Pay Attention To Me [Myanmar Translation]

Chapter - 63

Class 1ထဲက ကျောင်းသားအများစုက Xi Chengမှာနေကြတာဆိုတော့ တွေ့ရအဆင်ပြေအောင်  Xi Chengက KTVတစ်ခုကိုဘွတ်ကင်ချိတ်လိုက်တယ်။

လူတွေလာချင်သလောက်လာလို့ရစေဖို့အတွက်တွေးရင်း ရင်းချဲယ် ခပ်ကြီးကြီးအခန်းတခုကို ဘွတ်ကင်လုပ်လိုက်တာမို့ တစ်တန်းလုံးမဆန့်မှာတော့ ပူစရာမလိုတော့။

ချန်ရင်းရင်းနဲ့ တချို့မှာတော့ စောစောစီးစီး‌ကြိုရောက်နေကြပြီ၊ KTVကစားစရာတွေက ဈေးကြီးတာကိုမုန်းလွန်းလို့ ကိုယ်ပိုင်သစ်သီးဖျော်ရည်လေးတွေလည်း တစ်ပါတည်းယူလာရင်း။

‘‘ချဲယ်ကော‌ကျွေးမှာလေ၊ နင်တို့ကဘာလို့ကုပ်ကပ်နေကြတာတုန်း? သူက‌ဘောစိပဲဟာ”
ကျန်းခဲ့တော့ နားမလည်နိုင်ပေ။

ချန်ရင်းရင်းက သောက်စရာတွေထုတ်ခင်းလိုက်ပြီး
‘‘သူ့မှာ ပိုက်ဆံရှိတယ်ဆိုတိုင်း ငါတို့ကအကုန်သုံးပစ်လို့ဖြစ်ပါ့မလား? ဘယ်သူကများ ပိုက်ဆံကို လေထဲကရတာကျလို့”

...

ဧည့်သည်တွေ အားလုံးနီးပါး ရောက်နေပြီးနောက်မှ အဓိကဇာတ်လိုက်ကျော်က နောက်ကျပြီးရောက်လာတယ်။

ရင်းချဲယ်က ကျန့်ယောင်ဆိုင်ကယ်နောက်ကထိုင်လိုက်လာရတာမို့ helmetကြောင့် ရှုပ်ပွသွားတဲ့ဆံပင်တွေကို သပ်ချနေရင်းမှပြောသည်။
‘‘‌ဆောရီး ငါနောက်ကျသွားတယ်”

ထိုအချိန်မှာပဲ ဝိတ်တာလေးက ဘီယာလာချတယ်။ ကျန်းခဲ့က အော်ပြောတယ်။
‘‘ချဲယ်ကော !ပြစ်ဒဏ်အနေနဲ့ တစ်ခွက်သောက်ရမယ်!”

alcoholပင်ကောင်းကောင်းမသောက်ဖူးသည့် အလိမ္မာကျောင်းသားလေးအုပ်စုဟာ ခုလိုအထိန်းအကွပ်မဲ့အနေအထားမျိုးကြောင့် စိတ်တွေပေါက်သွားပြီး လိုက်အော်တော့တယ်။
‘‘ချဲယ်ကော မသောက်ရင်လွှတ်မပေးဘူးနော်!”

ဝိတ်တာလေးက အလိုက်တသိပင် ဘီယာတစ်ခွက်ငှဲ့ပေးတယ်။ ရင်းချဲယ်ကတော့ ရှက်သလိုလိုရွံ့သလိုလိုရှောင်နေမယ့်အစား လက်လှမ်းယူလိုက်ချိန် ကျန့်ယောင်က အရင်ဖြတ်ယူသွားပြီး အဝေးကိုရွှေ့ပစ်တယ်။
‘‘သူက သောက်လို့မရဘူး၊ သူ့အစားငါသောက်မယ်”