ဉာဏ်များလွန်းသော ခင်ပွန်းသည်

အခန်း (၃၃)

Burmese Translation of Fu Jun You Zhe Dian {夫君，悠着点} by Author 苏行乐.

အခန်း (၃၃)

TRANSLATOR - SHARR

--------------------

နောက်တစ်နေ့မနက်ခင်းတွင် ရှောင်ဟွေးနှင့် ရှောင်ကျိုက်တို့ အိမ်တော်သို့ ပြန်လာကြသည်။

အိပ်ခန်းအပြင်ဘက်မှ ရှောင်ဟွေးနှင့် ရှောင်ကျိုက်တို့၏ လေချွန်သံကြောင့် ဖေ့ကျင်း နိုးလာသည်။

ဖေ့ကျင်း အိပ်ရာထဲမှ ထကာ ရန်ရှီးနဥ်ကို နှစ်သိမ့်လိုက်သည်။

"ရှင်မ ကိုယ် စစ်ဆေးစရာရှိလို့ အပြင်သွားလိုက်ဦးးမယ်၊ ကိုယ်ပြန်လာမှ မင်းအဖေဆီ သွားလည်ဖို့ ရန်အိမ်တော်ကို သွားကြတာပေါ့"

ဖေ့ကျင်း ရန်ရှီးနဥ်ကို နမ်းလိုက်ပြီး အဝတ်အစားလဲကာ မြင်းလှည်းထဲ ဝင်သွားတော့သည်။

မြင်းလှည်းထဲတွင် ရှောင်ကျိုက် ခေါက်ဆွဲတစ်ပန်းကန် စားနေသည်ကို ရှောင်ဟွေးက စိုက်ကြည့်နေသည်။

"မင်းသား(၉) မနက်စာ စားပြီးပြီလား" ရှောင်ကျိုက် မေးလိုက်၏။ "ရှောင်ဟွေးပြုတ်ထားတဲ့ ခေါက်ဆွဲကို မြည်းကြည့်ချင်လား၊ တကယ် အရသာရှိတယ်"

"မင်းသာ တံတွေးမထွေးခဲ့ရင် ငါ့ခေါက်ဆွဲပန်းကန်ကို မင်းစားရလိမ့်မယ်လို့ ထင်လား" ရှောင်ဟွေးက မေးလိုက်သည်။

ဖေ့ကျင်းက ရှောင်ဟွေး၏ပခုံးကို ပုတ်လိုက်၏။ "ရှောင်ဟွေး နောက်တစ်ကြိမ် ရှောင်ကျိုက် တံတွေးထွေးရင် မင်းက အန်လိုက်၊ သူစားရဲသေးလား ကြည့်ကြတာပေါ့"

ရှောင်ကျိုက်က ရှောင်ဟွေးကို ချိုချိုသာသာလေး ပြုံးပြလိုက်၏။ "ရှောင်ဟွေး ငါ မင်းတံတွေးကိုလည်း ကြိုက်တယ်"

ဖေ့ကျင်းသာ ရှိမနေလျှင် ရှောင်ဟွေး ရှောင်ကျိုက်ကို မြင်းလှည်းအပြင်သို့ ကန်ချလောက်သည်။

မြင်းလှည်းက ဖေ့ကျင်းအိမ်တော်အနောက်ဘက်ရှိ သော့ခတ်ထားသော အိမ်တစ်လုံးရှေ့တွင် ရပ်လိုက်သည်။

တံခါးဖွင့်သံကို ကြားလိုက်ရ၍ မုဆိုးမလီ တံခါးဘက်သို့ လှည့်ကြည့်လိုက်သည်။ နေရောင်ခြည်က ပိန်းမှောင်နေသော အခန်းတွင်းကျလာ၍ သူမမျက်လုံးများ ကျင့်သားရအောင်လုပ်လိုက်သည်။ ထို့နောက် သူမ ဖေ့ကျင်းကို မြင်တော့ အံ့ဩသွားရသည်။