අපි අපේ 12
" මට උඹේ ෆෝන් එක ටිකකට දීපන්කො කෝල් එකක් ගන්ඩ..මේ මගුල ඊයෙ චාජ් කලේ නෑනෙ...බැටරි ලෝ..."
මම කොරහෙ කිඹුල්ලු දැක්කද මම දන්නෙ නෑ...ඒත් ගොඩක් දේවල් කල්පනා උනා...ඒ කල්පනාව කොයිතරම් ගැඹුරුයිද කියනවනම් අයියා ළඟට ඇවිල්ලා ෆෝන් එක ඉල්ලනක්ම්ම මම දැක්කෙ නෑ....
"ආ මේන්...."
"නෑ නෑ නෑ...එක්කො එපා....මෙහෙම කරමු...මගෙ සිම් එක ඕකට දාලා දීපන්කො..."
අයියා එහෙම කිව්වෙ ටිකක් කල්පනා කරලා..
" නෑ නෑ...සල්ලි තියෙනවා...මේකෙන් අරන් නම්බරේ ඩිලීට් කරලා දාන්ඩ...මට ඔයාගෙ කොල්ලගෙ නම්බරෙන් වැඩක් නෑ නෙ..."
# බය ඇති මම දෙන්නා මැද්දට පනී කියලා.... ගියා ගියා කිය කියා ෆොටෝ බල බල හූල්ලනවා...ආයෙ කෝල් එකක් ගන්න පරක්කු උනත් කලබල වෙන්ඩ තරම් ඇයි හොඳයි...අනේ මන්දා... ඇයි කිවොත් හොඳයි කියලා..හොඳයි කීවොත් ඇයි කියලා මගෙයි උගෙයි ඇයි හොඳයි නවත්තගත්තා නම් මගෙ ඇඟට හොඳ වෙයි #
" පණ්ඩිතකම නැතුව මේක දාලා දීකෝ...අම්මව එක්කන් එන්නත් යන්ඩ ඕනෙ... උඹ එක්ක එල්ලි එල්ලි උන්ඩ බෑ නෙ...."
" අනේ මටත් ඕනෙ නෑ එක එක අය එක්ක එල්ලි එල්ලි ඉන්ඩ...වෙන එල්ලෙන්ඩ අය නැතුව ඈ "
" නෑ කිය කියා උඹ එල්ලෙන්ඩමනෙ එන්නෙ...කට වහන් මේ සිම් එක දාලා දීකෝ "
මම එතනින් එහාට මොකුත්ම නොකියා උගෙ සිම් එක් අරන් මගෙ ෆෝන් එකට දාලා ඔන් කරලා ලොක් එකත් ඇරලා දුන්නා...ඒටික කරලා දෙනකන් වත් ඇටිකුකුළා ට ඉවසිල්ලක් තිබ්බෙ නෑ.... මාර කඩි කුලප්පුවක් තිබ්බෙ...මම හිතලම පරක්කු කලේ මිනිහගෙ කඩි කුලප්පුව තව වැඩි කරන්ඩ... දුන්නා විතරයි ෆෝන් එක උදුරගෙන වගේ අරන් ආයෙම පැත්තකට ගියෙ කෝල් එකක් ගන්න ගමන්...
# කෝල් එක ගන්ඩ පරක්කු උනහම ඔයතරම් කඩිකුලප්පවක් හැදෙන්ඩ මාර ලවක්නෙ තියෙන්නෙ.... එහෙම ඒවා තියන් මොකට මාව බඳන් හිටියද...මොකට අර තරම් මගෙ හිත හැදුවද... ටිකට් ගන්නෙ නැතුව ෆිල්ම් බලන්ඩ යනවට තොටත් හොඳවැඩේ සුදු අප්පු...මේ යන විදිහට ට්රේලර් එක පෙන්නලා හෝල් එකෙන් එලියට යන්ඩ වෙන සිද්දියක් මට වෙලා තියෙන්නෙ...ආයෙ නම් ඕකට අයියෙ හුයියෙ ගාන් පස්සෙන් යන්නෙ නෑ... කමක් නෑ..අද මගෙ අම්මා එනවනෙ... මට ඒ ඇති... #
YOU ARE READING
අපි අපේ
Short Storyසුදු අප්පු කියන හිරිමල් වයසෙ ඉන්න දඟකාර සමරිසි චරිතයක් වටා ගෙතුණු , මව් සෙනෙහස, පවුලක ඇති බැඳීම් සහ ආදරණීය පලිගැනීම් ගොඩකට මැදිවෙලා ලියවුණු සමරිසි ආදර කතාවක්.... හිනාවෙන්න බැරි අයට කියවන්න තහනම්....😂