♡Unicode version♡
ကတီဗာကော်ဇောပေါ်စိန်ပွင့်ကလေးတွေကျဲထားသလို နက်ပြာရောင်ကောင်းကင်ကျယ်ကြီးထက်မှိန်တုံ့မှိန်တုံ့ကြယ်ကလေးတွေခပ်စိပ်စိပ်နေရာယူထားတယ်။ပင်လယ်ပြင်နှင့်လှမ်းလှမ်းမှာရှိသည့်ရွက်ဖျင်တဲကလေးတွေမှာတော့သဲသောင်ခုံထက်ဟိုတစုဒီတစုငြိမ်ငြိမ်သက်သက်။မီးပုံအကြီးကြီးနဘေးကကျောင်းသားတစုမှာလည်း ဂစ်တာသံတဒင်ဒင်တဒေါင်ဒေါင်ပေးရင်း အဖွဲ့ကျလျှက်ရှိတယ်။
ကျောင်းသူတချို့ကညစာအတွက်အသားကင်တွေပြင်ဆင်နေရင်းခေါင်းချင်းဆိုင်လို့အကြောင်းတခုခုကိုတီးတိုးအတင်းတုပ်နေကြတယ်။မီးပုံကြီးကအလင်းဖြာလို့ရေးရေးသာမြင်နေရသည့်ရွက်ဖျင်တဲရှေ့ထိုင်နေသည့်ကိုလူချောကိုလည်းမသိမသာလှမ်းကြည့်တတ်ကြသေးတယ်။
"ရိပေါ်!..."
ရှောင်းကျန့်ထိုင်စောင့်နေရင်းညနေကတည်းကရွက်ဖျင်တဲတွင်းဝင်သွားရာမှပြန်ထွက်မလာတော့သသည့်ကောင်လေးကိုခေါ်သံပေးရတယ်။သူ့အတွက်ကြောင့် ဗိုက်ဟောင်းလောင်းနဲ့တော့ကောင်လေးကိုရှက်ခွင့်မပေးနိုင်ဘူးလေ။
"ရိပေါ်!...ကိုယ်ခေါ်နေတာကြားလား..."
ဒုတိယအကြိမ်အထိတဲအတွင်းကထူးသံမလာသေး။ကောင်လေးကရှက်လို့မဝသေးပေမဲ့ အဆာလွန်သွားရင်လည်းသူစိုးရိမ်ပိုရဦးမည်လေ။
"ရိပေါ်...ကိုယ်တို့အရင်ညဆာသွားစားရအောင်နော်..."
"အကိုဘာသာသွားစားလေ...ဘာလို့သူများကိုခေါ်နေတာလဲ!..."
တဲအပြင်လျှံကျလာသည့်အသံသေးသေးလေးကြောင့်ရှောင်းကျန့်တဲရှေ့ဒူးထောက်လိိုက်ရင်းပြုံးမိပြန်တယ်။လူကိုအပြစ်လည်းတင်ချင်သည် ကြမ်းကြမ်းတမ်းတမ်းလည်းမပြောတတ်သည့်ကောင်လေး။
"အတူသွားမယ်လေ...ဟိုမှာညဆာအဆင်သင့်ဖြစ်နေပြီ...ရိပေါ်ထွက်မလာရင် ကိုယ်ဝင်လာမှာနော်..."
*ဗြီး!*
ရှောင်းကျန့်စကားဆုံးတာနဲ့ရွက်ဖျင်တဲဇစ်ကလေးပွင့်ဟလာပြီးရိပေါ်ကခေါင်းလုံးလေးငုပ်ထားလျှက်။
YOU ARE READING
LOVE ME,OK![Complete]
FanfictionZSWW[Myanmar] XiaoZhan肖战 × WangYibo王一博 XiaoZhan is a IQ160 having student.Bo Bo is a normal student.This story is painting a beauty love of between senior and junior.Containing equal solution sweet and drama.This is "Love Me,OK!" //𝐃𝐞𝐚𝐫 𝐁𝐨 𝐁�...