ဘုရင့် သည်းဦးပန်
အပိုင်း(6)
"သည်း ဆိုင်ထဲဝင်တော့မယ်နော် နောက်ကျနေပြီ "
စကားတစ်ခွန်းမျှပြန်လည်တုန့်ပြန်ခြင်းမရှိဘဲ သူမ၏ မျက်နှာကိုသာ စိုက်ကြည့်နေသော လိုင်းယ(န်)ကြောင့်အနေခက်လာတာတော့အမှန်ပဲ။
သည်းသည် လိုင်းယ(န်)ကို လက်ပြနှုတ်ဆက်ရင်း ဆိုင်ထဲသို့ဝင်သွားခဲ့ပေမဲ့ သူကတော့ ထိုနေရာ၌သာ ဘာတွေတွေးနေသည်မသိ ငိုင်ငိုင်ကြီးရပ်နေသဖြင့်သည်းလည်း ကျောပိုးအိတ်ကလေးကို ဆိုင်ထဲမှာချထားခဲ့ပြီး ဆိုင်တံခါးကနေထွက်လာကာ
"ကိုကို!"
လှမ်းအော်လိုက်သည့် သည်းအသံစူးစူးကြောင့် လိုင်းယ(န်)အသိကပ်သွားကာ သည်းကိုလှည့်ကြည့်လိုက်လျှင်
"ညနေ ၆နာရီ သည်းကို လာကြိုလို့ရတယ်နော် ကိုကို ဆန္ဒရှိရင်ပေါ့ !"
ဆို၍ တုတ်ထိုးချိုချဉ် တစ်လုံးပစ်ပေးလိုက်ရာ
လိုင်းယ(န်)မိအောင်လှမ်းဖမ်းလိုက်သည်။
သည်းဆိုင်ထဲပြန်ဝင်သွားမှ လိုင်းယ(န်) ချိုချဉ်ကိုကြည့်ပြီး
"ဟက်....ချိုချဉ်ပေးပြီးလာကြိုခိုင်းရအောင် ငါက ကလေးလား "
×××××××××××××××××××××××××
"လိုင်းယ(န်)! လိုင်းယ(န်) ဘယ်ရောက်နေပြန်တာလဲ"
ခရစ် လိုင်းယ(န်)ကို စံအိမ်ဒုတိယထပ်တစ်ခုလုံးနှံ့နေအောင်ရှာသော်လည်း မတွေ့။
"မစ္စဆွေ !"
ခရစ်က ရှာမတွေ့တဲ့အဆုံး အိမ်တော်ထိန်းမစ္စဆွေကြည် ကိုသာလှမ်းခေါ်ရတော့သည်။
အသက်၅၀အရွယ်ဒေါ်ဆွေကြည် သည် ခရစ်အော်ခေါ်လိုက်သည်ကိုကြားသဖြင့်
"အန်တီဒီမှာ ခရစ် ဘာလိုချင်လို့လဲ "
မြေညီထပ်ကနေ အပေါ်သို့မော့ကြည့်လိုက်သည့်အခါ ခရစ်က အောက်ဆင်းလာလေပြီ။
"မစ္စဆွေလိုင်းယ(န်)ကိုတွေ့သေးလား မနက်စောစောစီးစီးဘယ်ပျောက်သွားမှန်းမသိဘူး"
"သခင်လား မနက်ကပဲသွားစရာရှိတယ်ဆိုပြီး ထွက်သွားတယ် "
"........."
YOU ARE READING
ဘုရင့် သည်းဦးပန် (Completed) OC
Fantasyမင်းပြန်လည်ရှင်သန်လာဖို့ ငါဘယ်လောက်တောင် စောင့်ခဲ့ရသလဲ မင်းရဲ့မာယာတွေကြောင့် ဖြစ်လာတဲ့ ကျိန်စာကို ဖြေဖျောက်ဖို့ မင်းရဲ့ ရှင်သန်ခြင်းလိုအပ်တယ် မင်းဘယ်သူ့အတွက်ပဲရှင်သန်ခဲ့ရှင်သန်ခဲ့ အခုကစပြီး မင်းရဲ့ဆံချည်တစ်မျှင်ကစ မင်းရဲ့စိတ်နဲ့ခန္ဓာ မင်းရဲ့နှလုံ...
