Unicode
အခန်း(၃၅-၂) - အမှန်တရားနဲ့ ထင်ယောင်မှားမှု
မီးခိုးရောင်ဝတ်နဲ့လူရဲ့ မျက်လုံးထဲမှာ သူကိုင်ထားတာက သွေးလွှမ်းနေတဲ့ သမင်ခေါင်းပဲ, ဒါပေမဲ့ ရှန်ကျစ်ရှန်းရဲ့ မျက်လုံးထဲမှာတော့ အဲ့ဒါကဒီအတိုင်း မီးခိုးရောင် အရိုးခေါင်းကြီး!
သမင်အတွက်ကတော့.....အဲ့ဒါက အစိုင်အခဲ ဖြစ်လုနီးပါး ဖြစ်နေတဲ့ အနက်ရောင်ချီထုထည်ကြီးတစ်ခုသာ
ထိုလူက အနက်ရောင်အသားပိုင်း အကြီးကြီးအား အနည်းငယ် ဖြတ်တောက်လိုက်ပြီး 'သန့်ရှင်းရေးသွားလုပ်လိုက်ဦးမယ်' ဟုပြောပြီးနောက် စမ်းချောင်းဘေးကို လျှောက်သွားပြီး သွေးများအား သန့်ရှင်းရေးလုပ်နေသည်။
သန့်စင်အောင် ဆေးကြောလျော်ဖွတ်ပြီးတာနဲ့ သူ့ဆီကနေ ပျော်ရွှင်သော အသံထွက်လာသည်။ သူ့ရဲ့လက်သည်းလို ကုတ်ထားသော လက်များက ရေထဲကို ဆတ်ခနဲဆင်းသွားပြီး လက်မောင်းလောက်ရှည်တဲ့ ငါးတစ်ကောင်အား ဖမ်းလိုက်ပြန်သည်။
"အဆီပြည့်ပြီး နူးညံ့တဲ့ ငါးသား!" သူက ပျော်ရွှင်စွာ ချီးကျူးလိုက်သည်။ ထို့နောက် အားအင်မစိုက်ထုတ်ပါပဲ ငါးခေါင်းကို ဆွဲဖြတ်လိုက်ကာ ဘေးဘက်ကို ပစ်ထုတ်လိုက်ပြီး ကျန်တဲ့ငါးအပိုင်းအား ဆက်ဆေးကြောနေသည်။
ငါးခေါင်းက ရှန်ကျစ်ရှန်းရဲ့ မြင်ကွင်းထဲကို ပြုတ်ကျလာသည်။ ၎င်းသည်လည်း အသားမရှိ သွေးမရှိတဲ့ ငါးအရိုးခေါင်းတစ်လုံးသာ။
ခဏလောက်အကြာမှာ မီးခိုးရောင်ဝတ်နဲ့လူက သူ့အဝတ်အား သပ်ရပ်အောင် လုပ်ပြီးတာနဲ့ ရန်ကျင်းအား ဆွဲခေါ်၍ စတင်မီးမွှေးပြီး ငါးကင်တော့သည်။
သူက ထိုသို့သော အလုပ်မျိုးကို အလွန်ကျင့်သားရနေပုံရသည်။ လုပ်ရိုးလုပ်စဉ်တစ်ခု လုပ်နေသလိုမျိုး ငါးကို ရှေ့လှန်လိုက်နောက်လှန်လိုက်၊ အသားကို ဟိုနေရာထိုးကြည့်လိုက် ဒီနေရာထိုးကြည့်လိုက်နဲ့ လုပ်နေ၏။ ထို့နောက် ကင်နေရင်းဖြင့်ပင် ရှန်ကျစ်ရှန်းအား နှစ်သိမ့်ပေးနေသည်။
"ခင်ဗျားကအခုမှ ရောက်လာတာဆိုတော့ ကျုပ်တို့ခင်ဗျားကို မမြင်ရပေမယ့်လည်း စားလို့တော့ရပါတယ်"
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
