မုန့်ရန်က ဝူဖန်ကို အရင်ပြန်ခိုင်းလိုက်ပြီး ဉက္ကဌနဲ့ Korchi တို့ရှိနေတဲ့ ခြံဝန်းထဲကို ဝင်သွားလိုက်တယ်။
မုန့်ရန် ထိုင်ခုံမှာ ထိုင်ပြီးတာနဲ့ Korchi က မေးခွန်းတွေမေးဖို့ နည်းနည်းလေးတောင် မအောင့်အီးနိုင်တော့တာကြောင့်...
"စုတိအတွက်လုပ်ပေးထားတဲ့ ဆေးနံ့သာတွေကျန်သေးလားဟင်??ငါ့ဆီမှာ စုတိလိုပဲ car accidentကြောင့် စိတ်ပိုင်းဆိုင်ရာထိခိုက်ပြီး အိပ်မပျော်တဲ့ လူနာတစ်ယောက်ရှိတယ်။သူက ကားတွေကိုမြင်ရုံနဲ့တင် အရမ်းကြောက်နေတာ၊ပြီးတော့ ညတိုင်းလဲ အိမ်မက်ဆိုးတွေမက်ပြီးအိပ်မပျော်တော့တာအတော်ကြာပြီ...မင်းရဲ့ ဆေးနံ့သာနည်းနည်း သုံးခိုင်းကြည့်လိုက်တာ အရမ်းအဆင်ပြေသွားတယ်။ဒါပေမယ့် ငါဆီမှာ လက်ကျန်မရှိတော့ဘူး။ကုသမှုကလဲ ဆက်လုပ်ရဉီးမှာဆိုတော့ မင်းဆီကနေ နည်းနည်းလောက် ထပ်ဝယ်လို့ရနိုင်မလား??"
အရင်တစ်ခေါက် စုတိအတွက် ဖော်စပ်ပေးခဲ့တဲ့ဆေးနံ့သာ တွေကို ရှောင်ခယ်က အကုန်အကြခံပးခဲ့တာပါ။စုတိရဲ့ ရောဂါ ပျောက်ကင်းသွားချိန်မှာ ဆေးနံ့သာတွေပိုနေပါသေးတယ်။ဒါကို Korchi ကမြင်သွားပြီး ရှောင်ခယ်ဆီကနေ ဝယ်တော့တာပါပဲ။ရှောင်ခယ့်ဘက်က မရောင်းချင်ပေမယ့် ငြင်းဆန်လိုက်ပြန်ရင်လဲ နောက်ပိုင်း Korchi ဆီက အကူအညီလိုတဲ့အခါ မျက်နှာပူစရာတွေဖြစ်မှာစိုးတဲ့အတွက် အင်တင်တင်နဲ့ပဲ ရောင်းလိုက်ရပါတော့တယ်။
Korchi က ရှောင်ခယ်ဆီက ဝယ်လာတဲ့ နံ့သာတွေကို စုတိနဲ့ အခြေနေတူတဲ့ လူနာတစ်ယောက်ကို ပေးသုံးလိုက်တယ်။မုန့်ရန်ရဲ့ နံ့သာနဲ့ သူ့ရဲ့ ကိုယ်ပိုင် စိတ်ရောဂါကုထုံးတို့ကို ပေါင်းစပ်လိုက်ချိန်မှာ အကျိုးရလဒ်က မယုံနိုင်လောက်အောင် ကောင်းမွန်နေခဲ့တယ်။ဒါကြောင့် မုန့်ရန်ဆီကနေ ပမာဏများများ ထပ်ဝယ်ချင်နေတာပါ...
မုန့်ရန်က သေချာစဉ်းစားပြီးမှ...
"အချိန်တိုအတွင်းမှာ အဲ့လိုနံ့သာမျိုး ထပ်မလုပ်ပေးနိုင်လောက်ဘူး။ပါဝင်ပစ္စည်းတွေက ရှာရခက်တယ်"
"လိုအပ်တဲ့ ကုန်ကြမ်းတွေကို ငါလဲကူရှာပေးမယ်။ငွေရေးကြေးရေးကို ခေါင်းထဲမထည့်နဲ့"
YOU ARE READING
သူဌေးကြီး၏ဒုတိယမြောက်အိမ်ထောင်ဖက်
AdventureTitle....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...
