//Unicode//
အခန်း - (၁) ပြန်လည်မွေးဖွားခြင်း
"အမေ့ဆိုင်ကို ကောင်းကောင်း ဂရုစိုက်ဖို့လိုတယ်။"
ဘယ်သူပြောနေတာလဲ။
စုလင်းသည် ချက်ချင်းပင် မျက်လုံးကိုဖွင့်လိုက်ပြီး ပတ်ဝန်းကျင်ကို လှည့်ကြည့်လိုက်သည်။ အရာအားလုံးသည် အဖြူရောင်ဖြစ်နေခဲ့ပြီး လေထဲမှာ ပိုးသတ်ဆေးနံ့သင်းသင်းလေးတစ်ခု ရှိခဲ့သည်။ ဒါက လူနာဆောင်တစ်ခုဆိုတာ သေချာပါသည်။ ဒီနေရာမှာ သူကလွဲလို့ ဘယ်သူမှ မရှိပါချေ။ သူ့ကျောရိုးတစ်လျှောက် အေးစက်စက်ခံစားမှုက စီးဆင်းသွားသည်။စုလင်း အမြန်ထထိုင်လိုက်ပြီး ခေါင်းကိုလှည့်ကာ ပြတင်းပေါက်မှကြည့်လိုက်သည်။
ပြတင်းပေါက် အပြင်ဘက်တွင် အစိမ်းရောင်သစ်ရွက်များပေါ်တွင် နေရောင်ကတောက်ပနေသည်။ ရွှေရောင်အလင်းတန်း မှိန်ဖျော့ဖျော့များသည် အလွန်လှပနေပေသည်။
ဒါက ဘယ်လို ဖြစ်နိုင်မှာလဲ?။ သူဓာတ်ခွဲခန်းမှာ ရှိနေသင့်တာမလား? အချိန်ကလည်း မမှန်ဘူး။
သူသည် ၂ ရက်ဆက်တိုက်စမ်းသပ်မှုများပြုလုပ်ခဲ့ပြီး သူ၏နောက်ဆုံးမှတ်ဉာဏ်သည် နံနက် နှစ်နာရီတွင် ဖြစ်သည်။
စမ်းသပ်မှုလုပ်နေစဥ်အတွင်း သူခံစားခဲ့ရသော ခေါင်းကိုက်ခြင်းက သူ့ကို မေ့မြောသွားစေခဲ့လို့ ဆေးရုံပို့လိုက်လေသလား?။
သူက လှည့်ပတ်ကြည့်သော်လည်း သူ့ဘေးနားမှာထူးဆန်းသော အသုံးအဆောင်ပစ္စည်းအချို့သာ ရှိသည်။ သူ့လက်ကိုင်ဖုန်းနှင့် အခြားသူ့ရဲ့ဆက်စပ်ပစ္စည်းများကို မတွေ့ရပေ။ သူနားမလည်နိုင်သောကိန်းဂဏန်း၊ဒေတာများကို ပြနေသည့် အလွန်ပါးလွှာသော LCD မျက်နှာပြင်တစ်ခုရှိသည်။ ရုတ်တရက် သူ့မျက်လုံးများ ပြူးကျယ်သွားရသည်။ ထိုLCDမျက်နှာပြင်၏ ညာဘက်အောက်ထောင့်ရှိနေ့စွဲသည် Ephemeris ကြယ်တာရာနှစ် 1780,မေလ 22ရက်ဖြစ်သည်။
သူ ထိတ်လန့်သွားခဲ့သည်။ ထို့နောက် ချက်ချင်းပင် သူနိုးလာခါစက ကြားခဲ့သည့် အားနည်းသော လူငယ်တစ်ယောက်ရဲ့ အသံကို သူပြန်သတိရမိလိုက်သည်။ သူ့ခြေဖျားမှ တစ်ဆင့် တစ်ကိုယ်လုံး အေးစက်လာသည်။ စုလင်း ချက်ချင်း စောင်ကိုမပြီး အိပ်ရာမှ ထလိုက်သည်။ စောင်ကိုကိုင်ထားသော သူရဲ့ညာလက်ကို ကြည့်လိုက်သောအခါ သူခဏတန့်သွားပြီးနောက် ဖိနပ်ပင် မစီးဘဲ အိပ်ရာမှခုန်ထွက်ကာ ပြေးတော့သည်။
YOU ARE READING
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasy▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...
