[Zawgyi]
အပိုင္း ၄၇ (ျပစ္ဒဏ္)
ေရွာင္ေခ်ာင္းရဲ႕ရင္ထဲ ေက်းဇူးတင္မႈေတြနဲ႔ ေႏြးေထြးသြားတဲ့ ခံစားခ်က္မ်ိဳး ခံစားလိုက္ရတယ္။ သူမေျပာတဲ့ အေၾကာင္းအရာေတြက ေၾကာင္ေတာင္ေတာင္ႏိုင္ေပမယ့္လို႔ သူမကိုသိပ္ခ်စ္ရွာတဲ့ သူမရဲ႕အေဖကေတာ့ သူ႔သမီးငယ္ေလးေျပာသမွ်ကိုယုံဖို႔ ဆုံးျဖတ္ထားၿပီး စိုးရိမ္ေပး ေနရွာတယ္။ သူမဟာသိပ္ကို ေက်းဇူးတင္ၿပီး ေပ်ာ္ေနမိတယ္။
ယြီဟိုင္ရဲ႕မ်က္စိထဲမွာေတာ့ သူ႔အဖိုးတန္သမီးေလးက ေတာင္က်စမ္းေရေလးလို ျဖဴစင္တဲ့ ကေလးလို႔ပဲျမင္ေနတယ္။ သူမေခါင္းကဒဏ္ရာေၾကာင့္ အိမ္ကေနအိမ္ျပင္ကိုတစ္ဖဝါးမွမခြါခဲ့ဘဲ အိပ္ရာထက္မွာသာ နာလန္ထူႏိုင္ေအာင္ ျပန္လည္ကုစားခဲ့ရတယ္။ ဒါနဲ႔သူမ ဘယ္လိုမ်ားလူေတြကို လိမ္လည္တတ္မွာတဲ့လဲ။
ဒါတင္မက သူမလိုရွစ္ႏွစ္အ႐ြယ္ကေလးငယ္က ေသဆုံးတဲ့ဝိညာဥ္ေတြကို ေအာက္ကမာၻသို႔ ေစာင့္ၾကပ္ေပးရတဲ့ နတ္ဘုရားႏွစ္ပါးအေၾကာင္း.. အရွင္ရာမအေၾကာင္းနဲ႔ ငရဲနန္းေတာ္တို႔အေၾကာင္းကို ဘယ္လိုလုပ္သိႏိုင္မွာလဲ။ သူမတစ္ခါမွ မေရာက္ဖူးတဲ့ ေနရာေတြကို ဘယ္လိုမ်ား ခေရေစ့တြင္းက် ေျပာႏိုင္မွာလဲ။ ယြီဟိုင္ဟာ သူ႔သမီးရဲ႕လက္ကေလးကို က်ပ္က်ပ္ကိုင္ထားလိုက္တယ္။ သူ႔သမီးငယ္က ဘဝေပးကံမေကာင္းခဲ့ရွာေတာ့ တစ္ခါလည္း ေသခါနီးဆဲဆဲျဖစ္ခဲ့ရတယ္။ သူ႔သမီးရဲ႕ဘဝမွာ ရွားရွားပါးပါး ရခဲ့တဲ့ ဒီဒုတိယအႀကိမ္ အခြင့္အေရးကိုေတာ့ အခ်ည္းအႏွီး မျဖစ္သြားရေအာင္ သူစိတ္ထဲမွာ တိတ္တိတ္ေလး ဆုံးျဖတ္ေနခဲ့တယ္။
အေဖ.. သမီးတို႔လက္သမားဆိုင္ကို ေရာက္ၿပီေလ!
ေရွာင္ေခ်ာင္းက သူမအေဖ အေတြးေတြမ်ားေနရင္း လက္သမားဆိုင္ကိုေတာင္ ေက်ာ္ေလွ်ာက္မိေတာ့မွာမို႔ သတိျပန္ဝင္ေအာင္ လက္ကိုဆြဲလိုက္တယ္။
ယြီဟိုင္တစ္ေယာက္ အေတြးေပါင္းေသာင္းေျခာက္ေထာင္ကေန ႐ုန္းထြက္ခဲ့တဲ့အခ်ိန္မွာေတာ့ ဝင္ေပါက္မွာ ရပ္ေစာင့္ေနတဲ့ အက်ႌလက္ရွည္နဲ႔ လူတစ္ေယာက္ကို ျမင္ခဲ့တယ္။ ထို႔ေနာက္ ထိုလူထံသို႔ခ်ဥ္းကပ္ၿပီး
ဒီကလူႀကီးမင္းအေနနဲ႔ ယြီဟန္ကို ခဏေလာက္ ေခၚေပးႏိုင္မလား ကြၽန္ေတာ္က သူ႔မိသားစုဝင္ပါ... သူ႔ကို ဒီဂြမ္းကပ္အေႏြးထည္ေလး ေပးခ်င္လို႔ပါ
YOU ARE READING
သက်တန့်ရောင် မိန်းမပျို Book 1 (MMTranslation)
Fantasyခေါင်းစဉ် - သက်တန့်ရောင် မိန်းမပျို (ဘာသာပြန်) မူရင်းခေါင်းစဉ် - Fields of Gold အမျိုးအစား - သဘာဝလွန်၊ စိတ်ကူးယဉ်၊ အချစ်ဇာတ်လမ်း၊ ဘဝအတွေ့အကြုံ အပိုင်းရေ - ၇၃၂ ပိုင်း မူရင်းရေးသားသူ - ကွေ့ဟွားချင်းယွီ ဘာသာပြန်ဆိုသူ - The 8Black Hands
