[TN:ပြီးဆုံးရန် 5 ပိုင်းသာကျန်ပါတော့သည်]
အခုလက်ရှိဘဝမှာ မုန့်ရန် တကယ်ကို ပျော်ရွှင်နေပါတယ်။ဒါတွေအကုန်လုံးက အတိတ်ဘဝတုန်းက ဖြစ်ပျက်ခဲ့တာတွေ ဖြစ်တာကြောင့် မသိလိုက်မိခင်မှာပဲ အလိုလိုမျက်ရည်ကျမိနေတော့တာပါပဲ...
မုန့်ရန်ရဲ့ မျက်နှာကို တစ်ချိန်လုံးကြည့်နေတဲ့ လော်ရှို့ရဲ့ ရင်ထဲမှာ အတော်လေးနာကျင်နေရတယ်။မုန့်ရန်ဘာတွေဖြစ်နေတယ်ဆိုတာ သူတကယ်သိချင်နေပြီ။
မုန့်ရန်က မျက်ရည်တွေကိုသုတ်ပြီး ခေါင်းခါပြလိုက်တယ်။
"ကျေးဇူးပြုပြီး မမေးပါနဲ့...မမေးပါနဲ့...."
မုန့်ရန်က အတိတ်ဘဝတုန်းက ဖြစ်ပျက်ခဲ့သမျှတွေကို အပြီးတိုင်နှုတ်ဆက်ဖို့ ဒီနေရာကို လာခဲ့တာပါ..ဒါ့ကြောင့် လော်ရှို့ကို အတိတ်ဘဝတုန်းကအကြောင်းတွေ မပြောပြချင်တော့ပါဘူး။နာကျင်ခံစားရသမျှတွေကို လော်ရှို့ဆီ မကူးစက်စေချင်ဘူးလေ....
လော်ရှို့က သူ့အရင်ဘဝတုန်းက ခံစားခဲ့ရတာတွေ
ကို သိသွားရင် သူ့ထက်ပိုဝမ်းနည်းပြီး နာကျင်သွားမှာ သေချာပါတယ်။ဒီလိုနာကျင်ဝမ်းနည်းမှုတွေကို လော်ရှို့ကို မခံစားစေချင်ဘူး။လော်ရှို့သာ နာကျင်ဝမ်းနည်းသွားမယ်ဆို သူလဲ ဒီ အိမ်မက်ဆိုးကြီးထဲမှာ တဝဲဝဲလည်ပြီးရုန်းထွက်နိုင်တော့မှာ မဟုတ်ဘူး။
လော်ရှို့က မုန့်ရန်ရဲ့ မျက်ဝန်းတွေကို တိတ်ဆိတ်စွာငေးမောနေတယ်။"ကျေးဇူးပြုပြီး မမေးပါနဲ့..."
မုန့်ရန်က လော်ရှို့ကို အလေးအနက် အသနားခံနေတယ်။
"...OK.."
အကြောင်းအရင်းကို သိချင်နေပေမယ့်လဲ မုန့်ရန်ရဲ့ စိုးရိမ်တကြီး အသနားခံနေမှုကို မြင်တွေ့ရတဲ့ အခါ အတင်းအကြပ်မမေးတော့ဘဲ မုန့်ရန်စိတ်တိုင်းကျ နှုတ်ဆိတ်နေလိုက်ဖို့ကိုသာ ရွေးချယ်လိုက်တယ်။
လော်ရှို့က မုန့်ရန်ကို တင်းကြပ်စွာ ပွေ့ဖက်ထားတယ်။မုန့်ရန်က လော်ရှို့ကို တစ်ခုတောင်းဆိုလိုက်တယ်။
"ဒီမှာ တစ်ည အိပ်ကြရအောင်...အတူတူနေပေးမယ်မလား?"
"ဒီမှာ တစ်ညအိပ်မလို့လား?"
YOU ARE READING
သူဌေးကြီး၏ဒုတိယမြောက်အိမ်ထောင်ဖက်
AdventureTitle....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...