Pay Attention To Me [Myanmar Translation]

Chapter - 71(part 2)

တနင်္ဂနွေနေ့ရောက်တော့ ကျောင်းက Class 1ကျောင်းသားတွေကလည်း ဆေးရုံလိုက်လာကြတယ်။

ချန်ရင်းရင်းက တစ်တန်းလုံးကိုယ်စား ကျူလစ်ပန်းစည်းအကြီးကြီးတစ်စည်း ယူလာသေးတယ်။ ဒီနွေရက်ရဲ့တောက်ပမှုကိုယှဉ်လျက် လန်းဆန်းနေတဲ့ လိမ္မော်ရောင်ပန်းလေးတွေဟာ အဖြူချည်းသက်သက်ဖြစ်နေတဲ့ ဆေးရုံအခန်းလေးကို ပြောင်းလဲအသက်၀င်လာစေတယ်။

ကျန်းခဲ့ကမူ သူတစ်ကိုယ်တည်း ကိုယ်စားပြုရင်း အဖြူရောင်နဲ့ အဝါရောင် ဂန္ဓမာပန်းတစ်စည်း ယူလာပြီး :
‘‘ချဲယ်ကောရာ ချဲယ်ကော ထွက်သွားမှပဲ ကူးချဖို့ အိမ်စာရှာရတာဘယ်လောက်ခက်မှန်း သိတော့တယ်”
(T/n : ဂန္ဓမာပန်းရဲ့ အဓိပ္ပါယ်က သေဆုံးခြင်းနဲ့ ရှင်သန်ခြင်းပါတဲ့)

ထိုစကားကြားပြီးတော့ ချန်ရင်းရင်းက သူ့ကိုဆွဲထုတ်လာပြီး ရိုက်တယ်။
‘‘ထွက်သွားတယ် ဘာထွက်သွားတယ်လဲ! ဘာကိစ္စ ဒီပန်းတွေဝယ်လာတာတုန်း! နင့်မှာအသိတရား မရှိတော့ဘူးလားဟမ်!”

ဒီဆူညံပူညံ အကြမ်းပတမ်းအုပ်စုကတော့ ထုံးစံအတိုင်းပါပဲ။

ရင်းချဲယ် နှစ်စည်းလုံးကိုလက်ခံပြီး ကုတင်ဘေးက ကြွေအိုးထဲမှာ ထိုးထားလိုက်တယ်။ ပန်း‌အမျိုးအစားတွေအတူရောလိုက်တော့ ဂန္ဓမာတွေကလည်း အသက်၀င်တဲ့ဘက်ကို ပိုရောက်သွားတယ်။

ရန်းရီလဲ့က ဒီတစ်ပတ်ရဲ့အိမ်စာတွေ အတန်းချိန်က မှတ်စုတွေ အားလုံးပေါင်းပြီး တစ်ပါတည်းယူလာလေတယ်။
‘‘finalက နှစ်ပတ်အတွင်း ဖြေရတော့မှာ ဆိုတော့.....မင်းကြည့်လို့ရအောင်လို့”

ကျန်းခဲ့က :
‘‘ရီလဲ့ မင်းတကယ်ကို အလိုက်မသိတာပဲ၊ ငါသာဆို စာမေးပွဲမတိုင်ခင်ဖျားတယ်ဆိုရင် စာမေးပွဲပြီးတဲ့ထိအောင် ဖျားနေအုံးမှာ ကျိန်းသေတယ်”

‌ကောကျစ်ရှုန်းကလည်း ထောက်ခံတယ်။
‘‘အမှန်ပဲ၊ ချဲယ်ကော မထူးလည်း ဆယ့်နှစ်ရက်လောက်ပဲ ကျန်တော့တာ ချဲယ်ကော ကျောင်းကိုပြန်လာမနေနဲ့တော့၊ ချဲယ်ကောသာ လုပ်ရဲရင် ဒီနေ့ကစပြီးတောင် နွေရာသီအားလပ်ရက်လို့ သတ်မှတ်လိုက်လို့ရသေးတယ်” 

ချန်ရင်းရင်းက :
‘‘နင်တို့နှစ်ကောင်၊ ကိုယ်စာမလုပ်ချင်တိုင်း သူများကို ကိုယ့်ဇာတ်‌ဆွဲသွင်းစရာလား ဟမ်? ချဲယ်ကော သူတို့ပြောတာ နားထောင်မနေနဲ့၊ ချဲယ်ကောက ပထမနှစ်တုန်းကလည်း finalအကုန်မဖြေခဲ့ရတာ အခုဒုတိယနှစ်သာ ထပ်မဖြေရင် တက္ကသိုလ်၀င်ခွင့်ကောင်းကောင်း ဖြေလို့မရဖြစ်လိမ့်မယ်၊ လာဖြေလိုက်တာ ပိုကောင်းမယ်ထင်တယ် ကျလည်း ကိစ္စမရှိဘူး လောင်ရှီးက နားလည်မှာပါ”