[ သူကြီးသမက် ]
" ဟော့ ဟိုမှာအရိပ်လာပြီ "
အဖေတို့အိမ်အရောက် မစောထွေးကအရိပ်ကိုမြင်တော့ပြောလာသည်။
" အတော်ပဲအရိပ်ရေ...ငါ့ဒီမှာနင့်မှာထားတဲ့ ပုဆိုးနဲ့ပါတိတ်လုံချည်လာပို့တာ နင့်ညီမကလဲဝမ်းဆက်တစ်စုံယူမယ်တဲ့ "
" ဟုတ်ကဲ့မစောထွေး ပုဆိုးအကွက်ကျဲနောက်တစ်ကွင်းနဲ့အကွက်စိပ်လေးသုံးကွင်းလောက်ထပ်ယူဦးမယ်ပါခဲ့လား "
" ပါတယ် ပါတယ် ဒီမှာနင့်ကြိုက်တဲ့အရောင်နဲ့အကွက်ရွေးလိုက် "
အရိပ်လည်းကွပ်ပျစ်မှာဝင်ထိုင်လိုက်ပြီး မစောထွေးရဲ့အဝတ်ထုပ်ကိုဆွဲဖွကာ ဦးလေးရိုးဟန်အတွက်ပုဆိုးအကွက်ကျဲလေးတစ်ကွင်းရွေးပြီးရိုးအတွက်ကိုတော့အကွက်စိပ်လေးအစိမ်း နီညိုရောင်နဲ့ခရမ်းပြာလေးသုံးကွင်းရွေးလိုက်သည်။
" အဖေတစ်ကွင်းလောက်ထပ်ယူဦးမလား ဒီအကွက်လေးကအဖေနဲ့ဆိုကြည့်ကောင်းမှာ "
" တော်ပြီ အဖေမှာလာကန့်တော့ထားတဲ့ ပုဆိုးတွေအများကြီးပဲရှိတယ် "
အဖေအပြောကြောင့် အရိပ်လက်ထဲမှာကိုင်ထားတဲ့ ဇီးရောင်ပုဆိုးအကွက်ကျဲလေးကိုလက်ထဲကမချချင်အောင်ကြိုက်နေပြီဖြစ်၏ ပုဆိုးကလဲလူကြီးအဆင်ဖြစ်နေတာကြောင့် ဦးလေးရိုးဟန်အတွက်ထပ်ယူလိုက်တော့ ဦးလေးရိုးဟန်အတွက်ကနှစ်ကွင်းဖြစ်သွားပြီ ရိုးအတွက်ဆိုကာရွေးထားတာကသုံးကွင်းအားလုံးပေါင်းငါးကွင်းဖြစ်သွားတော့ နံဘေးကနေအမေကမေးလာတော့သည်။
" ဟဲ့ အဲလောက်ပုဆိုးတွေအများကြီးဘာလုပ်မလို့လဲ ပြန်ရောင်းစားဖို့လား "
အမေရဲ့စကားကြောင့် အရိပ်ရယ်လိုက်၍။
" ဦးလေးအတွက်နှစ်ကွင်း ရိုးအတွက်သုံးကွင်းလေ အမေသမက်အကြောင်း ဘာသိလို့လဲ အင်းထဲဆင်းလည်းပုဆိုးအကောင်းကိုမလဲဘူး ဒီအတိုင်းဆင်းတာ သူ့မှာပုဆိုးအကောင်းရယ်လို့သုံးကွင်းတောင်ပြည့်အောင်မရှိတော့ဘူး "
" အကုန်လုံးအလုပ်လုပ်ဝတ်တဲ့ ပုဆိုးစုတ်တွေဖြစ်ကုန်ပြီ "
အရိပ်အမေကိုရိုးရဲ့စည်းကမ်းမရှိပုံကိုပြောပြရင်းမစောထွေးကိုကြည့်လိုက်၍။
YOU ARE READING
( သူကြီးသမက် ) Completed
Non-Fiction( ရိုးမာန်ဂုဏ် ♡ နွေလရိပ် ) ♡ 28 . 8 . 2021>♡< 19 . 12 . 2021 ♡
