Unicode
အူးယမ်က မျက်လုံးတွေကို တွန်းကန်ဖွင့်လိုက်ပြီး တစ်စုံတစ်ယောက်က သူ့ကို ဖက်ထားတယ်ဆိုတာကို သိလိုက်ရတယ်။ သူ့အမြင်အာရုံအတွင်းကနေရာကတော့ ဒါဟာ ကားအတွင်းထဲမှာဆိုတာကို ပြောပြနေတယ်။
အိမ်မဟုတ်သလို အချုပ်ခန်းလည်း မဟုတ်ခဲ့ဘူး။ ဒီဟာက လုံးဝကို မရင်းနှီးတဲ့နေရာတစ်ခုဖြစ်တယ်။ အူးယမ်ရဲ့ခြေထောက်ကတော့ ကြောက်လန့်မှုကြောင့် မတုန်ယင်ဘဲမနေနိူင်ခဲ့ဘူး။
"ဘာမှမဖြစ်ဘူး" သူ့နားက အသံဟာ အရမ်းရင်းနှီးနေတယ်, "ဆရာ, ကျွန်တော်ပါ, မကြောက်ပါနဲ့"
အူးယမ်က ခဏလောက် သတိလွတ်သွားပြီး "ရှောင်ရွှမ်း..." ဟုဆိုကာ အဲ့လူရဲ့နာမည်ကို အလိုလို တိုးတိုးလေး ရေရွတ်လိုက်တယ်။
"ဟုတ်တယ်, ကျွန်တော်ပါ, ဟိုအမျိုးသမီးကို ဖမ်းမိသွားပြီ"
အူးယမ်က သူ့ကိုမယုံကြည်ရဲဘဲ အိပ်မက်တစ်ခုထဲရောက်နေသလို ခံစားလိုက်ရတယ်, "အာ..."
"အကောက်ခွန်ဘက်က မှတ်တမ်းတွေရှိတယ်လေ, ဒါ့ကြောင့် ကျွန်တော် သူ့ကိုရှာလိုက်နိူင်တာ, အဲ့တာက သူ့ဟာဆိုတာကို သက်သေပြရတာကလည်း တော်တော်လွယ်ပါတယ်" ရှောင်ရွှမ်းက သူ့ကို နှစ်သိမ့်တယ်, "အားလုံးကို ဖော်ထုတ်ပြီးသွားပြီမို့ ဆရာနဲ့ ဘာမှမဆိုင်တော့ဘူး"
"ဒါ - ဒါပေမယ့်..."
"ဆရာ အခြားလူတွေကို စိတ်ပူစရာမလိုပါဘူး, ကျွန်တော် ဒီမှာရှိတယ်လေ, အဆင်ပြေသွားပြီ, မကြောက်နဲ့တော့နော်"
"..."
"တကယ်တော့ ကျွန်တော်တို့ အိမ်ပြန်တဲ့လမ်းပေါ် ရောက်နေပြီ"
အဲ့ဖြစ်စဥ်ကို ရှောင်ရွှမ်းက ဒီလိုမျိုးလွယ်ကူချောမွေ့သွားအောင်လို့ ဘယ်လိုဖြေရှင်းလိုက်တယ်ဆိုတာကို အူးယမ် မသိဘူး။ အဲ့တာအတွက် ပါဝါကတော့ ပြောစရာမလိုအောင်ကို ဖြစ်တယ်။
ပုံမှန်မဟုတ်စွာကြီးလာတဲ့အဖျားက အူးယမ်ကို နှိပ်စက်နေတုန်းပဲ။ သူက ရှောင်ရွှမ်းရဲ့ရင်ဘတ်ပေါ်ကိုသာ ဇဝေဇဝါနဲ့ မှီနေနိူင်တယ်။ သူ့ရဲ့ခိုင်မာတဲ့လက်မောင်းတွေကတော့ သူ့ကို အလွန်တူညီစွာခံစားရစေတယ်။ ဒီတစ်ခါမှာတော့ သူက အတိတ်ကလူငယ်လေးဟာ အရွယ်ရောက်ပြီးသားလူတစ်ယောက်အဖြစ် တကယ်ကို ကြီးပြင်းလာခဲ့ပြီဆိုတာကို အလွန်ရှင်းလင်းစွာ ခံစားလိုက်ရတယ်။
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
