Unicode
လင်ကျင်းက အူးယမ်ရဲ့ရှုပ်ထွေးနေတဲ့အကြည့်နဲ့ တွေ့ဆုံလိုက်ရတယ်။ သူ့မျက်နှာတစ်ခုလုံးက ချက်ချင်းနီရဲလာပြီး သူ့ရဲ့ပုံမှန်စကားပြောကောင်းခြင်းကလည်း ပျောက်ကွယ်သွားတယ်, "အာ! မဟုတ်ဘူး, သူ အဓိပ္ပါယ်မရှိတာ ပြောနေတာ, ဆရာ, အထင်မလွဲပါနဲ့..."
အူးယမ်က တစ်ခဏလောက် ဘာပြောရမှန်းမသိ ဖြစ်သွားခဲ့တယ်။ သူက တူကိုကိုင်ထားပြီး ထိုင်နေတာဆိုပေမယ့် ရုတ်တရက် ဘာမှထပ်မစားနိူင်တော့ဘူး။
"ဆောရီး, ငါ လုပ်စရာတစ်ခုရှိတယ်ဆိုတာ သတိရသွားလို့"
"ဆရာ?"
အူးယမ်က မတ်တပ်ရပ်လိုက်ပြီး ခေါင်းငုံ့ကာ သူ့စာအုပ်ကိုကောက်ယူရင်း စားပွဲပေါ်မှာ ပိုက်ဆံချန်ထားခဲ့တယ်, "ငါ, ငါ အရင်သွားမယ်"
"အာ, ရှီဝမ်! စောင့်ဦး!"
အူးယမ်က မြန်မြန်ထွက်ခွာသွားပြီး ပိုက်ဆံဖြုန်းတာကိုလည်း ဂရုမစိုက်နိူင်တော့ဘူး။ သူက တက္ကစီတစ်စီးကို တားလိုက်ပြီး အထဲဝင်သွားခဲ့တယ်။
သူက တကယ်ကို တော်တော်လေး တုံးခဲ့တယ်။ အဲ့လူနှစ်ယောက်က သူ့ရဲ့အပင်ပန်းခံထားတဲ့တွေးခေါ်သုံးသပ်ချက်တွေကို ဘယ်အချိန်တုန်းက အလိုရှိခဲ့ဖူးတာလဲ? သူတို့က တစ်ယောက်ကို တစ်ယောက် အာရုံစိုက်မှုအနည်းငယ်သာရှိကြပေမယ့် သူတို့ဆက်ဆံရေးက ဘယ်လိုလုပ်ပြီး ဆိုးရွားနေတာလဲ? သူက အဲ့တာကို တွေးရင်း မလိုအပ်စွာနဲ့ စိတ်ပူနေခဲ့တယ်။
သူက လူတွေရဲ့နှလုံးသားကို ဘယ်တော့မှ နားလည်နိူင်မယ်မထင်ဘူး။ သူ့ကိုသဘောကျတဲ့လူတွေကလည်း သူ့ကိုသဘောမကျပုံရပြီး သူ့ကိုသဘောမကျတဲ့လူတွေကလည်း သူ့ကိုသဘောကျတယ်လို့ ဟန်ဆောင်ကြတယ်။
သူ့မှာ လူငယ်တွေရဲ့စိတ်ကို နားလည်နိူင်မယ့်နည်းလမ်း တကယ်ကိုမရှိဘူး။
ကံကောင်းစွာနဲ့ သူက ကလေးတစ်ယောက်ရဲ့မကောင်းမှုနဲ့ မရိုးသားတဲ့စကားလုံး*တွေကို တစ်ခါတွေ့ကြုံခဲ့ပြီးပြီဖြစ်တယ်။ [*လူတစ်ယောက်ရဲ့စိတ်နဲ့ မကိုက်ညီတဲ့စကားလုံးတွေ]
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
