And They Say...

Track 27: Blind Item #86

Melody's Point of View

The result of Concordia Royalty has been a hot topic in the academe. It's like almost everyone's talking about it.

Hindi naman na nagkagulatan sa ranking ng iba. Pwera kay Kelsey na nawala sa Top 5.

Hindi naman nabother si Kelsey do'n kasi aminado siyang hindi naging maganda ang performance niya noong mga nakaraang linggo. Bumabawi na siya ngayon.

Bukod sa kanya, maski ang rank namin ni Ingrid ay naging usapan din. Dahil mula sa Top 100, ay umangat ako sa Top 86 habang si Ingrid naman ay pumasok na sa Top 100.

Maraming nagsasabi na baka raw may kilala kaming mataas ang posisyon dito dahil hindi nga pumapasok sa Concordia Royalty ang mga baguhan samantalang kaming dalawa ni Ingrid ay parehas pumasok.

Sus! Pinaghirapan namin ni Ingrid lahat ng 'to. Pero kung tutuusin, tingin ko hindi ko naman deserve ang rank ko. Marami pang mas magaling sa akin. Hindi mataas ang grades ko. Nagkataon lang na nahihila pataas ng public's pick ang mentor's grade.

Dahil din malamang 'to sa dalas kong malagay sa Concordia Buzz noon for the weirdest reason.

"Okay. Study the next scene, Melody."

I smiled at our mentor before going back to my seat. I passed another scene!

Hindi niya ako pinuri pero the mere fact na pumasa ako sa scene na 'yon in just one try makes me feel that I'm improving steadily. Magbuhat noong mga naunang classes, hindi na ako napapaulit ng scenes.

Sinusubukan ko paunti-unti na burahin ang takot ko sa publiko at mukhang nagagawa ko naman 'to kahit paano. Hindi ko rin itatanggi na malaking tulong sa akin si Jarvis. Tinutulungan niya ako sa mga scenes ko at sinasabi niya kung alin ang mga kailangan kong iimprove kaya bago pa ako humarap sa mentor ay handa na ako kahit paano.

"Nice," puri naman sa akin ni Ingrid na makabalik na ako sa upuan.

"Okay, class," agaw atensyon ng mentor namin. Tumayo siya sa gitna sa harap at itinaas ang mga papel na hawak niya. "I have here some new scenes that I want you to enact. Today."

Maraming nagbulong-bulungan at nadismaya nang marinig ang sinabi niya. Isa na nga ako doon. Hindi ako handa.

Pero isang pagtikom lang niya ng bibig at paglibot ng paningin sa klase ay natahimik na kaming lahat agad. That's how scary she is.

"Kung hindi umabot ang oras, sa susunod na meeting na ang iba. This will be done by pairs." Nagkatinginan agad kami ni Ingrid. "I'll choose your partner." Napasibi ako nang marinig 'yon. Sayang naman!

Isa-isa niyang binanggit ang magkakapareha at nang banggitin niya ang partner ko ay mas lalo akong napasimangot.

Paano naman kasi, si Ysabella ang partner ko. Hindi naman sa ayaw ko sa kanya. Ayaw niya sa akin. Hindi ko alam kung paano namin 'to magagawa. Ang dami naman kasing ibang estudyante bakit kami pa naging partner?

"Magtabi na ang magkakapartner. I'll give you 15 minutes to study the script."

"Goodluck," bulong ni Ingrid bago ako lumipat sa tabi ni Ysabella. Sa totoo lang, hindi ko alam kung seryoso ba siya o nagpapakasarcastic lang.

When I sat beside Ysabella, inabot lang niya sa akin ang kopya ko nang hindi man lang ako tinitingnan. Nakatingin lang siya sa script at seryosong binabasa 'yon. Maski nang subukan ko siyang batiin ay hindi niya pa rin ako binigyan ng pansin.