Unicode
ရုန်းထွက် မရခြင်းများ ၈
(This Chapter contains making love sences and not suitable for under 18. So ,Read at your own risk and skip the last phrases if you are sensitive with adult sences)
ရေခဲမုန့်ဆိုင်ထဲထိုင်နေပေမဲ့ သူတို့စိတ်တွေက နည်းနည်းမှ အေးမနေ။ အားလုံးက မျောက်အိုလေးတွေလိုမျိုး မှိုင်တွေတွေရှိနေကြကာ
စကားလဲသိပ်မပြောကြ။ လွန်ခဲ့တဲ့ နာရီဝက်လောက်အထိ တစ်ယောက်နှင့်တစ်ယောက်
စနောက်နေခဲ့ကြပေမဲ့ အခုတော့အခြေနေက လိုတာထက်ပိုပြီးတိတ်ဆိတ်နေသည်။စားပွဲထိုးလေးက သူ့တို့စားပွဲကို ကွက်ကြည့်ကွက်ကြည့်နှင့်။ အစောကပဲ တဟေးဟေးတဟားဟားအော်နေကြပြီး အခုတော့တရားထိုင်နေကြသလိုငြိမ်သက်နေကြတာမို့ အံ့အားသင့်နေပုံပေါ်သည်။
ချစ်နိုင်း သူ့ရှေ့က အရည်သာကျန်တော့သည့် ဖာလူဒါခွက်ကိုစိုက်ကြည့်နေရင်း
သူစောစောကစားထားတာ ဘာအရသာလဲဆိုတာ ပြန်တွေးနေမိသည်။ နှစ်တိုင်း ဒီလိုအချိန်ဆို သူ့မှာလောကကြီးနဲ့အဆက်ပြတ်သလို ကြောင်တောင်တောင်ဖြစ်ရ၏။ စာမေးပွဲ အောင်စာရင်းမထွက်ခင် မိနစ်ပိုင်းအလိုကာလပေါ့။ဆေးကျောင်း အောင်စာရင်းတွေက စာမေးပွဲပြီးတာနှင့် တန်းထွက်လာတာကြောင့် သူတို့ကောင်းကောင်းနားရသည်မရှိ။ ရှေ့ကစာတွေ ဖြေနိုင်ခဲ့ရဲ့လားဆိုတာ မသိခင်မှာပဲသူတို့ကို အောင်စာရင်းစောင့်နေပြီ။ စိုးရိမ်စိတ်ကလေးတော့ရှိ၏။ ဖြေနိုင်သလားကိုယ့်ကိုယ်ကိုယ် ပြန်မတွေးတတ်တာမို့ ခုထိရလာဒ်ကိုမခန့်မှန်းတတ်။ အရေးကြီးတဲ့နှစ်မှ ကျောင်းခေါ်ချိန်မပြည့်လို့ တိုင်စာကအပို့ခံထားရသေးသည်။
ရသမျှ ဘုရားဂုဏ်တော်တွေအကုန်ရွတ်လို့
ဘုရားမှတစ်ပါး ကိုးကွယ်ရမရှိလုပ်ကာ
ချစ်နိုင်းဆုတောင်းနေရသည်။ ဒီစာမေးပွဲ
အောင်ကိုအောင်မှဖြစ်မည်။ ကချင်ခရီးစဉ်ကို သေချာပေါက် ချစ်နိုင်းလိုက်ချင်သည်။
ကိုကို့ဆီက တော်သားပဲဆိုသည့် ချီးကျူးမှုတွေချစ်နိုင်းလိုချင်သည်။နောက်ဆုံးဘာသာမဖြေခင် ဆရာဦးဆီမှ ဖုန်းဆက်လာကတည်းက ချစ်နိုင်းစိတ်ကူးတွေယဉ်ခဲ့ရ၏။ Oo Group ရဲ့ ဒီတစ်ခေါက်ဒေသဆိုင်ရာ ထောက်ပံ့ရေးခရီးစဉ်မှာ ချစ်နိုင်းနာမည်ဖြည့်ပေးထာတာမို့ စာမေးပွဲကို လုံးဝ Clear Passအောင် လုပ်ပါတဲ့လေ။
ချစ်နိုင်းကတော့ အဲ့ကတည်းက ကချင်မြေမှာ ကိုကိုနှင့် အတူသွားလာနေသည့် ပုံရိပ်တွေကို စိတ်ကူးယဉ်ပြီးနေပြီဖြစ်သည်။
YOU ARE READING
နေခြည်ထွေး၍ နွေးပါစေ(COMPLETED)
Romanceအချစ်ရဲ့ Timing , လူတွေရဲ့ ခံယူချက် အမျိုးမျိုးနဲ့ တိုးတက်မှုနှောင့်နှေးနေတဲ့ ဒေသတွေဆီ တစ်ခေါက်လောက် သွားကြည့်ကြမလား? အခ်စ္ရဲ႕ Timing , လူေတြရဲ႕ ခံယူခ်က္ အမ်ိဳးမ်ိဳးနဲ႕ တိုးတက္မႈေႏွာင့္ေႏွးေနတဲ့ ေဒသေတြဆီ တစ္ေခါက္ေလာက္ သြားၾကည့္ၾကမလား? Both Unicode a...