အပိုင်း ၁၆ သိပ္ပံအကယ်ဒမီမှ ဖိတ်ကြားချက်
လီခိုင်သည် တင်ပြစရာ၇ှိသမျှကို တင်ပြပြီးသည့်တိုင် ဟော်ယွင်ချန်း၏ ရုံးခန်းထဲမှ ထွက်မသွားသေးပေ။ ဟော်ယွင်ချန်း သူ့ကို မျက်လုံးတွေ မှေးကျဉ်းကာ ကြည့်လိုက်သည်။
“ဒါက… ဆရာ မဲပေါက်တဲ့အတွက် ဂုဏ်ယူပါတယ်”
သူက မျှော်လင့်ချက်အပြည့်ဖြင့် ပြောသည်။
“ ဆရာ့ရဲ့ စားစရာ ပါဆယ်ထုပ်ကို လာပေးတော့မှာဆိုတော့ ဆရာ ကျွန်တော့်ကို နည်းနည်းများ မကျွေးချင်ဘူးလား”ဟော်ယွင်ချန်းသည် သူ၏ လက်အောက်ငယ်သားကို ကြည့်ကာ ရက်စက်စွာ ငြင်းလိုက်သည်
“ ငါ့အမေက ငါမဲပေါက်မှန်းသိတော့ အိမ်ပြန်ယူလာဖို့ ပြောလိုက်တယ်”“ အာ…”
တခဏလောက် ကြာသည်အထိ လီခိုင်မှာ အခြေအနေကို နားမလည်သေးပေ။သူ ချက်ချင်း အမူအယာ ပြန်ထိန်းကာ အလေးအနက် အလေးပြုရင်း ပြောသည်။“ ကျွန်တော်နားလည်ပါပြီ မာရှယ်၊ ကျွန်တော်သွားပါတော့မယ်”
“ အင်း”
အလုပ်တွေ ပြီးသွားသည့်အခါ ဟော်ယွင်ချန်းလည်း ၇ုံးဆင်းသည်။ သူ ဂိတ်ပေါက်သို့ ရောက်သည့်အခါ မျှော်လင့်ထားသည့်အတိုင်း လုံခြုံရေး အရာ၇ှိမှ ပါဆယ်ထုပ် လာပေးသည်။
“ မာ၇ှယ် မာရှယ်ရဲ့ မုန့်ပါဆယ် ရောက်နေပါတယ်”
“ ကျေးဇူးတင်ပါတယ်”
ဟော်ယွင်ချန်းက စားစရာဟု ရေးထားသော ပါဆယ်ဘူးကို ယူလိုက်ပြီး ကားပျံထဲ၀င်လိုက်သည်။နည်းပညာမြင့် ကားပျံက မြန်ဆန်လှသဖြင့် ဆယ်မိနစ်ကျော်ခန့် ကြာပြီးနောက် ဟော်စံအိမ်သို့ ရောက်သွားသည်။တံခါးဖွင့်ပြီးသည်နှင့် ထမင်း၏ မွှေးရနံ့ကို ရလိုက်သည်။ အနံ့တွေက ယခင်ကထက် သင်းနေသည်။ သူ့မိခင်၏ ဟင်းချက်လက်ရာက များစွာ တိုးတက်လာပုံရသည်။
“ အားချန်း သားပြန်လာပြီလား။ သားရဲ့ စွပ်ပြုတ်ကို လာပို့သွားပြီလား”
ရန်ကျင်းက အသံကြားဟန်ဖြင့်မီးဖိုခန်းထဲမှ ထွက်လာသည်။ သူမ၏ သားငယ်ကို ကြည့်သောမ ျက်၀န်းတို့က အလွန် တောက်ပနေ၏။
YOU ARE READING
ပြန်လည်ရှင်သန်ခွင့်ရတဲ့ ဖုဘလော့ဂါလေးရဲ့ ချက်မယ်ပြုတ်မယ် အစီအစဥ်
Romancefun translation.... fake novel name🙃 pic from pinterest @pngtree ,I also post screenshot😉