Pay Attention To Me [Myanmar Translation]

Chapter - 73

ဒေါက်တာဖုန်းက သက်ပြင်းချတယ်။
‘‘အိမ်း ငါလည်း အိုနေပါပြီကွယ်၊ မင်းတို့လူငယ်‌‌အတွေးတွေကို ငါနားမလည်ပါဘူး၊ အဓိကကတော့ မင်းကိုယ်မင်း ပြင်ဆင်ထားဖို့ပဲ၊ အခွင့်အရေးကို အဆုံးရှုံးမခံနဲ့၊ အသင့်တော်ဆုံးလူကိုလည်း လက်မလွှတ်စေနဲ့ပေါ့”

ရင်းချဲယ်က ဖျော့တော့တော့လေး ပြုံးပြတယ်။
‘‘ဟုတ်ကဲ့ပါ”

ဒေါက်တာဖုန်းဆီက ထွက်လာပြီးတော့ သူ ရွှီရှို့ဆီ၀င်ခဲ့သေးတယ်။

‘‘မင်းလည်း omegaဖြစ်နေလိမ့်မယ်လို့ ငါမထင်ထားဘူးရယ်”
တအားကြီး အံ့ဩပနန်းဖြစ်မနေပုံထောက်တော့ ရွှီရှို့လည်း ဒေါက်တာဖုန်းဆီက ကြားပြီးဖြစ်လိမ့်မယ်။
‘‘ကြည့်ရုံနဲ့တင် မင်းက omegaနဲ့ တကယ်တူတာ၊ ဖွေးဥပြီး ချစ်စရာလေး.......”

ရင်းချဲယ်က ချောင်းတဟွတ်ဟွတ်လုပ်ပြတော့ ရွှီရှို့က ချက်ချင်း သဘောပေါက်သွားပြီး :
‘‘ငါသိတာပေါ့၊ မင်းက ထွားကျိုင်းတယ် သန်မာတယ် ရဲရင့်တယ် လူသန် လူကြမ်းကြီး A‌တွေထက်တောင်သန်တဲ့ Aလေ!” 

‘‘....အဲ့လောက်ကြီးထိလည်း မဟုတ်ဘူးလေဗျာ”

အခုဆို ရွှီရှို့က ပြန်ကောင်းလာပြီဖြစ်တယ်။ heatကာလမှာပဲ သူ့ချစ်သူအကူအညီနဲ့ ရှင်သန်ခွင့်ရခဲ့ပြီး နွေရာသီအားလပ်ရက်အတွင်း နောက်ထပ်ခွဲစိတ်မှုတစ်ခုပြီးရင် အပြည့်အ၀ ပြန်ကောင်းလာနိုင်တော့မှာ ဖြစ်တယ်။ ဒီရက်ပိုင်းအပတ်တွေအတွင်းတော့ အနားယူနေရတာပေါ့။

‘‘ဒါနဲ့ မင်းကိုပြောပြရဦးမယ် ရှောင်ချဲယ်”
ရွှီရှို့မျက်နှာက ရဲနေတယ်။
‘‘အဲ့ alphaတွေဆိုတာ နည်းနည်းမှ မကောင်းဘူး၊ သာမန်အချိန်ဆို ညင်သာပြီး အေးဆေးတည်ငြိမ်နေပေမယ့် pheromoneနံ့ရတဲ့အချိန်ကျ သူတို့ရဲ့သရုပ်မှန်က ပေါ်လာတော့တာပဲ၊ တအား တအားကို ကြမ်းကြုတ်တာပါဆို.....”

ရင်းချဲယ်ကတော့ ရွှီရှို့လည်ပင်းက မပျောက်ပြယ်သေးတဲ့ အနီရဲရဲအမှတ်အသားကို မကြည့်မိအောင်ရှောင်ရင်း လေသံကိုလည်း အတတ်နိုင်ဆုံး ပုံမှန်လေးဖြစ်အောင် ထိန်းယူ‌နေရတယ်။
‘‘တအားနာတာလား?”

‘‘အစတော့ နည်းနည်းနာတယ် ဒါပေမယ့် နောက်တော့....”

ရွှီရှို့က ဆက်ပြောဖို့ မရဲတော့သလို ရင်းချဲယ်လည်း ထုတ်မေးဖို့ မရဲပေ။