Unicode
သာယာအေးချမ်းတဲ့အချိန်အတွင်းမှာ အချို့သောကောင်းတဲ့အရာတွေကလည်း ဖြစ်ပွားလာခဲ့တယ်။ ဒီနေ့ ကျောင်းလီပြန်ရောက်လာတဲ့အချိန်မှာ သူ့ပုံစံက စိတ်လှုပ်ရှားမှုတွေအပြည့်နဲ့ဖြစ်တယ်, "ရှောင်ဝမ်, ငါ မင်းကို ပြောပြစရာတစ်ခုရှိတယ်"
"အင်း?"
"ငါ အရင်တုန်းက အတန်းဖော်ဟောင်းတစ်ယောက်ကို တွေ့ခဲ့တယ်" ကျောင်းလီက အတော်လေးပျော်ရွှင်နေပြီး အနည်းငယ်ရှက်ရွံ့နေတယ်ဆိုတာကို သူပြောနိူင်တယ်, "ငါ သူ့ကို မနက်ဖြန် ထမင်းစားဖိတ်မလို့"
"အိုကေလေ" အူးယမ်က သူ့လက်ထဲကပစ္စည်းတွေကို မြန်မြန်ချလိုက်တယ်, "အလယ်တန်းတုန်းက အတန်းဖော်လား? အရင်ဆုံး ဘာဟင်းတွေချက်မယ်ဆိုတာကို တွေးပြီး မီနူးကို ဆုံးဖြတ်ရအောင်, ငါ အဲ့တာကို မနက်ဖြန် သွားဝယ်လိုက်မယ်"
ကျောင်းလီက သူ့ခေါင်းသူကုတ်လိုက်ပြီး "သူက မူလတန်းတုန်းက အတန်းဖော်လေ, ဒါပေမယ့် အခုတော့ သူက နာမည်ကြီးတဲ့လူတစ်ယောက်ဖြစ်နေပြီ"
"အဲ့လိုကိုး..."
"သူက ဒူယူးယူ (Du Youyu) လေ"
"ဘာရယ်?"
ကျောင်းလီက ရယ်မောနေရင်း သူ့ရဲ့ အံ့အားသင့်နေတဲ့အကြည့်နဲ့ ရင်ဆိုင်လိုက်ရတယ်။ ပြီးတော့ သူက နည်းနည်းဂုဏ်ယူသွားပြီး "သူက ဟို ဒူယူးယူလေ"
အူးယမ်က အံ့သြတုန်လှုပ်သွားခဲ့ပြီး "တကယ်လား? မင်းက သူနဲ့တစ်ကျောင်းတည်းနေခဲ့တာပေါ့? ငါ သိတောင် မသိခဲ့ဘူး!"
ကျောင်းလီက ရှက်ရွံ့စွာပြုံးပြီးပြောတယ် "ငါ့အဖေ မတော်တဆမှုမဖြစ်ခင်က ငါတို့မိသားစုက ပိုက်ဆံနည်းနည်းရှိတယ်လေ, ပြီးတော့ ငါက ကျောင်းကောင်းတစ်ခုမှာ ရက်အတော်ကြာ သင်ယူခဲ့ရတယ်, ဒါပေမယ့် သိပ်မကြာခင်မှာပဲ ငါပြောင်းရွှေ့ခဲ့ရတယ်, ဒါကြောင့် ငါ သူနဲ့ အရမ်းကြီးမရင်းနှီးဘူး, ငါ ဒီတစ်ခါ သူ့ကိုတွေ့တော့ သူက ငါ့ကို သိနေတုန်းပဲ, ပြီးတော့ ငါ့ကို သောက်ဖို့ ဖိတ်တယ်, သူက တကယ့်ကို စစ်မှန်တဲ့သူငယ်ချင်းတစ်ယောက်ပဲ"
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
