Unicode
ဒီတွေ့ဆုံမှုအပြီးမှာ ခဏတာငြိမ်သက်မှုရှိခဲ့ပေမယ့် ရှောင်ရွှမ်းကတော့ ပိုပြီးတောင်မှ ပုံမှန်မဟုတ်စွာ ပြုမူလာတယ်။ အူးယမ် ဘယ်ပဲသွားသွား, သူက အနားမှာ ရှိနေလိမ့်မယ်။
အူးယမ်ဟာ အစက သူ့ကို လျစ်လျူရှုချင်ခဲ့တယ်။ တိုက်ခန်းအဆောက်အအုံရဲ့အပြင်ဘက်က ရှောင်ရွှမ်းရဲ့ပုံရိပ်ကို သူ သတိထားမိတဲ့အချိန်မှာ နောက်ဆုံးတော့ သူက မထိန်းနိူင်တော့ဘူး။ သူက အိတ်ကပ်တွေထဲမှာ လက်နှစ်ဖက်စလုံးထည့်ထားပြီး, အချည်းနှီးမျှော်လင့်ချက်တစ်စုံတစ်ရာကို စောင့်မျှော်နေသလို*ဖြစ်နေတဲ့ အဲဒီ့လူငယ်ဆီကို လျှောက်သွားလိုက်တယ်။ [ *ပြထားတဲ့စကားစုက သစ်ပင်အောက်မှာထိုင်ပြီးတော့ စားဖို့အစားအစာရဖို့အတွက် သစ်ငုတ်တိုအောက်က ယုန်တစ်ကောင်ထွက်လာမှာကို တစ်နေ့လုံးစောင့်နေတဲ့လူကြီးရဲ့ဇာတ်လမ်းကဟာကို ယူထားတာပါတဲ့]
ရှောင်ရွှမ်းက အနည်းငယ်စိတ်ပျက်နေတယ်, "ကျွန်တော် အလုပ်မလုပ်ချင်တော့ဘူး"
အူးယမ်က အခက်အခဲဖြစ်နေသော ကလေးတစ်ယောက်လိုဖြစ်နေတဲ့ အဲ့လေသံကို ရပ်တန့်လိုက်ရတယ်။
"ကလေးကလား ဒေါသတွေ ထွက်မနေနဲ့"
"ကျွန်တော် အလုပ်မလုပ်ချင်တော့ဘူးဗျာ, လုံးဝအဓိပ္ပါယ်မရှိဘူး" ရှောင်ရွှမ်းက လွတ်လပ်ချင်နေပုံပေါ်တယ်, "အသက်ရှင်ရတာ ပျင်းစရာကောင်းတယ်"
သူ့ရဲ့အသက်မွေးဝမ်းကျောင်းပညာအရ အူးယမ်ဟာ ခြေနှစ်လှမ်းလှမ်းပြီး ပြန်လှည့်လာကာ သူ့ကို စပြီးတော့ မရပ်မနား ဟောပြောပို့ချတော့တယ်။
"မင်းက ဘာလို့ ဒီလောက်နာခံမှုမရှိရတာလဲ? မင်းကို လူဘယ်နှယောက်လောက်က မနာလိုဖြစ်နေတယ်ဆိုတာ မင်း သိဖို့လိုတယ်, မင်းအခွင့်အရေးရဲ့ ဆယ်ပုံတစ်ပုံတောင်မရတဲ့ သူတို့တွေလည်း ကောင်းကောင်းလုပ်နေကြတာပဲမဟုတ်လား? ဒါကို ပျင်းစရာကောင်းတယ်လို့ မင်းက ဘာလို့ပြောရတာလဲ? ဘယ်နေရာမှာ ပျင်းစရာကောင်းတာလဲ? ဘယ်လိုနေ့မျိုးကို မင်းက စိတ်ဝင်စားစရာကောင်းတယ်လို့ ပြောမှာလဲ?"
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
