Uni
သင်္ကြန်အကြတ်နေ့...
တည်စေ မနက်အစောကတည်းက မဏ္ဍပ်အောက်မှာ ကဲလေးကို သွားစောင့်နေလိုက်သည်..။
တဖြည်းဖြည်းနဲ့ လူတွေပြည့်လာပြီးနောက်တစ်ခဏကြာတော့ ကဲလေးအစ်မဖြစ်သူရွှန်းဝင်လာသည်ကိုတွေ့လိုက်ရ၏..။
တည်စေ လူအများကိုတိုးဝှေ့ရင်း မျက်လုံးကလည်းချစ်ရသူလေးကို လိုက်ရှာနေမိသည်..။
လုံး၀မတွေ့..။
အစ်မဖြစ်သူနောက်မှာလည်းမပါ..။
အမြွှာနှစ်ယောက်ကြားထဲလည်း မရှိ..။
ကလေးက မလာသေးတာလား...။
ရွှန်း မဏ္ဍပ်အောက်ကနေ စင်ပေါ်တက်မည်အလုပ် ဆေးကျောင်းသား/ ကျောင်းသူတွေကြားထဲမှာ ထီးထီးမားမားနှင့်လူတစ်ယောက်ကိုမြင်လိုက်ရသည်မို့ အံ့သြသွားရသည်..။
ဒီလူ ကဲလေးကို လာရှာတာလား..။
အမြန်စင်ပေါ်ကနေပြန်ဆင်းလာပြီးပခုံးဆီလက်ဖြင့်ပုတ်ခေါ်လိုက်၏။
"ကိုတည်စေမဟုတ်လား..''
တည်စေ ကိုယ့်ပခုံးကိုပုတ်ခေါ်လိုက်တာမို့ လှည့်ကြည့်လိုက်တော့ ကဲလေးရဲ့အစ်မဖြစ်သူမို့ရယ်ပြလိုက်၏..။
"အာ..ဟုတ်တယ် ရွှန်း.... ကိုယ် ကဲလေးဆီလာတာ မနေ့က ဒီမှာတွေ့လိုက်လို့..."
ရှက်မျက်နှာရဲရဲဖြင့်ပြောလာတော့ ရွှန်းအသာပြုံးကာပြောလိုက်၏။
"ဪ...ကဲလေး နေမကောင်းလို့ ဒီနေ့ လိုက်မလာဘူး...အိမ်သွားလိုက်ပါ့လား...ဘယ်သူမှမရှိဘူး..ပါးနဲ့မားက တရားစခန်းဝင်နေလို့..."
"okok...ကိုယ်သွားလိုက်မယ်..ကျေးဇူး ရွှန်း.."
တည်စေ ကားဆီပြေးထွက်လာခဲ့သည်..။လူမရှူပ်ခင် ပြန်ရမည်..။
ကလေးက နေမကောင်းဘူးတဲ့လား..။
မနက်က စာမပို့လို့စိတ်ကောက်မပြေသေးလို့ ထင်နေမိတာ...။
ကားပေါ်တက်မောင်းကာ အိမ်ပြန်ပြီး အရင်အဝတ်လဲလိုက်သည်..။
ဦးငယ်က ဒုလ္လဘရဟန်းဝတ်နေတာမို့ တည်စေ တစ်ယောက်တည်းသာအိမ်မှာရှိ၏..။
YOU ARE READING
ငယ်ချစ်တည်စေM-preg(Completed)
Romanceဇွတ်အတင်း အဖြောင့်ဟု အော်နေသော ဦးတည်(ခေါ်)ကမ္ဘာတည်စေ ချစ်ရသူ...ချစ်ဦးသူကို ချစ်ခွင့်ရရုံ ငေးကြည့်နေရုံသာ ကျေနပ်နေသော ကဲကဲ(ခေါ်)ငယ်ချစ်ကဲပို မကြွေရဲ့ ၆ပုဒ်မြောက်fic
