البارت الـ 20
.•.•.•.•.•
الكاتبة: زايا
.•.•.•.•
-شفتك شفتك .. وروحي اطشرت
-شيلمني وانه بهالعمر
-نص مني ضل يمك عدل وع الثاني يقره الفاتحه
-هيج انه حالي بشوفتك
-ضلت انفاسي معلكه
-جن ريشه وبعالي الهوى لاصاعده ولا طايحه
-وبويه شويه ضل من العقل
-مسودن واحس بيه وعي
-وحيرت ناسي وگـل هلي
-ومالكو چاره ولايحه
.•.•.•.•.•.•.•.•.•.•.•
-كلشي بيه يوجعني وكلشي بيه مشتاقلهم..
-بأصابيعي أتلمس الارض واهمس وي نفسي:- بابا تدري احسك انتَ يمي احس روحك يمي وبيه!!
يمكن چنت هواي استحي منك وجنت استحي ابوسك واحضنك واستحي احجي هواي وياك بس تدري اتمنى ترجع بس دقيقه وحده والله واكولك شكد احبك وشكد هسه محتاجتك بحياتي ومحتاجه تطلعني من هالضياع يلي اني بي!!
-محتاجه ترجعون لحياتي ع الأقل واحد واحد بيكم يجي يمي ويلمني ويدليني الطريق الصح.. اني تعبت تعبت والله محتاجتكم انتَ وماما وخواتي يمي..
-مسحت دموعي وضحكت:-بابا داتتخيل هيلايتك راح تتزوج هاي الي چنتت بس تعيط بيها تبچي وتزعل الله عليك ارجع محتاجتك يمي اريدكم والله اشتاقيتلكم والله شنو الي تردوا اسوي والله بس ارجعوا اني ضعت بعدكم بابا هذا اخر يومين الي هنا ببيتنا اخر يوم الي يم ريحتكم راح اتزوج.. تخيل اتزوج واحد حيوان هههههههههه والله لو يسمعني يضربني.. اي بابا يضربني ضربني كومة راشديات بابا ولزم ايديه صار هو مسؤل عني هسه!!.. والله أكرهكم أخذتوا خواتي وعفتوني..
-مسحت دموعي وگمت ابچي برجيف وقهر طلعت من الغرفه غسلت وجهي ورحت للغرفه ضميت وجهي بالمخده ابچي من كل گلبي..
-لحد ثاني يوم مر عادي الي هو المفروض يكون حنتي.. بس مسويت ابد ولا شي أصلا عاداتنا إذا عدنا ميت منسوي حنه مو انوب اهلي وأربعه..
-خلص اليوم وي البنات نباوع أفلام وناكل ونذكر طفولتنا لليل كلش ساعه ٣ الفجر صعدنا فوگ كلنا نمنا سوه..
-خوفه بداخلي دا اتخيل هالوقت بس باچر واني ويا بغرفه ومكان واحد..
-معقوله حكمل حياتي ويا!! زين إذا كملتها معقوله اگدر اتقبله واحبه!!؟
-طلعت بره بالصاله الفوگ جبت تليفوني وطلعت اغنيه "شباكك مطفي"..
طلعتها وجبت السماعات وحطيتها بأذاني دموعي كامت تصب من اول كلمه حسيتها تعبر وتشكي حالي حسيتها عبرت عن كل الي احسه والي بداخلي الي معرفت احجي بي واكوله بقيت كلساع اعيدها كلساع لحد ما طلعت مروه وشافتني..
YOU ARE READING
حنين قلبي
General Fictionفي القلب غصة لا تُطاق وفي العين دمعة لا تنقضي فقدان الأحبة مصاب جلل لا يعلم مداه إلا من ابتلي الأهل هم السند والعضد هم من نلجأ إليهم في الشدائد وهم من نستأنس بهم في الرخاء فإذا فقدناهم نشعر بفراغ كبير لا يمكن أن يملأه أحد.. وهذا ما يحدث معي!! انا في...
