6 (U)

6.2K 723 15
                                    

လမင်းသခင်ရဲ့ချစ်ခြင်းအလင်္ကာ
အပိုင်း ၆ - ကျွန်တော်ဟာ အပြစ်သားမို့

သော်တာနိုင်က သူ့ဘေးမှာ သူငယ်ချင်းတပြုံလိုက်ကြီးနဲ့ စကားတွေဖောင်ဖွဲ့သီပြီး ကျောင်းဝန်းထဲက ထွက်လာချိန်.. ကျောင်းဝန်းရှေ့ စိန်ပန်းပင်ကြီးအောက်မှာ တယောက်တည်းရပ်နေတဲ့ ကိုးခမျာ သော်တာနိုင့်ကို ငေးကြည့်နေရှာလေသည်။

ဘာနဲ့တူသလဲဆိုရင်လေ.. တဖျတ်ဖျတ် တောက်ပနေတဲ့ကြယ်လေးတွေ ဝန်းရံခတဲ့ လမင်းကြီးကို မော့ကြည့်နေရသလိုပါပဲ။ အရင်ကလည်း မော့ကြည့်ခဲ့ရတယ်။ အခုလည်း မော့ကြည့်နေရတုန်းပဲ။ ပြောင်းလဲခဲ့သည်က နောင်တတရားတခုပင်။

နောက်ဆုံး သူငယ်ချင်းတွေ အချင်းချင်းနှုတ်ဆက်လို့အပြီး လာကြိုကြတဲ့ မိဘတွေဆီပါသွားကြတော့မှ.. သော်တာနိုင်က ကိုးကို လှည့်ပတ်ရှာတော့တယ်။

ကိုးကိုမမြင်တော့ စိတ်ပူသွားတဲ့အရိပ်အယောင်လေးက သော်တာနိုင့်မျက်နှာမှာ ထင်းခနဲ။ ဟိုဟိုဒီဒီ ဝေ့၀ဲ ရှာနေတဲ့ မျက်ဝန်းလေးတွေကလည်း ပျာသလူးခတ်နေလေရဲ့။ ကျောင်းဆင်းချိန်မို့ စုပြုံတိုုးဝှေ့နေတဲ့ ကျောင်းသားကျောင်းသူတွေကြား သော်တာနိုင်တယောက် ညီငယ်ပျောက်ရှာပုံတော်ဖွင့်နေလေသည်မှာ ယောက်ယက်ခတ်နိုင်လွန်းသည်။

ဒါကို အစအဆုံး မြင်နေရတဲ့ ကိုးမှာတော့.. မျက်ရည်တွေဝဲတက်လာတဲ့အထိ ရင်ထဲမှာ သိမ့်ခနဲ။

ကြည့်ပါဦး.. ခင်ဗျားမှာလည်း ဒီကကောင်ကို စိတ်ပူနေလိုက်တာ အရင်လိုပါပဲလား အကိုရာ..

သူ့ဖြစ်တည်မှုလေးက အကို့စိတ်ထဲ ဒီလို ပိစိညှောင့်တောက်လေး နေရာယူနိုင်ရင်ကို အခါခါ ပြန်သေရကျိုးနပ်တယ်။

“ အကို.. ကိုသော်တာ..”

အကိုက ကျောင်းဝန်းထဲပြန်ဝင်ရှာဖို့ ဟန်ပြင်နေပြီမို့ သူ လှမ်းအော်ခေါ်လိုက်ရတော့တယ်။

သူ့ကိုမြင်သွားတော့မှ အူယားဖားယားနဲ့ ပြေးလာပြီး..

“ ကိုးရာ.. မင်းကလည်း နောက်တယ်.. အကိုက မင်း အတန်းထဲ ဝင်ရှာသေးတယ်.. မင်း မရှိတာနဲ့ ကျောင်းဝန်းရှေ့မှာတော့ အကို့ကို စောင့်နေမှာပဲဆိုပြီး ထွက်လာတာ.. မင်းကို မတွေ့တော့ လန့်သွားတာပဲ..”

လမင်းသခင်ရဲ့ချစ်ခြင်းအလင်္ကာ (Completed)Where stories live. Discover now