[Unicode]
"ဝင်ခွင့်ကတ်ပြား၊ ဘောပင်၊ 2Bခဲတံ၊ ခဲဖျက်"
ယန်ထန်က ရေရွတ်နေတယ်၊ ဟယ်ရှင်းချွမ်က တစ်ဖက်လှည့်လာကာ ခေါင်းညိတ်ပြတယ်
"အကုန်ပါပြီ"
"ဟုတ်ပြီ! အကုန်အဆင်ပြေပါတယ်နော်?"
"ဒါပေါ့ ကလေးများမှတ်နေလား?"
ဟယ်ရှင်းချွမ်က ပြုံးရင်းလက်လှမ်းပြတယ်။
ထို့နောက်မှာတော့ ဖြေဆိုရမဲ့အဆောက်အဦးဆီသွားလေရဲ့။
သူတို့နှစ်ယောက်ရဲ့စာမေးပွဲအခန်းမှမတူတာ။
ယန်ထန်က ဖက်တီးဘေးမှယှဉ်လျှောက်လာတယ်။
လှေကားထစ်အဆင်းတွေဆီ ရောက်တော့၊ သူ့လွယ်အိတ်ကိုစမ်းကြည့်လိုက်ပြီး
"အာ...မင်းမှာ ဘောပင်ပါလာလား? ငါတော့မေ့ကျန်ခဲ့ပြီ"
ဖက်တီး: "......"
ခုနကလေးတင်၊ ဟယ်ရှင်းချွမ်ကို မေးနေခဲ့ပြီးတော့!
စာမေးပွဲနှစ်ရက်ဖြေပြီးချိန်မှာ၊ ဟယ်ရှင်းချွမ်က အရမ်းပင်ပန်းနေခဲ့တယ်။
ညစာလည်းမစားနိုင်ဘဲ၊ အင်္ဂလိပ်စာဖြေပြီးတာနဲ့ သူ့ထန်ကောပေါ်ကိုပဲမှီချလာတယ်။
ဘေးပတ်ဝန်းကျင်ရှိလူတွေက လှမ်းကြည့်နေတယ်။
ယန်ထန်ကတော့ ဂရုမစိုက်ပါဘူး၊ ဖြူလေးကို သူ့ကျောပေါ်ပဲချီပိုးထားလိုက်တယ်။
"ထန်ကော...အရမ်းပင်ပန်းတာပဲ..."
"အင်း သိတယ်"
အိမ်ရှေ့တံခါးဝအထိ ယန်ထန်ကျောပိုးလာခဲ့တယ်။
ကျောပေါ်ရှိဖြူလေးကတော့ ညီညာတဲ့အသက်ရှူသံတွေနဲ့၊ ခေါင်းလေးကပါ ယန်ထန့်လည်ပင်းထက်တိုးကပ်လို့ထားတယ်။
တကယ်ကြီး အိပ်ပျော်သွားပြီပဲ။
ဟယ်ရှင်းချွမ်ရဲ့ဇီဝနာရီက အလွန်မှန်ကန်ပါတယ်။
မနက်၅နာရီခွဲတာနဲ့ မျက်လုံးချက်ချင်းပွင့်လာပြီ။
ယန်ထန်ကကျောပေးထားပြီး အိပ်ပျော်နေတယ်။
အဝတ်အစားလည်းမရှိဘူး...အဲ့လိုကြီး အိပ်နေတာလား?
ထန်ကော အိပ်ပျော်နေတာပဲ။
ဟယ်ရှင်းချွမ်က အတတ်နိုင်ဆုံးငြိမ်သက်နေကာ အိပ်ရာပေါ်မှဖြည်းဖြည်းချင်းထတယ်။
မီးဖိုခန်းလေးဟာ လက်ရာမပျက်ရှိနေတုန်းပဲ။
ထန်ကောအတွက် မချက်ပေးရတာတောင်ကြာပြီပဲ...ဒီနေ့တော့ သေချာပေါက်ချက်ကျွေးရမယ်!
YOU ARE READING
Hedgehog And Tiger [Myanmar Translation]
RomanceTitle-刺猬与虎 Original Author-游目 Type-Web Novel 129 Chapters + 9 Extras Available in Both Unicode & Zawgyi I don't own the Story. I translate this from Google translate.So pls forgive me if I have any mistakes!
![Hedgehog And Tiger [Myanmar Translation]](https://img.wattpad.com/cover/280464808-64-k457516.jpg)