[Unicode]
အထက်တန်းတတိယနှစ်ဟာ အရေးကြီးလွန်းတယ်။
မျက်နှာထားမပြောင်းတဲ့ဟယ်ရှင်းချွမ်ကို ဆရာ၊ ဆရာမတွေဟာ ခေါ်ခေါ်ပြောနေကျတုန်းပဲ။ဒုတိယနှစ်ရဲ့နောက်ဆုံးစာမေးပွဲကြီးမှာ၊ ဟယ်ရှင်းချွမ်ရဲ့အဆင့်တွေဟာ အရမ်းထိုးကျသွားခဲ့လို့လေ။
အဓိကအကြောင်းအရင်းကတော့ အဲ့အချိန်တုန်းက ယန်ထန်နဲ့ဒိတ်နေလို့မအားတာရယ်၊ ညဘက်ကျရင် အလုပ်လုပ်နေရတာရယ်ကြောင့်ပင်။
ကိုယ့်နှလုံးသားကိုယ်မထိန်းနိုင်တဲ့ရလာဒ်ဖြစ်ပြီး၊ ဘယ်သူ့ကိုမှအပြစ်မတင်နိုင်မှန်း ဟယ်ရှင်းချွမ်ကောင်းစွာနားလည်ထားတယ်။
ဆရာဆူတာခံရပြီးနောက်၊ ရုံးခန်းတံခါးရှေ့ရပ်နေသူကိုတွေ့ချိန်မှာတော့ စိတ်အခြေအနေက ချက်ချင်းကောင်းသွားခဲ့ပြီ။
"ငါ့ကိုစောင့်ပေးနေတာလား?"
ခပ်မြူးမြူးအပြုံးလေးဖြင့်။
မသိတဲ့သူသာဆိုရင် ချီုးကျူးခံလိုက်ရတယ်လို့တောင်ထင်နေမိဦးမယ်။
ယန်ထန်က ဟယ်ရှင်းချွမ်ဆံပင်ကိုပွတ်သပ်ပေးကာ
"အတန်းကိုအရင်ပြန်ဦး၊ ညနေကျမှ အဲ့အကြောင်းပြောကျတာပေါ့"လတ်စသတ်တော့ အတန်းကိုလိုက်ပို့ဖို့ လာစောင့်နေတာကိုး!
ဆူပုတ်ပုတ်မျက်နှာပေးနဲ့ဟယ်ရှင်းချွမ်ဟာ အတန်းထဲဝင်လာခဲ့တယ်၊ နှလုံးသားလေးကတော့ ချိုမြိန်ခြင်းအပြည့်ဖြင့်။
နားနေခန်းထဲမှာ ရေသောက်နေတဲ့ဆရာတုန်ဟာ ပူးကပ်နေတဲ့နှစ်ယောက်ကိုမြင်သွားခဲ့တယ်။
မျက်မှောင်ကြုတ်ရင်း ရုံးခန်းဆီသို့ပြန်ဝင်သွားခဲ့တယ်။ယန်ထန်က ဟယ်ရှင်းချွမ်ရဲ့အင်္ဂလိပ်စာအုပ်ကို လက်ထဲကိုင်ထားခဲ့တာ။
သူက စကားလုံးတွေကိုမကျက်ချင်ဘူး၊ အဲ့တော့ မှတ်စုတွေကိုပဲဖတ်နေမိတယ်။
စကားလုံးတွေကတော့ တစ်ခါမှမမြင်ဖူးခဲ့သလိုပဲ...စကားလုံးတွေကိုလည်း ကျက်မှဖြစ်တော့မယ်!
သက်ပြင်းမချမိဘဲ မနေနိုင်တော့ဘူး။
ယန်ထန့်နေရာက နောက်ဆုံးအတန်းရဲ့ပြတင်းပေါက်ကပ်ရပ်နေရာမှာ။
အတန်းက တစ်ပတ်တစ်ခါနေရာတွေပြောင်းပေးရတယ်၊ ယန်ထန်ကတော့ ဘယ်တော့မှမရွှေ့ဘူး။
ပြတင်းပေါက်မှာထိုင်ချင်တဲ့ ကျောင်းသားတွေရှိပေမဲ့၊ ဘယ်သူကယန်ထန့်ကို ပြောရဲမှာမို့လို့လဲ?
YOU ARE READING
Hedgehog And Tiger [Myanmar Translation]
RomanceTitle-刺猬与虎 Original Author-游目 Type-Web Novel 129 Chapters + 9 Extras Available in Both Unicode & Zawgyi I don't own the Story. I translate this from Google translate.So pls forgive me if I have any mistakes!