LOVE ME,OK![Complete]

Episode-21

♡Unicode version♡

မိုးသံတွေတဖြောက်ဖြောက်ကြားနေရတယ်။အောက်ထပ်ကTVအသံကိုလည်းမသဲမကွဲသဲ့သဲ့ကြားနေရတယ်။ဝမ်မားကသိုးမွှေးချည်ထိုးရင်းဇာတ်လမ်းတွဲကြည့်နေတယ်။ဖေးဖေးကလည်းစာကျက်နေမယ်ထင်တယ်။ရိပေါ်ဦးဆောင်ပြီးရှောင်းကျန့်နဲ့အတူအပေါ်ထပ်ကိုဖြေးလေးစွာတက်လာကြတယ်။

ယခုည၆နာရီ။ရှောင်းကျန့်ပြန်မည့်အချိန်မှအငြိုးတကြီးရွာချလာသည့်မိုးနတ်သားကြောင့် ထို့ပြင် ဝမ်မား၏တိုက်တွန်းမှုကြောင့်ရှောင်းကျန့်အဆောင်မပြန်ဖြစ်ပဲအခြေနေတမျိုးဖြစ်သွားရတယ်။ခုတော့ ရိပေါ်အခန်းမှာပဲရှောင်းကျန့်လိုက်အိပ်ရတော့မယ်။

*clack!*

ရိပေါ်ဖွင့်ပေးသည့်အခန်းတံခါးကိုနောက်ကလိုက်ဝင်ရင်းရှောင်းကျန့်အသာပြန်စေ့ပိတ်လိုက်တယ်။အခန်းထဲဝေ့ကြည့်တဲ့အခါ တယောက်အိပ်ကုတင်လေးရယ်စာရေးစားပွဲလေးနဲ့ကပ်ရပ်စာအုပ်စဥ်သေးသေးလေးတခုရယ်နဲ့အဝတ်ဗီရိုလေးတလုံးရယ်နဲ့ကောင်လေးအိပ်ခန်းဆိုသည့်နေရာလေးကကျဥ်းကျဥ်းလေးပေမဲ့တကယ့်ကိုကာတွန်းအိမ်လေးလိုနေချင်စဖွယ်လေး။

"အကို...အ အဝတ်လဲချင်လားဟင်!..."

ဂုတ်လေးပွတ်ရင်းမဝံ့မရဲမေးလာသည့်ကောင်လေးပုံစံကသူ့မျက်လုံးထဲအသည်းယားဖို့ကောင်းတာထက်ပိုလွန်းနေတယ်။အင်းဆိုကာခေါင်းငြိမ့်ပြတော့အဝတ်ဗီရိုရှေ့သွားပြီးတကုတ်ကုတ်လုပ်နေတယ်။သူကတော့ဧည့်သည်ဖြစ်သည့်အပြင် sofaလည်းမရှိ ကုတင်ပေါ်မှာလည်းထိုင်လို့မကောင်းတာမို့တံခါးနားမှာတင်မိုးတိုးမတ်တပ်။

"အင့်!...ကျွန်တော်နဲ့တော့နဲနဲကျယ်တယ် အကိုနဲ့ဆိုတော်လောက်မယ်ထင်တယ်..."

"အင်း!...ကိုယ်ရေချိုးခန်းခဏသုံးမယ်နော်..."

သူ့ရှေ့ထိုးပေးလာသည့်အပြာစင်းညအိပ်ဝမ်းဆက်လေးက ခေါက်ရက်သားရွရွကလေး။လက်လွှဲယူလိုက်ပြီးရေချိုးခန်းထဲအဝတ်လဲဖို့ဝင်လာလိုက်တယ်။ကောင်လေးအားအလုပ်မပိုစေချင်ပေမဲ့ သူဝတ်ထားသည့်စတိုင်ပင်နဲ့တော့ညအိပ်ရန်အဆင်ပြေလိမ့်မည်မဟုတ်။