Unicode
သူ နိုးလာတဲ့အချိန်မှာ သူ့ခန္ဓာကိုယ်က မခံမရပ်နိူင်လောက်အောင် နာကျင်နေတုန်းပဲ။ ပိုဆိုးလာသလို ခံစားရပေမယ့် သူက နည်းနည်းတော့ အားရှိလာခဲ့တယ်။ အိပ်မက်ထဲမှာ သူကြားလိုက်ရတဲ့အသံက သူ့အိမ်တံခါးကို လာခေါက်နေတဲ့တစ်စုံတစ်ယောက်ကြောင့်ဆိုတာကို မသိလိုက်ခင်အချိန်အထိ သူဟာ တစ်ခဏလောက် အားမာန်မရှိဘဲ နှေးကွေးနေခဲ့တယ်။ သူက တံခါးသွားဖွင့်ဖို့ အိပ်ရာပေါ်က မြန်မြန်ထလိုက်တယ်။
ကျောင်းလီက စိုးရိမ်ပူပန်နေတဲ့မျက်နှာနဲ့ တရကြမ်းတိုးဝင်လာတယ်, "မင်း အဆင်ပြေရဲ့လား?"
"အာ..."
"မနေ့ညကနေ ဒီနေ့အထိ ငါ အကြိမ်ကြိမ်ဖုန်းခေါ်တယ်, မင်း တစ်ချက်မှ မကိုင်ဘူးလေ, တစ်ခုခုဖြစ်လို့လား?"
"ဆော - ဆောရီး, ငါ မကြားလိုက်တာ"
"ညက မင်း အိမ်ပြန်မလာဘူး, ဘယ်သွားနေတာလဲ?" ကျောင်းလီက စိုးရိမ်ပူပန်နေတဲ့အခါ အနည်းငယ်ဒေါသထွက်လာလိမ့်မယ်။ သူ့ရဲ့နှေးကွေးနေတဲ့တုန့်ပြန်မှု, သူ့ရဲ့သနားစရာကောင်းနေတဲ့အသွင်အပြင်တွေကို မြင်တဲ့အခါမှာတော့ သူက စိတ်မပူဘဲ မနေနိူင်ဘူး, "မင်း ဘာဖြစ်ခဲ့တာလဲ?"
အူးယမ်က သူ့ရဲ့ပါးစပ်ကို ခက်ခက်ခဲခဲဖွင့်မလာခင်အချိန်အထိ, ခဏလောက် စကားမပြောနိူင်ဘဲ တိတ်ဆိတ်နေခဲ့တယ်, "ငါ, ငါ ရှောင်ရွှမ်းနဲ့တွေ့ခဲ့တယ်"
ကျောင်းလီက ကြမ်းတမ်းပေမယ့် ဆွံ့အ,မနေဘူး။ အခွင့်ကောင်းယူခံရခြင်းကြောင့် ပင်ပန်းနွမ်းနယ်နေတဲ့ သူ့ပုံစံကို မြင်တဲ့အချိန်မှာတော့ သူဟာ ရုတ်တရက် နားလည်သွားခဲ့တယ်။ သူက ချက်ချင်းကို ဒေါသထွက်လာကာ အကြိမ်ကြိမ်ကျိန်ဆဲနေရင်း, စိတ်ဆိုးမှုကြောင့် သေလုနီးပါးဖြစ်ခဲ့တယ် , "ချမ်းသာတဲ့လူတွေအားလုံးက လူယုတ်မာတွေပဲ!"
ပြီးတော့ သူက လှည့်ထွက်သွားတယ်။ အူးယမ်က သူ့ကို မြန်မြန်ပြန်ဆွဲလိုက်ရတယ်။
"စိတ် - စိတ်လိုက်မာန်ပါမလုပ်ပါနဲ့, ကျောင်းလီ!"
"ငါ အဲ့မိမစစ်ဖမစစ်ကို သတ်ပစ်မယ်!"
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
