Unicode
ညစာပြင်ဆင်ပြီးတဲ့နောက် အူးယမ်က သူ့အာရုံကိုစုစည်းပြီး စာအုပ်အချို့ဖတ်တယ်။ ထုတ်ဝေဖို့, မဝေဖို့ကို ဂရုမစိုက်ဘဲ သီအိုရီဘာသာပြန်စာတမ်းတစ်ခုကို ရေးဖို့အာရုံစိုက်တယ်။ ဒါက အခုလက်ရှိ သူ့ဘဝရဲ့လစ်ဟာနေမှုဆီကနေ သူ့ကိုယ်သူ အာရုံလွှဲဖို့အတွက် အရေးကြီးတဲ့နည်းလမ်းတစ်ခုဖြစ်တယ်။ ဒါကလွဲပြီး သူ့မှာ ပြောပြနိူင်စရာဖျော်ဖြေမှုတွေ ရှိမနေဘူး။
ကျောင်းလီက ညစာအတွက် ပြန်မလာခဲ့ဘူး။ ဆယ့်တစ်နာရီကျော်လာခဲ့ပေမယ့် သူ့အရိပ်တောင်မှ မမြင်ရသေးဘူးဖြစ်တယ်။
သူ့သူငယ်ချင်းဟောင်း ဒူယူးယူနဲ့ပြန်လည်ဆုံတွေ့ကတည်းက ကျောင်းလီ အိမ်မှာနေတဲ့အချိန်က နည်းသွားတယ်။ သူက နေ့တိုင်းနီးပါး အပြင်ထွက်တယ်။ ဒါပေမယ့် အိမ်ကို ပြန်သတင်းပို့ဖို့ ဖုန်းမဆက်တာကတော့ ဒါက ပထမဆုံးအကြိမ်ဖြစ်တယ်။ သူ့ကို ဖုန်းခေါ်တဲ့အချိန်မှာ တစ်ဖက်က သူတို့ဖုန်းကိုပိတ်ထားတယ်လို့ ပြောတယ်။
အူးယမ်က အနည်းငယ်ပူပန်လာပြီး လိပ်စာမှတ်ထားတဲ့စာအုပ်ထဲက ကျောင်းလီရဲ့သူငယ်ချင်းအချို့ကို ဖုန်းခေါ်လိုက်တယ်။ ဒါပေမယ့် သူ့ဆီကို မရောက်နိူင်ခဲ့ဘူး။ သူအပြင်ထွက်ကြည့်ဖို့ လုပ်တဲ့အချိန်မှာပဲ တံခါးနားက လှုပ်ရှားမှုကို ကြားလိုက်ရတယ်။ ကျောင်းလီ ပြန်လာခဲ့ပြီဖြစ်တယ်။
ဒူယူးယူကလည်း သူနဲ့အတူ လိုက်ဝင်လာတယ်။ ဒါပေမယ့် ဒါက ညနက်မှ သူငယ်ချင်းကို ညဘက် မုန့်စားဖို့အတွက် အိမ်ခေါ်လာတဲ့အငွေ့အသက်မျိုးတော့ မဟုတ်ဘူး။ ဒုက္ခဖြစ်နေတဲ့ ကျောင်းလီရဲ့မျက်နှာမှာ ရှက်ရွံ့မှုအချို့ရှိနေခဲ့တယ်။ ဒူယူးယူမှာတော့ သူ့ရဲ့ပုံမှန်ကြော့ရှင်းတဲ့အပြုံးရှိသော်လည်း သူလုံးဝပျော်မနေဘူးဆိုတာ ထင်ရှားတယ်။
"ဘာဖြစ်လာတာလဲ?" အူးယမ်က ကျောင်းလီရဲ့ပါးစပ်ထောင့်က ဒဏ်ရာတွေကို မြင်လိုက်တယ်။ သူက လန့်သွားပြီးတော့ ဆေးသေတ္တာကို အလျှင်အမြန်သွားရှာတော့တယ်, "ဘာကိစ္စလဲ? မင်း လမ်းမှာ လူမိုက်တစ်ယောက်နဲ့ တွေ့လာတာလား?"
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
