာမဲ့သကဲ့သို့ပင် ခံစားလာရ၏ ။ သို့သော် လက်ရှိအခြေအနေက မည်သည့်အရာများဖြစ်ပွားခဲ့သည်ကို လုဖုန်းအား စဥ်းစားခွင့်ပင် မပေးသည်မှာ ထင်ရှားလှသည် ။

လုဖုန်း အိပ်ရာထက် ပစ်တင်ခံလိုက်ရပြီးနောက် မျက်နှာကြက်ကိုကျောခိုင်းထားရင်း မိမိ၏မျက်နှာကား အိပ်ရာခင်းထဲ နစ်မြုပ်နေခဲ့လေ၏ ။ ပါးစပ်ရှိနက်ကတိုင်က ပိုလို့ပင်တင်းကြပ်လာပြီးလျှင် လုဖုန်း၏မျက်နှာကို ထက်ခြမ်းပိုင်ဖြတ်တော့မည့်နှယ် ။

ဖရိုဖရဲ ရုန်းကန်မှုများကြားဝယ် ကျယ်ပြောပြီးအားကောင်းလှသောလက်ဖဝါးတစ်စုံက လုဖုန်း၏လက်နှင့်လက်ကောက်ဝတ်များကိုယူကာ အတူတကွ တစ်စုံတစ်စည်းတည်းဖြစ်စေလိုက်ပြီး ခေါင်းအထက်၌ တည်ရှိစေ၏ ။ ထို့နောက် လက်များကိုတင်းတင်းကြပ်ကြပ်ဆုပ်ကိုင်ထားလေရာ လုဖုန်းအနေဖြင့် မည်သို့သောခုခံမှုမျိုးကိုမှ နောက်ထပ်ပြုလုပ်၍မရတော့ ။

လုဖုန်း၏ နှာခေါင်းတစ်ဝိုက် အယ်လ်ကိုဟောအနံ့က တရစ်ရစ်ဝဲနေခြင်းနှင့်အတူ ပါးစပ်ထဲရှိ နက်ကတိုင်မှာလည်း တဖြည်းဖြည်း သွားရည်တို့ဖြင့် ရွှဲရွှဲစိုလာခဲ့၏ ။ ယခုလက်ရှိ လုဖုန်း၏ ခန္ဓာကိုယ်အပေါ်ပိုင်းက မလှုပ်ရှားနိုင် ၊ ထို့ကြောင့် ခန္ဓာကိုယ်အောက်ပိုင်းကိုထောက်ကန်ထားရန် ဒူးထောက်ဖို့ပြင်လိုက်စဥ်မှာပင် လျင်မြန်သောအဖြစ်အပျက်တစ်ခုဖြစ်ပေါ်လာပြန်သည် ။ လုဖုန်းခါးတစ်ဝိုက် တင်းတင်းကျပ်ကျပ်ဝတ်ဆင်ထားခဲ့သောဘောင်းဘီက တစ်မုဟုတ်ချင်း လျော့ရဲသွားကာ တင်ပါးဆီမှ လျှောကျသွားခဲ့ခြင်း ။

'ချီးပဲ ၊ ဒီဘောင်းဘီအသစ်တွေက အခုမှဝယ်လာခါစရှိသေးတယ် ၊ ငါတစ်ခါပဲဝတ်ရသေးတာ '

"ဟာ့...အင်းးး..."

လုဖုန်းသာ စကားပြောနိုင်ခဲ့လျှင် ရှန့်မင်အော်အား 'သည်လောက်ထိကြမ်းတမ်းဖို့မလိုကြောင်း ၊ ဤသို့သော်အရာများကို မိမိဘာသာလုပ်နိုင်ကြောင်း' သေချာပေါက် ပြောမိပေလိမ့်မည် ။
ထို့နောက် မိမိကိုယ်တိုင်ပင် ဆွဲချွတ်ကာ ရှန့်မင်အော်၏လိုအပ်ချက်နှင့် ပူးပေါင်းဆောင်ရွက်ရန် စိတ်ရှည်ရှည်ဖြင့် လှဲလျောင်းနေလိုက်မည် ။ ရှန့်မင်အော်အနေဖြင့် ဤသို့သောအရာအားလုံးကို လုပ်ဖို့ရန်မလိုအပ်ပေ ။