Unicode
ပိုင်ဝေ့ရှင်း အိမ်ပြန်ရောက်တဲ့အခါမှာ ဇာတ်လိုက်မအားမတွေ့ရသဖြင့် အိမ်ဖော်ကောင်မလေးတယောက်အားမေးကြည့်ရာ ပြန်မရောက်သေးကြောင်းသိရသည်။ သူမရဲ့အခန်းထဲကို ခဏနေရင် ကော်ဖီခါးခါးလေးတခွက်နဲ့ရေခဲအနည်းငယ်ကို ယူလာပေးရန်မှာပြီး အပေါ်ထပ်သို့တက်ကာ ရေချိုးရန်ပြင်ဆင်လိုက်သည် ။
အခန်းထဲရောက်တော့ ရေချိုးခန်းကို အရင်သွားကာ ရေနွေးဖြင့်ရေစပ်ကာ ရေချိုးကန်ထဲသို့ဖြည့်ထားလိုက်သည်။ သူမရဲ့ အဝတ်များအား တထည်ချင်းချွတ်ကာ ဗီရိုဘေးရှိ လျှော်မဲ့ခြင်းထဲသို့ပစ်ထည့်လိုက်ပြီးတော့ ရေချိုးခန်းထဲ ပြန်ဝင်ကာ ကန်ထဲသို့ ဖြေးဖြေးချင်းပဲ ဆင်းလိုက်သည်။ အင်အားသုံးပြီး တိုက်ခိုက်ခဲ့တာမဟုတ်ပေမဲ့ ဗလကြီးလိုခန္ဓာကိုယ်မျိုးကို အကြောရှာဖို့အတွက်တော့ သူမ လက်ချောင်းလေးများကို အတော်အားစိုက်လိုက်ရသည်။ တံခါးခေါက်သံနဲ့အတူ အိမ်ဖော်ကောင်မလေးတယောက်ရဲ့ ''ကော်ဖီရပါပြီ''ဟူသောအသံကို ကြားလိုက်ရ၍ တံခါးဖွင့်ထားကြောင်းနှင့်ကော်ဖီအား စားပွဲခုံပုလေးအပေါ်တင်ထားခဲ့ရန်ပြောလိုက်သည်။
နာရီဝက်ခန့်ကြာအောင် ရေချိုးကန်ထဲစိမ်နေပြီးနောက် တဘက်အား ရင်ဘတ်မှာဖြတ်စည်းလိုက်ပြီး ရေစက်လက်နဲ့ဆံပင်များအား နောက်တဘက်တခုဖြင့်စုကာခေါင်းပေါင်းလိုမျိုး ပေါင်းလိုက်ပြီး အပြင်သို့ထွက်လာခဲ့လိုက်သည်။ ဗန်းလေးတခုပေါ်တွင် ရေခဲအနည်းငယ်ထည့်ထားသောပုံစံခွက်တခုနှင့် သူမ့အကြိုက်ကော်ဖီခါးခါးလေးတခွက် ပြင်ဆင်ပေးထားတာတွေ့လိုက်ရသည်။
ဗီရိုထဲမှ တီရှပ်ပွပွတထည်နှင့်ဒူးလောက်သာအရှည်ရှိသောညဝတ်ဘောင်းဘီတိုတထည်အား ထုတ်ဝတ်လိုက်ပြီး ကော်ဖီတင်ထားသောစားပွဲပုပုလေးဘေးရှိ အနောက်ဘက်တွင်အမှီအဟဲပြုစရာပါသည့် အမွှေးပွပွဆိုဖာသေးသေးလေးပေါ်တွင်ထိုင်လိုက်တယ်။ ကော်ဖီခွက်ထဲကို ရေခဲတုံးသေးသေးလေးသုံးခုခန့်ထည့်ပြီး အနည်းငယ်မွှေကာ ခြေဆန့်လက်ဆန့်နေလိုက််တယ် ။
.....ဖြူလုံးကို ခေါ်မေးဦးမှပဲ၊ ဇာတ်လိုက်မအကြောင်းလေးဘာလေး.....
YOU ARE READING
ချစ်သောဗီလိန်လေး 2 (Ongoing)
Action#DZ ၂၁ရာစုသမီးပျိုလေး ကားမတော်တဆဖြစ်ရာနေ system 1005နှင့်တွေ့ဆုံပြီးနောက် ............ ဒီဇာတ်လမ်းကတော့ ပါဝါရိန်းဂျားဇာတ်ကောင်များကိုအခြေခံထားသောဇာတ်အိမ်တခုဖြစ်ပါသည်။ ဤဇာတ်လမ်းသည် စာရေးသူ၏စိတ်ကူးယဥ်မှုသက်သက်သာဖြစ်သည်။ ဘာသာပြန် လုံးဝလုံးဝမဟုတ်ပါ။ ပါ...