အပိုင်း(၇)
ကျူရှင်လမ်းလေးက လမ်းသွယ်လေးဖြစ်သည်။ တိုက်များတန်းစီနေသော်လည်း လူအရမ်းမရှုပ်။သူတို့အုပ်စုတက်နေသော ကျူရှင်မှာ မြေညီထပ်ဖြစ်၍တော်သေးသည်။
လေးနာရီကျူရှင်ဆင်းသော်လည်း ဒီနေ့မှ တီချယ်က နေမကောင်းသဖြင့်စောစော ဆင်းပေးလိုက်ခြင်း။
ဆူးက မပြန်ဘဲ အပေါက်၀မှာရပ်နေသဖြင့် ရတုရှင်းဟန်ကလှမ်းမေး၏။
"ဆူး မပြန်သေးဘူးလား "
"မပြန်သေးဘူး ခီကူးကိုစောင့်နေတာ နင်ပါနေခဲ့လေ "
"ငါမအားဘူး ဒါဆိုငါသွားပြီ ၊နင့်ဘာသာစောင့် "
မသိလျှင် ရည်းစားဘဲရှိသလိုလိုနဲ့ ကော့တော့ကောတော့ထွက်သွားသော ရတုမင်းကိုကြည့်၍ ဆူးကမဲ့သည်။
အပို !ရည်းစားလည်းမရှိဘဲ မအားဘူးဘာညာနဲ့ ..အလကားကောင်!
အမှန်တော့ ဆူး ဇဏ့်ကိူစောင့်နေတာမဟုတ် ၊ Crushကိုကြီးကိုစောင့်ရင်း ဖြတ်သွားတဲ့ အလှတရားများကို ခံစားနေတာဖြစ်သည်။ကိုကြီးမျက်နှာမမြင်ရတာ အတော်ကြာပြီလေ ။
တန်ကူးကလည်း လုံး၀ထွက်မလာသေး။ ဆရာမက"စာမေးစရာရှိရင် နေခဲ့ "လို့ပြောတာကို လျှာရှည်ကာနေခဲ့ခြင်းဖြစ်သည်။
စောက် Hyper တွေ ကောင်းကျိုးကိုမပေးဘူး !
ကြိုးစားလည်း အတော်အသင့်ပေါ့ သေရင်ကိုယ့်နောက်မပါတဲ့ဟာတွေကို မက်မောနေကြတာ !
တစ်ခဏကြာတော့မှ ဇဏ်က ထွက်လာသည်။ ပြီးတော့ ဆူးကို "ဘာရပ်လုပ်နေတာလဲ"ဆိုတဲ့သဘောနဲ့မျက်မှောင်ကျုတ်ကာ ကြည့်လာသဖြင့် သွားသာဖြဲပြလိုက်တော့ ခီကူး မျက်နှာ၌ အံဩသွားဟန်ပေါ်သည်။
အံ့ဩလည်း အံဩစရာဘဲလေ …ဆူးဒေဝီဆိုတာက ကျူရှင်ဆင်းတာနဲ့ အိမ်ကို ဘီးတပ်ထားတယ်လို့ထင်ရအောင် ပြေးတာ ။
ဆူးက ခီကူးရဲ့လက်ကိုပြေးချိတ်လိုက်ပြီး…
"ခီကူး လမ်းထိပ်မှာ ဒုတ်ထိုးသွားစားရအောင်လေ "
"တော်ပြီ "
ခီက တိုတိုတုတ်တုတ်သာ ပြောရင်း ထွက်သွားသည်။ ဆူးမှာသာ နောက်မှာတစ်ယောက်တည်းကျန်ခဲ့တာဖြစ်သည်။
ဆူးသည် ခီတန်ကူးဇဏ်နောက်သို့ အော်ဟစ်ရင်း ပြေးလိုက်သွားသည် ။
YOU ARE READING
Love Of My Life [Completed]
RomanceGenre// BL , Romance Writer// Genny Start Date//30.10.2021 End Date// 10.12. 2022 Pic full crd (from Pinterest)
![Love Of My Life [Completed]](https://img.wattpad.com/cover/289575809-64-k310898.jpg)