Unicode
ရှောင်တန်က မျက်လုံးတွေကို မော့ပြီး လှမ်းကြည့်လိုက်တယ်။ ဒါပေမယ့် ပြုံးပြီးတော့ တက်တက်ကြွကြွနဲ့ "Hi" လို့ နှုတ်ဆက်ရင်း သူ့ဆီလျှောက်လာတဲ့ ဟိုလူကို တွေ့လိုက်ရတယ်။
ရှောင်တန်က သူ့အာရုံကြောတွေ တဆတ်ဆတ်တုန်နေတဲ့အသံကို ချက်ချင်း ကြားလိုက်ရတယ်။ ဒေါသနဲ့ အံ့အားသင့်မှုကြောင့် သူ့မျက်နှာပေါ်မှာ တည်ငြိမ်မှုကို ထိန်းထားဖို့က ခက်ခဲတယ်။ သူ့တစ်ကိုယ်လုံးကလည်း မထိန်းချုပ်နိူင်အောင်ကို တုန်ယင်နေခဲ့တယ်။
သူ ထိန်းချုပ်နိူင်စွမ်း မကင်းမဲ့ခင်မှာပဲ အဝေးကို လွှတ်ထားခြင်းခံရတဲ့အတွင်းရေးမှူးက မြန်မြန်ပြန်လျှောက်လာပြီး အနည်းငယ်ကြောက်လန့်စွာနဲ့ ပြောတယ်, "သခင်လေး"
ရှောင်တန်က သူ့ကိုယ်သူ ခက်ခက်ခဲခဲပြန်ထိန်းပြီး အံကိုကြိတ်ကာ အသံတိုးတိုးနဲ့ ပြောလိုက်တယ်, "ဝမ်ကျင်း, ဒါက ဘာလဲ? ကျွန်တော် သရဲကို တွေ့နေရတာလား?"
သူ့ထက် စီနီယာကျတဲ့ ဘက်စုံသုံးအတွင်းရေးမှူးကို ဒီလိုခေါ်လိုက်တဲ့အတွက် သူ တကယ်ကို ဒေါသထွက်နေတယ်ဆိုတာ မြင်နိူင်တယ်။
"ကျွန်တော် အစီရင်ခံတော့မလို့ပါပဲ, ဒီလူရဲ့အနေအထားက ထူးခြားတယ်, အခုတော့ ကျွန်တော်တို့ လှုပ်ရှားလို့ မရသေးဘူး"
"ဘယ်သူပဲဖြစ်ဖြစ် ခင်ဗျား လွှတ်ပေးလို့မရဘူးလို့ ကျွန်တော် မပြောခဲ့ဘူးလား?!"
"သခင်လေး" ဝမ်ကျင်းက သူ ကြီးပြင်းလာတာကို စောင့်ကြည့်ခဲ့တယ်။ သူက ဘယ်လောက်ပဲအသက်ကြီးနေပါစေ, သူ့ကို သခင်လေးလို့ ခေါ်နေတုန်းပဲဖြစ်တယ်, "သူက ရုန်(Rong)မိသားစုက ကျန်းနန်ရဲ့ ရုန်လျှို့ပါ"
"..."
အဲ့လူဟာ သူနဲ့ ဒီနေ့ အလုပ်ကိစ္စလုပ်ရမယ့်သူဖြစ်တယ်။
ရုန်မိသားစုမှာ အကိုင်းအခက်တွေများစွာရှိပေမယ့် ရုန်လျှို့ရဲ့ဖခင်အမျိုးအနွယ်ဘက်မှာတော့ အဲ့မျိုးဆက်အတွက် သားတစ်ယောက်ပဲရှိတယ်။ ရုန်ထင်းဂီ(Rong Tingyi) ဆီမှာလည်း ရုန်လျှို့လို့ ခေါ်တဲ့သားတစ်ယောက်သာရှိခဲ့တယ်။
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
