Unicode
ကျောင်းလီက အူးယမ်ရဲ့မတော်တဆမှုဖြစ်စဥ်ကို ကျောင်းကနေ ကြားပြီးပြီဖြစ်တယ်။ သူ့နှလုံးသားက စိုးရိမ်ပူပန်မှုတွေနဲ့ လောင်ကျွမ်းနေပေမယ့် အူးယမ်က အထိအခိုက်မရှိဘဲ နဂိုအတိုင်းပြန်ရောက်လာတာကို မြင်တဲ့အခါမှာတော့ သူက အလိုလို အံ့အားသင့်ပျော်ရွှင်သွားပြီး ထိတ်လန့်မှုကို ကျော်လွှားနိူင်အောင် ဝိုင်းကူညီရင်း အလျင်စလိုနဲ့ အလုပ်ရှုပ်နေတော့တယ်။ ဒီတစ်ခါတော့ ရှောင်ရွှမ်းက အများကြီးကူညီခဲ့တာဖြစ်ပြီး အူးယမ်ရဲ့အသက်ကို ကယ်တင်လိုက်တာနဲ့ ထပ်တူညီတယ်။ ကျောင်းလီက ကြင်နာမှုနဲ့ မုန်းတီးရွံရှာခြင်း*တို့ရဲ့ကြားက ကွာခြားချက်အကြောင်းကို အလွန်ရှင်းလင်းစွာသိသူဖြစ်ပြီး တစ်ခဏတာလောက် ကျိန်ဆဲဆူပူခြင်းမပြုခဲ့ဘူး။ [ *သူက ကြင်နာမှုကို ကြင်နာမှုနဲ့ ပြန်ပေးပြီး, ရွံရှာမုန်းတီးခြင်းကိုတော့ ရွံရှာမုန်းတီးခြင်းပဲ ပြန်ပေးတတ်တဲ့သူမျိုး]
အူးယမ်က ဆေးကို အချိန်မီသောက်ပြီး အိပ်ရာပေါ်လှဲကာ အနားယူလိုက်တယ်။ သူက အဖျား မြန်မြန်ကျဖို့ကိုသာ အလိုရှိပြီး အဲ့တာမှ အတန်းဆီ မြန်မြန်ပြန်သွားနိူင်မှာဖြစ်တယ်။ အပြင်ဘက်မှာတော့ ကျောင်းလီရဲ့အလုပ်ရှုပ်နေတဲ့အသံကို ကြားနေရပြီး ရင်းနှီးနေတဲ့အနံ့က အိပ်ခန်းထဲမှာ ရှိနေကာ ဟောင်းနွမ်းနေပြီဖြစ်တဲ့ ကုတင်နဲ့လိုက်တာတွေကလည်း လှိုက်လှိုက်လှဲလှဲနဲ့ကြိုဆိုနေကြတယ်။ သူဟာ ရှောင်ရွှမ်းနဲ့အတူရှိခဲ့တဲ့နေ့က အလွန်လက်တွေ့မဆန်တဲ့အကြောင်းကို ပိုပြီးတောင်မှ ခံစားလိုက်ရတယ်။
သူက ရှောင်ရွှမ်းကို မမေ့ပစ်နိူင်သလို သူ့ရဲ့ဂရုစိုက်တတ်တဲ့ခံစားချက်တွေကနေလည်း ရုန်းမထွက်နိူင်ဘူး။ ဒါပေမယ့် ဘယ်လောက်ပဲ ပြန်ထိန်းဖို့ ခက်နေပါစေ, သည်းခံဖို့သာ တတ်နိူင်တယ်ဆိုတဲ့အကြောင်းကို သူသိထားတယ်။ အချိန်အတော်ကြာပြီးတဲ့နောက် တစ်နေ့မှာတော့ သူ တကယ်ကို မေ့ပစ်နိူင်သွားလိမ့်မယ်။
အရိုက်ခံရတဲ့ခွေးတောင်မှ တူညီတဲ့အမှားကို ထပ်မလုပ်သင့်ဘူးဆိုတာ သိတယ်။ သူက အရမ်းအသက်ကြီးနေပြီဆိုပေမယ့် သူ့သင်ခန်းစာတွေကနေ မသင်ယူနိူင်သေးဘူး။ သူက ရှောင်ရွှမ်းနောက် ထပ်လိုက်သွားမယ်ဆိုရင် နောက်ဆုံးရလဒ်က ဘာပဲဖြစ်ဖြစ်, အားလုံးက ဟာသတစ်ခုပဲဖြစ်နေလိမ့်မယ်။
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
