သီဟမင်းထင် အိမ်ကထွက်လာပြီး တစ်နေရာသို့ သွားဖို့ ရှိုင်းသန့်ကို ပြောလိုက်သည်။
" မင်းဝေ ငါပေးထားတဲ့အတိုင်း သေချာစုံစမ်း၊ အချက်အလက်အပြည့်အစုံ ငါလိုချင်တယ်! "
" နားလည်ပါပြီ Boss "
မြတ်ထွဋ်ခေါင် ပို့ထားတဲ့ message ကိုဖတ်ရင်း ဒေါသထွက်နေသည့်ကြားက ပြုံးမိသည်။ ဂျစ်ကန်ကန်ဖြစ်နေသော်လည်း သဘောကျနေသူက ကိုယ် ကိုယ်တိုင်မို့အပြစ်လည်းမမြင်ရက်ပေ။
" Boss ရောက်ပြီ "
သီဟမင်းထင် ဖုန်းကို ဘောင်းဘီအိတ်ထဲ ထည့်ကာ ကားပေါ်က ဆင်းလိုက်သည်။ စိတ်မကြည်လင်မှုနဲ့ဒေါသဖြစ်မှုတွေက မျက်နှာပေါ်မှာ ထင်ဟပ်နေသည်။
ရောက်နေတဲ့ဆိုင်ထဲဝင်ကာ ဟိုကြည့်ဒီကြည့်လုပ်တော့ တနေရာမှာ သူချိန်းထားသောသူအားတွေ့သည်မို့ ခြေလှမ်းခပ်ကျဲကျဲဖြင့်လျှောက်လာသည်။
ထိုလူထိုင်နေသော စားပွဲဝိုင်းတွင် ခွင့်ပြုချက်မတောင်းပါပဲ သီဟဝင်ထိုင်လိုက်သည်။
" ဟက် ရောက်တောင်ရောက်လာပြီလား "
" ......... "
" လူကိုယ်တိုင်လာတွေ့တယ်ဆိုတော့ အရေးကြီးကိစရှိနေပုံပဲ "
" မင်း ဘာလိုချင်နေတာလဲ မင်းမြတ်စိုး "
လေသံဟာ အေးစက်စက်ဖြစ်နေ၏။ သို့သော် မျက်ဝန်းများကတော့ ကြောက်ရွံဖွယ်ကောင်းနေသည်။
" ဟေ့ အဲ့လို ဒဲ့တိုးကြီးမေးရသလား "
" မင်းနဲ့ငါ စကားပြောဖို့ အချိန်အများကြီးရှိမနေဘူး "
" ငါ ဘာလိုချင်တယ်လို့ မင်းထင်နေလို့လဲ "
" ဟ မင်းက ငါ့ကိုပြန်မေးနေပါလား၊ မင်းဘာလိုချင်မှန်းငါမသိဘူး၊ ဒါပေမယ့် မင်းလိုချင်တာရှိလည်း ငါကပေးမှာမဟုတ်ဘူး ဒါလေးသတိပေးချင်လို့ အခုလို တကူးတကလာတွေ့တာ "
" မင်းမပေးလည်း ငါက ရအောင်ယူတတ်တယ်လေ မင်းအသိဆုံးပဲဖြစ်မှာပေါ့ "
" မင်း ကြိုက်သလိုသာယူ ဒါပေမယ့် ငါ့စီကတော့ မင်းလိုချင်တာရမှာ မဟုတ်ဘူး၊ ဒါနဲ့ ကလေးဆန်ဆန် စာအိတ်တွေနဲ့ပို့ပြီးတုန်လှုပ်အောင်လုပ်မနေနဲ့နော်၊ ဟားးးဟားးးး "
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
