Unicode
အခု အူးယမ်က သူ့စိတ်ကို ဗလာဖြစ်သွားစေတဲ့ ထိတ်လန့်မှုအခြေအနေကနေ နောက်ဆုံးတော့ ပြန်လည်ကောင်းမွန်လာပြီဖြစ်ပြီး မြန်မြန် ပြန်ပြောလိုက်တယ်, "ဝမ်ယဲ့, ငါပြောတာ နားထောင်, မင်း သူ့ကို အခုထိ နားမလည်သေးဘူးနော်, မင်းတို့ အကြိမ်အနည်းငယ်လောက်ပဲ တွေ့ရသေးတာ, သူက လုံးဝကို မင်းနဲ့လိုက်ဖက်ညီတယ်ဆိုပြီး ဘယ်လိုလုပ် သေချာနိူင်တာလဲ?"
"သူက ငါသဘောကျတဲ့ပုံစံပဲ, ငါ့ရဲ့လူတွေအပေါ် နားလည်နိူင်စွမ်းကို ငါယုံတယ်"
"ဒါပေမယ့်..." အူးယမ်ရဲ့နှုတ်ခမ်းတွေက တုန်ရီနေတယ်, "ငါက မင်းသဘောကျတဲ့ပုံစံမျိုးလို့လည်း မင်းပြောခဲ့တယ်လေ"
"အူးယမ်, မင်းနဲ့အတူရှိရတာက အရမ်းကို သက်တောင့်သက်သာဖြစ်ပါတယ်, ဒါပေမယ့် ဖြစ်ချင်တဲ့အရာတွေကတော့ ပျောက်ဆုံးနေတယ်လေ, နေ့တိုင်းက အတူတူချည်းပဲ, ဒါပေမယ့် သူကတော့ မတူဘူး, သူနဲ့အတူရှိတဲ့အချိန်မှာ ဘဝက ဘယ်လောက်တောင်မှ အံ့ဩစရာကောင်းလိုက်သလဲဆိုတာကို ငါသိခဲ့ရတယ်, အခိုက်အတန့်တစ်ခုစီတိုင်းလိုလိုက အမြဲပြောင်းလဲနေတယ်, နောက်တစ်စက္ကန့်မှာ ဘာဆက်ဖြစ်မယ်ဆိုတာကို ငါ ဘယ်လိုမှမသိနိူင်ဘူး"
"အောင်မြင်နေတဲ့လူက အရမ်းကိုဆွဲဆောင်မှုရှိတယ်ဆိုတာကို မင်းနားလည်ရမယ်, သူက အရမ်းကို ငယ်ရွယ်ပြီး စမတ်ကျတယ်, ရည်မွန်တယ်, ပြီးတော့ ဗဟုသုတလည်း ကြွယ်တယ်, မင်း အဲဒီ့ဆွဲဆောင်မှုကို ဘယ်လိုမှမရှုံးနိမ့်ဘဲ မနေနိူင်ဘူး"
အူးယမ်ကလည်း သူနဲ့ အဲဒီ့ရှောင်းမိသားစုရဲ့သခင်ငယ်လေးကြားက ခြားနားချက်ကို နက်ရှိုင်းစွာ နားလည်တယ်။ အူးယမ်ရဲ့သတ္တိတွေက ချက်ချင်းကို ပျောက်ကွယ်သွားပြီး အံ့ဩမှင်တက်စွာနဲ့သာ ဆက်ပြောခဲ့တယ်, "ဒါပေမယ့်, ဒါပေမယ့် သူက ငါတို့နဲ့ တူညီတဲ့ကမ္ဘာကမဟုတ်ဘူးလေ..."
"ဒါက အတိအကျကို ဘာကြောင့်လဲဆိုတာပဲ" ဝမ်ယဲ့က အလွန်စိတ်လှုပ်ရှားခဲ့တယ်, "လွန်ခဲ့တဲ့ရက်အနည်းငယ်က ငါတို့ ဘယ်နေရာတွေသွားခဲ့လဲ, ဘယ်လိုမြင်ကွင်းတွေမြင်ခဲ့လဲ, ဒါမှမဟုတ် ဘယ်လိုကားမျိုးတွေစီးခဲ့လဲဆိုတာ မင်းမသိဘူး, ချမ်းသာတဲ့လူရဲ့ကမ္ဘာက များသောအားဖြင့် စိတ်ကူးယဥ်ကြည့်ဖို့တောင် မတတ်နိူင်ဘူး, ငါ သူ့ကိုမသိခဲ့ဘူးဆို အဲ့တာတွေကိုတွေ့ကြုံဖို့ အခွင့်အရေး ငါ ဘယ်လိုလုပ်ပြီး ရနိူင်မလဲ?"
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
