Unicode
အခန်း(၃၆-၁) - မျှခြေ
ရှန်ကျစ်ရှန်း စကားပြောဖို့ အချိန်မရခင်မှာပဲ ရန်ကျင်းအတုအဖွဲ့တစ်ဖွဲ့က သူတို့ဆီ ရောက်လာသည်။ နောက်ဆက်တွဲ မြင်ကွင်းကတော့ တော်တော့်ကို အံ့မခန်းပါပဲ။
သူ့ကို ဖက်ထားတဲ့ ရန်ကျင်းက နှုတ်ခမ်းကို တင်းတင်းစေ့လိုက်ပြီး လက်တစ်ဖက်က ရှန်ကျစ်ရှန်းရဲ့ ခါးကိုရစ်ပတ်ထားရင်း နောက်လက်တစ်ဖက်ကတော့ ဓားကိုဆုပ်ကိုင်၍ တစ်ခြားရန်ကျင်းများအား မဆိုင်းမတွ ဖယ်ရှားနေ၏။ ဓားရောင်ခြည်က ထိုရန်ကျင်းအတုများအား မရေမတွက်နိုင်တဲ့ အနက်ရောင်မြုမှုန်များအဖြစ် ပြန့်ကျဲသွားစေပြီး ခဏအကြာမှာ ပျက်ပျယ်သွားသည်။
ရှန်ကျစ်ရှန်းက လုံခြုံမှုမရှိသလို ဖြစ်နေတာကြောင့် လှည့်ပတ်နေရရင်းဖြင့်ပင် သတိလက်လွတ်ဖြင့် ရန်ကျင်းရဲ့ ခါးကိုဖက်တွယ်ထားမိသည်။
"..."
သူ့သနားစရာခါးလေး!
မကြာခင် ပြတ်ထွက်တော့မလို ခံစားနေရတယ်!
အနက်ရောင်မြူခိုးများအားလုံး ရှင်းလင်းသွားပြီး၊ အရာအားလုံး တည်ငြိမ်သွားပြီးနောက်မှာ ရန်ကျင်းက မြေပြင်ပေါ်ကို မြဲမြံစွာဖြင့် ပြန်ဆင်းလိုက်ပြီး သူ့လက်ကို ဖြေလျော့ပေးလိုက်သည်။
အတိတ်တုန်းကဆို ရှန်ကျစ်ရှန်းက TV series တွေထဲမှာ မင်းသားက မင်းသမီးကို ဖက်ပြီး ပျံသန်းတိုက်ခိုက်နေတာကိုမြင်တိုင်း အရမ်းကို ရင်ခုန်စရာကောင်းပြီး အံ့သြစရာကြီးလို့ ထင်ခဲ့ဘူးသည်။
အကုန်လုံးအတုအယောင်တွေ!
သူ့ကို အဲ့ဒီလိုမျိုး ဖမ်းဆုပ်ထားတာ သူ့ခါးတောင် ကျိုးတော့မလိုပဲ!
အကြိမ်အနည်းငယ်လောက် အသက်ဝဝ ရှုပြီးနောက်မှာ ရှန်ကျစ်ရှန်းသည် စိတ်ပြန်ကြည်လာသည်။ ဒီရန်ကျင်းကရော အစစ်ဟုတ်ရဲ့လားလို့ သိချင်သွားတာကြောင့် သတိလက်လွတ်ဖြင့်ပင် သူ့ရှေ့က ရန်ကျင်းအား ဆွဲညှစ်ကြည့်လိုက်မိ၏။
ဒါပေမဲ့ သူနားမလည်လိုက်တာက ဘယ်နေရာကို ညှစ်မိသွားတာလဲ ဆိုတာကိုပဲ
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
