(ရုတ်တရက်ကြီး Finalလို့မြင်လိုက်ရတော့ surpriseဖြစ်သွားတယ် ဟုတ်?)😁
Unicode
မျက်နှာပူစရာ ၊ အနေခက်စရာအခြေအနေမျိုးတွေကို ကြုံဖူးလား?
သဲသဲလှုပ်ပြနေတဲ့ သူငယ်ချင်းအတွဲရှေ့မှာ ကော်ဖီတစ်ခွက်နဲ့ ထိုင်နေရတဲ့အခြေအနေမျိုး။
အိမ်အလည်ရောက်လာတဲ့ကိုယ့်ရဲ့ရှေ့မှာမှ သူငယ်ချင်းဖြစ်သူနဲ့ သူ့မိဘနဲ့ အချေအတင် စကားများရန်ဖြစ်နေတဲ့အခြေအနေမျိုး။
ပစ္စည်းတွေအားလုံးကို ကောင်တာမှာ စျေးတွက်ပြီးလို့ ငွေရှင်းခါနီးကျမှ ပိုက်ဆံအိတ်ပါမလာတာကို သိလိုက်ရတဲ့အခြေအနေမျိုး။
crushရှေ့ရောက်ခါမှ ခြေလှမ်းတွေမှားပြီး ချော်လဲမလိုဖြစ်သွားရတဲ့အခြေအနေမျိုး။
နိစ္စဓူဝဖြတ်သန်းနေရတဲ့ကိစ္စတော်တော်များများမှာ လူတိုင်းလိုလို အနေခက်စရာအခြေအနေအမျိုးမျိုးနဲ့ ကြုံဖူးကြမှာအသေအချာ။
ယခု ကျယ်ဟန့်သည်လဲ အနေခက်စရာအခြေအနေတစ်ခုကြား ရောက်ရှိနေရပေသည်။ အတိအကျပြောရလျှင်...သူက အခု ထမင်းစားပွဲဝိုင်းတစ်ခုမှာ ပါဝင်နေရသည်။
ထိုထမင်းဝိုင်းသည်ကား တခြားတော့မဟုတ်။ ကုန်းကျွင့်နဲ့လုယွီတို့ရဲ့ နှစ်ဖက်မိဘတွေ့ဆုံပွဲထမင်းဝိုင်း။ ထိုသို့သော ထမင်းဝိုင်းထဲ အပြင်လူဖြစ်တဲ့ကျယ်ဟန့်က ဘာကြောင့်များ ပါဝင်နေရပါသနည်း။ ကျယ်ဟန့်လဲ ထိုအဖြေကိုမသိ။ သူကိုယ်တိုင်တောင် ယခု ကြောင်အအနှင့် အနေခက်နေရသည်မဟုတ်ပါလား။
ကျွန်းစားပွဲရှည်ပေါ် ဟင်းပွဲမျိုးစုံနေရာချလိုက်ပြီးသည့်နောက် လူကြီးသူမတို့က ထိုင်ခုံအသီးသီးဆီ နေရာယူလိုက်ကြပြီ။
"ဟဲ့ ကျွင့်ကျွင့်...လုယွီကရော ဘယ်မလဲ?"
ကုန်းကျွင့်က ကျယ်ဟန့်အတွက် ထိုင်ခုံကိုဆွဲပေးလိုက်ရင်း အမေဖြစ်သူထံအဖြေပြု၏။
"သူ လာတော့မှာပါ"
"မနက်က မင်းနဲ့အတူတူထွက်သွားကြတာမဟုတ်လား"
"မဟုတ်တာ...ကျွန်တော်ကလဲ ကိုယ့်ကိစ္စနဲ့ကိုယ် ၊ သူကလဲ သူ့ကိစ္စနဲ့သူ...သူက မနက်အစောကြီးထဲက ကျွန်တော့်ထက်အရင် လေဆိပ်ကိုထွက်သွားတာလေ"
YOU ARE READING
302 (Completed)
Fanfiction302(စန်းလင်အာ့)ဆိုတဲ့အရှုပ်ထုပ်လေး စီစဥ်တဲ့ ကျွင့်ကျွင့်နဲ့ ဟန့်ဟန့်လေးတို့ရဲ့ ပေါ့ပေါ့ပါးပါးအချစ်ဇာတ်လမ်းလေး 💙~ ❌ SYSTEM နှင့် မသက်ဆိုင်ပါ ❌ 302(စန္းလင္အာ့)ဆိုတဲ့အရႈပ္ထုပ္ေလး စီစဥ္တဲ့ ကြၽင့္ကြၽင့္နဲ႕ ဟန့္ဟန့္ေလးတို႔ရဲ႕ ေပါ့ေပါ့ပါးပါးအခ်စ္ဇာတ္လမ္...