هوس الأسد

البارت التاسع

زينب...مديت ايدي ولهناك شفت صندوك حلو ..

جيت اطلعة وجان بسرعة ينسحب من ايدي...

باوعت هشام سحبة وعاط بية..

هشام....اكو شي اسمه خصوصية عيب عليج تجين وتردين تفتحي (بعياط)

زينب...يحجي ويعيط ودمارات وجهه مبينه خفت من عياطه غرغرن عيوني...

بسرعة كمت واحس جسمي يرجف من الفزة ...

زينب...اسفة مو قصدي والله وحتى بعد ما افوت للغرفة اسفة ..

مطيته مجال وركض طلعت ...فتت لحمام شوي اهدي روحي عمود محد ينتبه..

نقهرت هشام اول مرة هيج يرزلني بعصبية وجرحني بالحجي ..

جان يكدر يكول عوفي لو اي شي بس مو بهلطريقة...

مسحت دموعي ومامه صاحتلي ورحنه رجعنه وخالة بتول همين رجعت ويانه راحت لاهلهة ....

-----

هشام....من دخلت وشفت بأيدهة الصندوك عطت بيهة ورزلتهة...

نسيت هاي زينب.....هاي حبيبتي وبت كلبي....بس شغلة وحدة براسي جان..

الصندوك الي ما احب اي بشر يلزمه ....راحت وعيونهة مغرغرة...

وعيت على روحي من شفت هيج عيونهة....نمرد قلبي على عيونهة...

وعيت على روحي انه شون هيج اعيط عليهة...ضربت ايدي قوي بالحايط ...

رجعت باوعت على الصندوك واخذته ضميته بكنتوري وقفلته ...

طلعت من الغرفة وقفلتهة وسمعت خالة هوس تريد ترجع ...

جتي زينب وممبين على وجهة شي جتي تضحك بس اعرفهة

منقهرة مني ...حقهة ونبي حقهة ااخ لو بيدي هسة اخذهة واعتذر منهة ...

بس ما اكدر...

راحت وانه رحت صعدت بالسطح .... طلعت باكيت الجكاير ودا ادخن وحدة واجاني حسين ...

حسين ابن عمة تبارك ....صديقي وضلعي بس شوي وقح وبارد ميراعي مشاعر احد ...

حسين...ها تدخن شصاير ابو الشباب ..

هشام...ااوف اووف ياحسين قصدك شني المصاير ..

حسين...طيني جكارة وياك

هشام...كاعدين ندخن وكل واحد صافن بروحه واجانه محمد..

محمد...لكم ها كواويد تدخنون اشو

هشام...محمد وخر مني مطايق نفسي

محمد....ها لعد نته مزعل زينب مو صح

هشام...ليش شون عرفت

محمد....من دطلع شفتهن وجانت زينب صافنه ومبين واحد غاثهة بالحجي ...