လော်ရှို့နဲ့ မုန့်ရန်တို့ရဲ့ သားဉီးလေး ဖွားမြင်ခဲ့လေပြီ။ဒီကလေးကို မွေးရတာ အရမ်းလွယ်ကူခဲ့ပါတယ်။ဒီကလေးလေးက သန္ဓေသားဘဝကတည်းကနေ လူ့လောကထဲကိုရောက်ရှိလာချိန်အထိ မုန့်ရန်ကို နာကျင်မှုတွေ ကြာကြာမခံစားစေခဲ့ပါဘူး။ဒီကလေးငယ်လေးက တကယ်ကို သန္ဓေကောင်းလွန်းတယ်လို့ မုန့်ရန် ခံစားနေရတယ်။
"ကလေးလေးရေ.."
အဝတ်အစားသစ်လေးတွေဆင်မြန်းထားတဲ့ ကလေးငယ်ကို မုန့်ရန် သေချာ ပွေ့ချီထားပြီး အပြုံးတွေနဲ့ ချော့မြှူနေတယ်။
"ဒီနေ့က ကလေးလေးရဲ့ တစ်လပြည့်မွေးနေ့...ကျွင်းရယ်လေး ပျော်ရဲ့လား??"
ကလေးငယ်ကိုမွေးဖွားပြီးချိန်မှာ လော်ရှို့ရဲ့ မျက်ရည်တွေကို မုန့်ရန် ပထမဆုံးအကြိမ်အဖြစ်တွေ့မြင်ခဲ့ရတယ်။လော်ရှို့အရမ်းကို စိတ်လှုပ်ရှားနေတာကြောင့်မျက်ရည်ကျမှန်း မုန့်ရန်သိတယ်။သူလည်းပဲ လော်ရှို့နဲ့ ထပ်တူ ခံစားရတယ်လေ....
သားလေးကို မုန့်ရန်ဘယ်လိုမှ အကြည့်မလွှဲနိုင်ခဲ့ဘူး။လှပတဲ့ မျက်လုံးတောက်တောက်လေးတွေနဲ့ အကြည့်ခံလိုက်ရတိုင်း ဒီကလေးငယ်အတွက် ဘာမဆို ဖြည့်ဆည်းပေးချင်စိတ်ကို ထိန်းမရခဲ့ဘူး။
လော်ရှို့ အခန်းထဲကိုဝင်လာပြီး ကလေးချီထားတဲ့ မုန့်ရန်ကို နောက်ဘက်ကနေ ပွေ့ဖက်လိုက်တယ်။ချစ်စဖွယ်ကောင်းလောက်အောင် နူးညံ့လှတဲ့ သားငယ်လေးကို ကြည့်ရင်း...
"အဆင့်သင့်ဖြစ်ပြီလား??"
"အင်း အဆင်သင့်ဖြစ်ပြီ"
လော်ရှို့က သူ့သားလေးရဲ့မျက်နှာလေးကို လက်ချောင်းတွေနဲ့ ခပ်ဖွဖွတို့ထိလိုက်တယ်။
"သွားကြမယ်"
လော်ရှို့က မုန့်ရန်ကိုတစ်ချက်နမ်းလိုက်ပြီး ပွေ့ဖက်ကာခေါ်ဆောင်သွားပါလေတော့တယ်။
ဒီနေ့က လော်ရှို့နဲ့ မုန့်ရန်တို့ရဲ့ သားဉီးလေး လော်ကျွင်းရယ်ရဲ့ တစ်လပြည့်မွေးနေ့ပွဲဖြစ်တယ်။ဒီပွဲက လော်ရှို့နဲ့ မုန့်ရန်တို့ မဂ်လာပွဲတုန်းကထက်တောင် လူပိုများနေသေးတယ်။
YOU ARE READING
သူဌေးကြီး၏ဒုတိယမြောက်အိမ်ထောင်ဖက်
AdventureTitle....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...
