|82|

1.7K 310 2
                                    

[Unicode]

ဟင်းအမယ်မျိုးစုံတို့ရဲ့ သင်းပျံ့တဲ့မွှေးရနံ့ဟာ၊ မီးဖိုခန်းထဲမှာ ပျံ့လွင့်လို့နေတယ်။
ဟယ်ရှင်းချွမ်က ဟင်းခတ်အမွှေးအကြိုင်ဗူးများကို လှန်လှောမွှေနှောက်နေကာ
"ထန်ကော! အိမ်မှာဆားကုန်နေပြီ! သွားဝယ်ပေးလို့ ရမလား?"

"ရတယ်လေ"

အပေါ်ကုတ်အင်္ကျီကို ဝတ်ဆင်လိုက်ပြီး၊ လှေကားထပ်တွေကိုဆင်းနေရင်းပဲ မာဖလာကိုပတ်လိုက်တယ်။

မြေညီထပ်ရှိ စူပါမားကတ်ဆီရောက်တော့၊ ကောင်းမွန်စွာဝတ်စားထားတဲ့ သက်ကြီးပိုင်းလူတစ်ယောက်က သူ့အနားတိုးကပ်လာကာ
"လူငယ်လေး! ဒီအဆောက်အဦးမှာနေတဲ့ 'ဟယ်ရှင်းချွမ်'ဆိုတဲ့လူငယ်ကို သိလား?"

ယန်ထန်က ဝယ်ယူပြီးသွားတဲ့ လက်ထဲကဆားကို ငုံ့ကြည့်နေမိတယ်။
"မြင်ဖူးသလိုလိုတော့ရှိတယ်"

"ဟုတ်လား? ကောင်းတာပေါ့! သူ့ကိုဘယ်လိုဆက်သွယ်ရမလဲကော သိလား? သူ့ဖုန်းနံပါတ်မရှိလို့"

"သူနဲ့သိပ်မသိဘူး၊ ခင်ဗျားရဲ့ ဖုန်းနံပါတ်ပေးခဲ့လေ။ သူနဲ့တွေ့ရင် ပြန်ဆက်သွယ်ဖို့ပြောပေးမယ်"

"အိုး၊ ဒီလိုလည်းကောင်းပါတယ်။ ခဏစောင့်ဦး!"
ထိုအဘိုးက သူ့ဖုန်းကိုချက်ချင်းထုတ်ယူကာ၊ ဖုန်းနံပါတ်ကို ပြောပြလာခဲ့တယ်။

...

ဟင်းပွဲလေး ငါးမျိုးလောက်ကို ဟယ်ရှင်းချွမ်ချက်ပြီးသွားပြီ။ ထမင်းစားစားပွဲကတော့ အပြည့်ပါပဲ။

ယန်ထန့်အကြိုက်တွေချည်းပဲ!

ဟင်းခွက်တွေထဲက ကြက်သွန်နီ၊ ချင်းနဲ့ ကြက်သွန်ဖြူတွေကိုသာ ဖယ်လိုက်ရင်ပေါ့။

ယန်ထန်က ကြက်သွန်ဖြူတွေကို ဖယ်ရှားဖို့လုပ်နေပေမဲ့၊ ဟယ်ရှင်းချွမ်ရဲ့တူဖြင့်တားဆီးခြင်းကို ခံလိုက်ရတယ်။

"သရက်ရွက်နဲ့ အစာအိမ်ရဲ့အပူချိန် ပုံမှန်လည်ပတ်စေဖို့၊ ကြက်သွန်ဖြူစားပေးရမယ်!"

"ကြက်သွန်ဖြူက Radix Isatidisလိုပဲလား?"

ဟယ်ရှင်းချွမ်က ခေါင်းညိတ်ပြတယ်
"ဖြစ်နိုင်မယ်ဆိုရင် မအိပ်ခင်တိုင်း၊ အဲ့ဒါကို တစ်ထုပ်သောက်စေချင်နေတာ!"

Hedgehog And Tiger [Myanmar Translation]Where stories live. Discover now