Unicode
နောက်တစ်ကြိမ် နိုးလာတဲ့အချိန်မှာ, အူးယမ်က အိပ်ငွေ့ချခံထားရသလို ခံစားချက်မျိုး ရလိုက်တယ်။ သူ့နားထင်တွေက သွေးခုန်နေပြီး နာကျင်မှုကြောင့် ပွင့်ထွက်တော့မယ့်ခေါင်းကဲ့သို့, သူ့ဦးနှောက်ထဲမှာတော့ တစ်စုံတစ်ခုက တင်းကြပ်စွာ လှုပ်ရှားနေပုံပေါ်တယ်။
သူ့ရဲ့မျက်ခွံတွေက ပိုတောင်မှ ပူလာတယ်။ သူက မျက်လုံးတွေကို ခက်ခက်ခဲခဲဖွင့်လိုက်တယ်။ သူ့ရဲ့အမြင်အာရုံထဲမှာတော့ မှုန်ဝါးဝါးအရိပ်တစ်ခုက သူ့မျက်လုံးတွေရှေ့မှာ ယိမ်းနွဲ့နေခဲ့တယ်။
"ကျွန်တော် ပြတင်းပေါက်ကို နည်းနည်းလောက်ဖွင့်လိုက်ရမလား?"
ရင်းနှီးနေတဲ့အသံဖြစ်တယ်။ အူးယမ်က လှုပ်လည်း မလှုပ်ရှားသလို, စကားလည်းမပြောဘူး။ ဒါဟာ ပြောစရာမလိုတဲ့ ခွင့်ပြုချက်လို့ ယူဆနိူင်တယ်။
ပြင်ပအလင်းက စီးဝင်လာပြီး သူ့ကို မျက်စိတစ်ချက်ကျုံ့သွားစေကာ မျက်ရည်တွေက ချက်ချင်း ပြည့်လျှံလာခဲ့တယ်။
နောက်ထပ်ဆေးရည်တွေက သူ့လက်ထဲကို စီးကျနေတယ်။ ဆေးသောက်ပြီး အိပ်ရာကနိုးလာတဲ့နောက် ပိုကောင်းလာလိမ့်မယ်လို့ အစက သူ ထင်ထားခဲ့တယ်။ ဒါပေမယ့် အခုတော့ သူ့ရဲ့ဖျားနာမှုက ပိုတောင်မှ ပြင်းထန်လာတယ်။ သူ့ရဲ့တစ်ကိုယ်လုံးက နာကျင်နေတယ်။
ဒါပေမယ့် အလင်းရောင်နဲ့ လေကောင်းလေသန့်က သူ့ကို ခဏလောက် လုံးဝနိုးသွားစေခဲ့ပြီး သူ့ရဲ့ခေါင်းကတော့ အရမ်းကို ရောင်ရမ်းနေတဲ့အတွက် ပေါက်ကွဲထွက်တော့မလို ခံစားနေရတယ်။ ရှောင်ရွှမ်းက အပူချိန်စမ်းဖို့ သူ့နဖူးကို လာထိရင်း ကုတင်ဘေးမှာ လာထိုင်တယ်။
"တောင်းပန်ပါတယ်, ကျွန်တော် သတိလက်လွတ်ဖြစ်သွားတယ်"
အူးယမ်က မျက်စိတစ်ဝက်သာ ဖွင့်လိုက်ပြီး အနည်းငယ်စိတ်ရှုပ်ထွေးသွားတယ်။
"ဆရာ, မနေ့ညက ကျွန်တော်တို့ လုပ်ခဲ့တယ်လေ, မှတ်မိသေးလား?"
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
