[ သူကြီးသမက် ]
" အရိပ် ကိုယ်မဟာဖြေဆေးဝယ်လာတယ် ထသောက်လိုက်ဦးနော် "
ရွာထဲကနေဆေးဝယ်ပြီး ရိုးပြန်လာတော့အရိပ်ကအိပ်ရာထဲရောက်နေပြီဖြစ်သည်။
" အရိပ်ဆေးသောက်ဖို့ ရေသွားခပ်လိုက်ဦးမယ်နော် "
မဟာဖြေဆေးထုပ်ကို ရိုးကသွားနဲ့ကိုက်ဖောက်လိုက်ပြီး အိပ်ရာထဲကထထိုင်လာတဲ့ အရိပ်လက်ထဲကိုထည့်ပေးလိုက်သည်။
ထို့နောက် အိပ်ခန်းထဲကနေထွက်လာကာ အိမ်ရှေ့ခန်းဘုရားစင်နံဘေးဒေါင်နားသောက်ရေအိုးကနေစတီးခွက်နဲ့ရေတစ်ခွက်အပြည့်ခပ်လိုက်၍အိပ်ခန်းထဲပြန်ဝင်လာခဲ့လိုက်သည်။
" ဖြည်းဖြည်းသောက်ဆေးသီးမယ် အရိပ်လေး "
အရိပ်ကလက်ဖဝါးဖြန့်လိုက်ကာမဟာဖြေဆေးအမှုန့်တချို့ကိုထည့်လိုက်ပြီး လက်ဖဝါးထဲကနေတစ်ဆင့်ပါးစပ်ထဲထည့်လိုက်ပြီးနောက် ရိုးလက်ထဲကရေခွက်ကိုယူသောက်လိုက်သည်။
" အိပ်တော့မှာလား အရိပ်လေး "
အရိပ်လက်ထဲကရေခွက်ကိုပြန်ယူပြီး ရိုးမေးလိုက်တော့ အရိပ်ကရိုးအမေးကိုတစ်ခွန်းမှပြန်ဖြေမလာ ကြည့်ရတာ ညနေကရိုးအရက်ခိုးသောက်တာကို အခုချိန်ထိအရိပ်ကရိုးကိုစိတ်ဆိုးမပြေသေးဘူးထင်သည်။
" အရိပ်လေး ဒီမှာကိုယ့်သကြားကပ်မုန့်ဝယ်လာတယ် တစ်လုံးလောက်စားပြီးမှအိပ်နော် ညနေကလဲထမင်းနည်းနည်းလေးပဲစားထားတာ ဗိုက်ဆာနေမယ် အရိပ်လေး "
" မစားချင်ဘူး "
အိပ်ရာထဲပြန်ကွေးအိပ်နေတဲ့ အရိပ်ကရိုးအပြောကိုငြင်းဆန်လာသည်။
" အများကြီးမစားချင်လဲနည်းနည်းလောက်တော့ ထစားပါဦးကွာ ရိုးရဲ့အရိပ်လေးကလိမ္မာတယ် ထ နည်းနည်းလောက်ပဲစား "
အရိပ်အိပ်နေတာကိုအတင်းဆွဲပွေ့ထူကာစားခိုင်းနေတဲ့ ရိုးကြောင့်အရိပ်နှုတ်ခမ်းတစ်တောင်လောက်စူပစ်လိုက်ပြီးမကြည်သလို ရိုးကိုစိုက်ကြည့်ပစ်လိုက်သည်။
" လာမထိနဲ့ကျွန်တော်ခင်ဗျားကိုစိတ်တိုနေတုန်းပဲ !"
ရိုးကအရိပ်အပြောကိုမကြားချင်ယောင်ဆောင်လိုက်ပြီးနောက် အရိပ်ကိုယ်လေးကိုသူ့ရင်ခွင်ထဲထိုင်နေလျက်အတိုင်းဆွဲပွေ့ဖက်ထားလိုက်၍။
YOU ARE READING
( သူကြီးသမက် ) Completed
Non-Fiction( ရိုးမာန်ဂုဏ် ♡ နွေလရိပ် ) ♡ 28 . 8 . 2021>♡< 19 . 12 . 2021 ♡
