Unicode
အခန်း(၃၀၃) - ကျောင်းမိသားစုရဲ့ ရှင်းပြမှု
ကျောင်းမိသားစု သခင်ကြီးက သက်ပြင်းချသည်။
"ကျုပ်လည်း ငြိမ်းအေးခြင်းဆေးပင် စံအိမ်ကိုဒီလိုမျိုး ခြောက်ကပ်သွားသည်အထိ ညှစ်မထုတ်ချင်ပါဘူး, ကျောင်းမိသားစုမှာက ငွေကြေးလည်း လုံလောက်ပြီး မိတ်ဆွေတွေကို ရွေးချယ်မှုလည်း ပိုများတယ်, ဒါ့အပြင် ခရမ်းမြို့မှာက အဂ္ဂီရတ်ပညာရှင်တွေ အများကြီးလေ, ကျုပ်တို့ရဲ့ စီးပွားရေးက ဘယ်လောက်ပဲ ဆိုးဝါးနေပါစေ ပိုက်ဆံမရှာနိုင်တာမှ မဟုတ်တာ, ကျုပ်တို့အနည်းနဲ့အများ လုံလောက်ရင် အဆင်ပြေပြီ, ဒါပေမဲ့ အခုတော့ကျုပ်တို့လည်း မတတ်နိုင်ဘူး, အကယ်၍ ကျုပ်တို့ ပိုက်ဆံမရှာဘူးဆိုရင် ကျောင်းမိသားစုရဲ့ စီးပွားရေးကို ဆက်လုပ်နိုင်မှာ မဟုတ်တော့ဘူး"
ချင်းကျူရဲ့ အမူအယာက လေးနက်သွားသည်။ သူက မနေနိုင်စွာပင် ခပ်မတ်မတ် ထိုင်လိုက်ပြီး မေးလာ၏။
"ကျောင်းသခင်ကြီး, အစပိုင်းတုန်းက ခင်ဗျားကို အဲ့ဒီပစ္စည်းတွေပေးတာ ဘယ်သူတွေလဲ? ကျောင်းမိသားစုတောင် ဆန့်ကျင်ဖို့ မတတ်နိုင်တဲ့သူတွေ ရှိနေတာလား?"
ကျောင်းမိသားစုရဲ့ သခင်ကြီးက ခါးသက်သက်ပြုံးသည်။
"ကျုပ်လည်း သူတို့က ဘယ်သူလဲမသိဘူး, ကျုပ်သိတာက ကျောင်းမိသားစုထဲက ဘယ်အကြီးအကဲကမှ အဲ့ဒီ မျက်နှာဖုံးနဲ့လူကို မဆန့်ကျင်နိုင်ဘူး, ထပ်ပေါင်းပြောရရင် အဲ့ဒီလူရဲ့ လက်အောက်ငယ်သားတွေ အားလုံးကလည်း အရမ်းစွမ်းအား ကြီးကြတယ်!"
ချင်းကျူက မျက်မှောင်ကျုံ့သည်။
"သခင်ကြီးကျောင်း, အဲ့ဒိနေ့တွေတုန်းက ကိစ္စကို ပိုပြီးရှင်းပြပေးလို့ရမလား?"
သူက ခေါင်းညိတ်ပြ၏။
"ဘာလို့မရရမှာလဲ?"
ကျောင်းသခင်ကြီးက အဲ့ဒီနေ့က ဖြစ်ရပ်ကို အသေးစိတ်ရှင်းပြပေးသည်။ အဲ့ဒါက လွန်ခဲ့တဲ့ နှစ်နှစ်က ဖြစ်ပျက်ခဲ့တာ ဖြစ်ပေမယ့်လည်း သူဘယ်လောက်တောင် ထိတ်လန့်ခဲ့ရလဲ ဆိုတာကိုတော့ ကွက်ကွက်ကွင်းကွင်း မှတ်မိနေတုန်းပဲ!
YOU ARE READING
(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း
Randomပါရမီရွင္အျဖစ္ေမြးဖြားလာသူ လင္႐ႊမ္းဇီသည္ သူ႔အတိတ္ဘဝမွာ ကမာၻၾကီးကို မလႊမ္းမိုးခဲ့ေသာ္လည္း ယန္ထ်န္းဟန္အေပၚ သစၥာေဖာက္ခဲ့သည္။ သူနဲ႔ အရင္းနွီးဆံုး သူငယ္ခ်င္းေတြ၊ ဆရာေတြနဲ႔ ဂိုဏ္းတူညီအစ္ကိုေတြ အကုန္လံုးက သူ႔ကို ထိုးနွက္ သတ္ျဖတ္ျပီးမွသာ သူက်ဴးလြန္ခဲ့သည့္ ခ...
